拆彈專家2

算近期高質素嘅港產電影！值得一看！

全片充斥情感、人性、警匪及爆炸場面，絕無冷場，身為男主角的華哥，牽動着整部電影的血脉，帶起整個電影團體出色表現。華哥把一個從天堂跌下地獄，再由陷入地獄返回天堂的拆彈專家的心理歷程痛快地演示出來，每一個面容都感動觀眾。編劇及導演把如此般複雜的人性處理妥善流暢，本片帶出“人的憤怒，有時源自自己的偏見”，“當你放下憤怒，才能展示人的善良本性”。警匪追逐場面保留着港產片優質元素，拼搏及娛樂性豐富。值得去看的電影，支持香港電影。說本片是港產片，他敢於指出現今社會是頹廢的社會（不知道，內地是否不同版本）。

劉青雲配劉德華真係好組合除左中間悶之外整體都同預告片一樣正

第一集炸紅隧已經好爆，今集一開場炸機場都幾驚喜幾震撼，同時一開場就爆左個結局，不過對觀影唔太大影響，因為多場拆彈場面能夠保持到個張力，我直頭睇到手心出汗。電腦特效做得好好，除左爆炸場面，連劉德華隻腳都好真實！不過後段去外國果度係咪唔多Budget？忽然揸流攤，假到令人出戲。另外劉華同倪妮配音唔夾口型，特別車上嘈交一場戲，聲畫唔同步都幾突兀。今次劇本故事比上集好好多，雖然失憶有少少老土，雙重扭橋亦唔難估，但甚有追看性，架構完整之餘亦比較合理，極端恐怖組織點都合理過黑商作孽大龍鳳吖。是誰教劉德華和平爭取是沒用的？即使是劉華，即使他再努力，膠層只看表面，怕承擔，所以用完即棄。P.S. Babyjohn今集又係炸死真係慘。.觀影平台: B+ Cinema APM.IG andymyf / #AndyMovieReview

無論本片算係港產片抑或中港合拍片，都係一部製作認真，值得入場嘅電影，孖劉合作無間，演出惹人好感，劉華雖漸呈老態，仍然顕出寶刀未老，一貫敬業精神，毋怪粉絲咁多。劉華演一個警隊拆彈專家潘乘風，為咗救人，命都唔要。後來在一次任務中不幸炸斷隻左腳，冇得再上前綫，轉做文職，自覺唔pro，英雄末路，就劈砲唔捞，後來嘅發展，就係個戲肉，再講就劇透，都係留返畀大家入場欣賞。多口講吓，戲內潘乘風，鐵胆仁心，但就弊在逆境中變咗玻璃心，諗埋一邊，中晒基督宗教所講嘅原罪：驕傲、嫉妒、忿怒，從此走上不歸路，令人惋惜。做人要瞻前顧後，時常知道自己嘅位置，好似足球嘅midfielder ，交靚波畀前鋒，又要協助後衞防守，為整體利益設想，唔可以太自私。但講到尾，又真係有幾多人做到好似碧咸、C 朗？

四平八穩，商業元素足夠