TENET天能

電影一上映已經狗衝去睇，離場後跟大多數人一樣要上網睇分析補腦，其實想二刷睇下仔細位，可惜未有時間。其實逆時而行同以往回到過去有點不一樣，電影多次提到「發生過的已經發生」跟過往回到過去改變歷史的蝴蝶效應有所不同。電影拍到逆行同時順行呢一點幾突破，這個時間概念打破傳統觀念，要理解及消化係幾複雜，可能因此故事性及人物設定都頗為簡單。電影高成本製作並非花在電腦特效，而是真實呈現撞機場面，以及公路追車戲份等，視覺效果的確頂級，Christopher Nolan編劇監製導演都是品質保証！其實我觀影時覺得面善但認唔出Neil係Robert Pattinson，他近年積極轉型都幾成功，而Neil這個角色某程度上亮眼過無名男主角。Follow IG: andymyf / IG #andymoviereview

特效剪接通貫，但動作指導好矛盾太刻意為角色定位，幫開門已經預知想講乜...減少角色令故事變通，但就冇留空間俾觀眾用左指向性一技，例如上次比較深刻係牛頓第二定律

諾蘭呢部戲真係「高深」，冇物理學知識就睇一百次都唔明，但唔明唔緊要，故事大綱以及場景、特技等等好睇，配樂好聼就得喇，正如電影內個女科學家所講：Don’t try to understand it. Feel it. 而我哋身為觀眾，係無可能要諾蘭去改變佢嘅品味與風格，正如我哋香港人係冇能力去改變嗰啲超蠢腦殘嘅有權有勢人士。回頭講返呢套戲，戲內提到 entropy(熵）、time inversions (時間逆轉）、grandfather paradox(祖父悖論）等等，大多數人都抓晒頭唔明，又話唔係時間旅行，可以隨意穿梭時空，只係時間逆轉，當人回到過去，就好似企喺上下行嘅行人電動帶moving walkway，對向移動，你回家，有人離家，十分有趣。不過，正如主角嘅助手尼爾所講，發生咗就係發生咗What happened has happened 。即使返到過去，都無法改變當年嘅人事，一切都係既成事實，命運無法改變。諾蘭這部片具豐富哲學內涵，令人無限想像。

個人覺得今次老蘭的處理是極為出色，雖然在故事處理上的確有點高深，不是個個觀眾第一時間可以消化到，但正正如此結構精密同他神人般處理，卻令套戲可以達到神片級位置。 技藝依然是最強的一環，老蘭這次是無懈可擊。聲畫剪接鏡頭依然貫徹他以往高水平，如果上套 鄧寇克大行動 Dunkirk 主打剪接神技的話，而這套最主打應該是畫面同配樂，高壓配樂搭高速鏡頭，兩者結合所產生的化學作用的確令套戲好睇。由第一幕歌劇院到奧斯陸到愛沙尼亞車戰再到最後十二城一戰，每一場的技藝處理也是神級同不會令人失望。這方面老蘭是不令觀眾們失望。個人來講會比較喜歡奧斯陸一段。而故事結構同描寫處理方面，個人也覺得他的處理是上佳，雖然在故事結構設定上不是走俗套方向同角色之間情感交流有點薄弱，會令一般觀眾有所厭倦同不舒服。但對一眾老蘭迷來講，他今次依然可以交出一個好的劇本。

本電影具有星際啟示錄和鄧寇克行動的亮點，星片帶給觀眾高深的物理理論，而鄧片是戰鬥場面及人性刻畫，好耐沒有見到戲院甘多人潮，很多年輕人都議論本片的物理理論，真難得，帶起話題，這5分太有意義。這套電影比看偵探片更燒腦，有些物理理論未甘快接受，好在曾經看過回到未來、潛行兇間等電影，有D基礎，但對某些情節都未搞清楚，真係撻着個腦去再看多一次。男主角曾两次講“無知是優點”，有何啟示？思考這些問題，好過面對“每天確疹人數”。

導演成功用剪接，特技和概念，令一個平平無奇嘅劇本生色。可能導演認為大家都未搞清楚時間線，點會花心機睇你個劇情，但其實我睇到一半，發現原來個衰人要毀滅世界嘅原因只係因為佢有絕症冇得醫，自私到想攬炒全人類嘅時候，我就知個劇情真係兒戲到冇得再兒戲。無可否認概念新鮮，好多地方可以思考，入場嘅時候記得保持思緒清晰，咁你就唔會覺得時間軸混亂，我睇左一次，已經唔會想睇第二次，同Inception比差太遠。