戰狼 II

娱樂豐富，打鬥精彩，戰鬥場面國際水平，整套電影的氣氛令人透不氣來，絕無冷場。在這商業化的電影下又能樹立大中國形象，一點說教味道都沒，自然流露，觀眾自然受落。本電影大大捉住了中國人的心理，十分之討好。超正！作為中國人，極力推薦！

剧情足感觉多小小拖延时间其他都ok绿箭侠女联手国杀戮男主角

吳京以手臂套上五星國旗，在非洲土地上揮舞，那種傲氣豪情最能牽動人心，毋怪本片在國內大收50億人民幣以上。平心而論，呢套國產戲係認真製作，武打場面及眾多爆破場景都係少有精彩，仲有埋坦克片車飄移，唔到你唔服，選擇喺非洲拍攝，為咗故事亦可慳皮，一舉兩得。吳京飾演冷峰一角，係一嫉惡如仇嘅正義軍人，十分討好，與佢以前多演奸角比，令人一新耳目，今次佢身兼導演及演員，瞓身演出，顯出真本領，值得慶幸。但我畧嫌劇情有啲誇張，稍為收歛及修剪枝節，睇嚟會更自然舒服。戲中有冷峰在工廠內與紅巾叛軍死戰後，因染病及受傷要撤退，但當晚養傷經特別治療後，翌日在鏡頭前，竟然係剪咗個靚髪，這明顯係化𥺁一大疏忽，又或吳京要求，營造戰狼靚樣。英雄形象，中國Rambo，一朝戰狼，終身戰狼，不死戰狼。

套戲大陸上剛好遇正古惑仔之建軍大業，天時地利人和食正，加上吳京開始有佬味，自編自導自演，打正旗號走實力派，同古惑仔相反，小鮮肉no way ! 吾睇真係無話題。

中國強大起來，就整套咁嘅戲，話比入場的人聽，鬼佬話事的年代已經過去，現在中國人話事（我只是分析戲中的感覺），總分66分一般般

如果覺得以前的Rambo太勁太誇張, 咁你真係要對誇張呢個形容詞重新再認識一下。主角一般都係槍林彈雨下唔死得, ok冇問題, 呢個係可以接受嘅, 但通常英雄電影以一敵百都好吖, 多數都會採取主角用打遊擊嘅方法, 遂1殺敵或最多同1時間1打3, 總之起碼會智取先, 呢套電影就非一般咁, 經常1個人以1敵10, 好似葉問咁(但問題係葉問用拳腳功夫嘛), 啲壞人全部用機槍迫擊炮, 咁都得?3個人被幾百個武裝部隊圍, 1個都冇死, 坦克車開到似跑車咁, 仲要識甩尾漂移, 唉～主角咁勁, 咁中國真係唔需要Ironman或者雷神了, 有吳京就攪掂哂啦。Btw, 以娛樂片嚟講, 佢冇悶場囉, 由頭到尾都bang…bang…bang