阿飛正傳（4K數碼修復版）

2025年4月， 今個月總共看了兩套王家衛以前的作品，一套是 <花樣年華25週年導演特別版4K>, 另一套便是這套《阿飛正傳》(4K 修復版)。 35年前王家衛的作品， 在35年後的今天再看仍然很有味道。 張國榮飾演的旭仔，哥哥那份放任不羈演活了旭仔角色。 除了哥哥之外，真的想不到再有那一位靚仔演員可以演出旭仔這角色而令觀眾信服。 片中粒粒巨星， 每位都正值黃金歲月，也是香港娛樂圈/電影圈黃金的日子。 35年後的今天， 亞洲鄰國的娛樂及電影事業已追過了香港，更多電影老闆的投資目標是對準中國市場， 香港市場逐漸萎縮，令人不勝唏噓。

阿飛雖然好靚仔但呢啲係性騷擾吧......2026年入場睇，有啲位觀眾都冷笑，同埋話「咁就完喇」，但諗深一層，王家衞電影從來唔係(齋)睇劇情，而係睇每個角色嘅心理構造，同埋用鏡頭(+一堆symbolic嘅場景物件聲音)刻劃情感。而家睇返，仍然係好劃時代，好多位可以細味。而且可以喺大銀幕見返哥哥同幾位巨星年輕時嘅演出，絕對係值回票價了。

對白畫面太多經典，也將盛極一時的黃金年代巨星留下永不磨滅的一個章節。

作為90後，呢套真係聽得多，但都未睇過，一套36年前嘅作品，擺喺今時今日我唔會話過時，但仍然係好王家衛之餘、都有值得欣賞嘅地方，例如拍得好唯美、演員嘅演繹，但亦都唯美得節奏有啲慢，始終王家衛式藝術一向真係唔係太識欣賞，坦白講有啲悶。但睇返一班巨星當年嘅模樣，依然好睇。

配樂有氣韻，演員表現優異，有長鏡頭、稍高鏡頭的運鏡。故事平庸，一位對親生父母有心結的情場浪子，放蕩不羈，最終被殺死的悲劇。兩位女友又帶出兩位男配角的相思與情愫。敘述手法過於細碎，把簡單的故事講得複雜。

攝影師杜可風將1960年代的香港氣氛拍得很憂鬱，亦營造出疏離和迷幻的感覺。故事沒有完整的情節，而是透過幾段破碎的感情，描寫年輕人對被愛與歸屬感的追尋。張國榮將旭仔演得既迷人，又冷酷，眼神裡藏著不安與叛逆；他的每一個細微的表情和動作都充滿張力，完美詮釋了浪子內心的孤獨與掙扎。