Baby復仇記

有小朋友嘅應該會有共鳴！值得一睇。

唔睇唔可惜，男女主無cp feel，劇情亦好生硬

溫馨 好笑 有瑕疵但亦可接受

電影原創故事、編劇兼導演陸以心本身係彭浩翔創作團隊成員，前作『同班同學』經已流露出一絲彭浩翔嘅影子，估唔到轉投天下一後嘅新作『Baby復仇記』更顯露佢真係學晒彭浩翔所有好同壞嘅地方。.呢篇文將會拆解電影各項死因，為電影發展基金白白浪費嘅公帑討回公道。-死因一：主角戲屎兼唔夾。.Dada雖然攞過最佳女配角，但演技仍然較為生疏，球場崩潰喊嗰幕略嫌演得唔入格，始終成個角色都唔適合佢做，事業型女性喎佢都唔似。至於對手朱鑑然更加難對付 - 完全唔識做戲得個樣，每次有感情位就將自己演技問題露晒底。.再者兩位夾埋一齊完全唔夾冇默契，唔知真係以為奉子成婚添。-死因二：配角多而無用。.天下一貴為香港影壇嘅新貴，坐擁大量優質演員，明白喺自家製作攝新人落去嘅目的。但「特別介紹」嘅胡卓希同張蔓莎喺戲中存在感低到完全唔覺有出鏡，我都係靠睇返trailer先攞返少少印象，真係陰功。.毋庸置疑戲內幾組人物寫得幾有趣，但全部都到喉唔到肺。無論係蝦頭同吳日言為首嘅同事、余香凝等人嘅閨蜜定係Baba Club嘅天下一群星，都係未有好好發揮佢哋應有嘅魅力。.不但寫唔到事業女性喺家庭同工作嘅取捨，男人對老婆懷孕期間嘅無助同無力感又無，全片僅有胡子彤返屋企細細聲唔敢嘈醒BB嗰段係神來之筆，但好可惜唔食住個勢寫落去。.吳肇軒嗰段神棍溝傳銷寫、拍同演得尷尬，剪走佢仍無阻劇情理解及流暢度，唔應該刻意為留一個天下一演員客串機會而拖垮全片節奏。-死因三：故事散修修。.片頭已有陣陣『志明與春嬌』風格 - 女主角處事成熟而男主角永遠都大唔透，兩人身邊總有一班「好」閨蜜兄弟⋯⋯有刻我抱住睇志明系列外傳/平行時空版嘅心態睇，但可惜導演捉唔到電影應有嘅節奏。.好多幕都處於得一兩分鐘嘅長度，斷斷續續咁未能營造氣氛同幫觀眾入戲。余安安殺入佢哋屋企嗰幕本身以為會順手介紹埋張繼聰入去，點知為咗營造下一幕嗰隻爛gag而格硬sharp cut。-死因四：導演功力差。.其實仲有幾位配角嘅能力原則上可以力挽狂瀾，好似我一直深愛嘅張繼聰咁，次次出場都能夠將氣氛起死回生。但可惜佢哋出現嘅時間實在太少。.不過就算有佢哋嘅場面又未必單憑演員能力可以救到套戲，好似其中一幕張繼聰將BB車當賽車咁玩，鏡頭就做唔到個種力量出嚟，浪費咗本身嘅設計。.有好概念但唔識執行。-死因總結：陸以心唔應該做「第二個彭浩翔」，而係展示自己個人風格。再者今次作品質素差亦揭露佢功力唔夠，全片散兼空洞。佢現階段需要搵個結構叻嘅人一齊寫劇本，至於做導演？遲啲再算啦。

Dada演得好好，另外男角都算演得唔錯，好寫實