戀愛裁判

個人覺得今次深田是有點眼高手低的確這個題材是吸引，但深田在執行上，過於捉到鹿不懂脫角，其實她們無疑是如籠中的金絲雀般，雖然萬人擁戴，但背後人身自由卻限制重重，這方面深田的執行是可以，在戲中他有講及她們長期被狂熱粉絲這份痴漢行為，而中段這個的確是真有其事（AKB48握手會刀傷事件）但深田在這段的處理，有點過於避諱同疏離（可能他們驚有人會覺得套片有過於消費這件事）這樣令整中後段的劇力因此而鬆懈。而深田戲中有觸及她們在面對這樣時的矛盾，前中段的描寫是可以。但後段這法庭戲，好像過於緩慢，令前中段所鋪排好像被消去，這方面可能是這套不被討好的原因。而對在愛情同麪包之間如何選擇這個主軸，個人覺得今次深田的處理是尚算可以，可以寫出有其矛盾位，但執行只屬一般。痴·影·夢·藝 X 的專頁 https://www.facebook.com/ckwunmovie/

故事關於日本偶像成員為爭取自身戀愛自由，對抗娛樂公司禁止戀愛不合理合約條款，對薄公堂。都係一貫日式文藝拍攝手法，慢條斯理，角色演譯內斂，木無表情果隻。整體劇情走向直線易明，未致於文藝到嗑眼瞓，片中有時出現嘅偶像歌舞演出都會令你醒一醒神，但故事劇情整體都係平平淡淡。喜歡日式文藝嘅觀眾可以入場。PS. (含劇透)• 睇完套戲我都唔係完全一面倒同情女主角。個人覺得女主角都係有啲唔抵爭，日本娛樂業個玩法就係咁，而且約又係你自己簽，你唔滿意條款應該簽之前提出反對，又或者唔簽，而唔係自己違反咗合約比公司告先嚟爭取。雖然最後贏咗場官司，但又得到啲乜?....除咗啖氣。但相信呢行都列佢入黑名單，永不錄用。眼見舊隊友個個事業有成，自己就只能羡慕。• 我唔係認同不平等合約條款, 只係覺得女主角自己處事都有啲問題• 女主角其實都算係任性自我果隻• 做佢哋呢啲偶像就係賺宅男錢，不能有男朋友是常識吧！又要賺宅男錢，又要如常人有拖拍，出嚟揾食邊有咁完美。公司肯比你拍拖, 班米飯班主都唔肯過你啦！😅• 最諷刺嘅係另外兩名成員，一個决定要事業唔要愛情, 另一個其實地下拍拖, 兩個最终都得到想得到嘅嘢，反而女主角公然挑戰合約/制度，最終雖然贏咗官司，但結果事業愛情兩失，這就是現實。

#戀愛裁判 #LoveOnTrial #WildWildy影評大家好，我是 Wild Wildy！今日想同大家吹下呢部 2025/2026 年嘅日本偶像劇情電影——《戀愛裁判》(Love on Trial)。呢部作品由日本知名導演深田晃司 (Koji Fukada) 親自執導同編劇，講起深田晃司，影迷們最熟嘅一定係佢之前榮獲康城影展一種注目單元評審團獎嘅《淵に立つ》(Harmonium)，同埋入圍威尼斯影展主競賽嘅《LOVE LIFE》(Love Life)。今次佢將鏡頭對準日本偶像界嘅黑幕。卡司陣容方面，由前日向坂46人氣成員齊藤京子 (Kyōko Saitō) 領銜主演，配埋實力派女星唐田英里佳 (Erika Karata) 同埋大家超熟嘅明星級聲優兼演員津田健次郎 (Kenjiro Tsuda)。故事主要講述一個正值上升期嘅 J-pop 女偶像，因為拍拖違反咗合約入面嘅「禁愛條款 (no-relationship clause)」，結果被經理人公司索償、告上法庭嘅故事。📊 影評綜合評分IMDb： 6.3 / 10Rotten Tomatoes： 未有評分Wildy 評分： 4 - 5 / 10（但如果單論戲入面嘅歌同詞，可以去到 7 分）讚：題材具話題性，戳中日本 Idol 界黑幕 用偶像「禁愛令」加強sex appeal;加法庭索償做切入點，確實好有話題性。導演呢個劇本籌備咗近十年，取材自真實案例，將偶像表面風光、背後卻被當作經理人公司「商品」剝奪基本人權嘅殘酷現實，赤裸裸地擺上法庭辯論，呢個概念好有深度。齊藤京子本色流露，帶出 meta 級共鳴 搵現實中真係做過 idol 嘅齊藤京子去演女主角 Mai Yamaoka，真係神來之筆。部分情節睇得出佢融入咗自己過往嘅體驗，將嗰種被合約綁死、面對大量粉絲圍剿嘅孤獨感同掙扎，演得好有個人 resonance。音樂同歌詞水準極高 不得不大讚戲入面嘅歌曲同埋歌詞，填得非常之好，完美呼應咗主角內心嘅委屈同埋對自由嘅渴望。如果單單將呢部戲當成一隻音樂概念專輯去聽，我絕對肯畀 7 分。彈：整體節奏太慢，第一小時瘋狂打瞌睡 雖然明白導演想行沉穩、寫實嘅文藝片路線，但成套戲長達 124 分鐘，整體節奏真係拖得太太太慢喇！成個法庭攻防戰同日常鋪排極度沉悶，我喺睇第一小時嗰陣，完全頂唔順，直情喺影院入面不斷打瞌睡。第二小時無瞓係入戲玉，有法庭裁判了⋯ 但也是平鋪直述⋯ 「真實」但欠張力鏡頭角度呆板，敘事太平鋪直敘 喺影像美學上，呢部戲真係令我睡了。機位同鏡頭角度極度呆板、單調，台上戴歌戴舞，我期望K-pop效果，但最後Old jpop… 其他畫面也是好多時生硬嘅固定鏡頭，缺乏咗電影視覺張力。導演嘅處理手法太平鋪直敘，將一個本來可以拍得好有戲劇矛盾、有火花嘅法庭大戰，拍到好似流水帳咁。對比動畫神作，真人版高下立見 講到偶像嘅掙扎、迷失以及被網絡/私生飯追殺嘅心理壓迫感，近嘅有我推的孩子；遠的有今敏當年嘅動畫神作《藍色恐懼》(Perfect Blue) 無論喺驚悚氣氛、劇情神反轉定係張力上，都贏呢部真人戲幾百倍！就算拿來同另外一部動畫神作《驀然回首》(Look Back) 相比，我仍覺山動畫比真人勝n籌。人哋動畫無論喺情節推進、分鏡定係情感渲染上，都贏你真人電影 N 條街。呢部戲根本帶動唔到觀眾嘅情緒，睇完只有滿滿嘅無感。總結： > 題材同音樂本身好有發揮空間，可惜深田晃司今次嘅處理手法太過溫吞，浪費咗一個本來可以好震撼嘅法庭與偶像人權題目。如果你本身唔係齊藤京子嘅忠實粉絲，或者對日本偶像文化完全冇概念，呢兩個鐘可能會變成長片催眠曲。

從來人類與生俱來的「戀愛」這種感情，用契約來束縛到底能不能被允許？偶像談戀愛就是「罪」嗎？

似班大人喺到鬥氣玩泥沙多過討論議題討論流於表面 描寫人物感情亦未見深度當呢套戲唔好好present個counter-arguments而觀眾已經接受idol本身就係個product要fan service呢個norm嘅話其實係反而enforce緊個status quo呢樣嘢都幾危險吓

原以為有法庭戲，針鋒相對會好有火花，但寥寥可數又不溫不火，都怪自己忘記咗今日日本人係避免衝突嘅民族，結果窩囊廢男主角選擇和解，留下女主角孤軍奮戰，但判決理據欠奉，突然跳咗去睇日出🌅姊妹間對話中通知觀眾「贏咗」，真馬虎！事務所同未來偶像之間嘅合約的確違憲，居然禁止🚫戀愛，等於剝奪「追求幸福」嘅天賦人權，表白拍拖戀愛上床居然係「過失」「違約」須「賠償損失」！偶像不免成為宅男女神，一旦有咗對象竟然係對粉絲嘅「背叛」？偶像同死忠嘅見面握手聚會係「談緊戀愛」，其實哩啲只係班宅男一廂情願嘅自私妄想，「我知自己一世都得唔到妳，但係要霸住呀吹咩，我得唔到，都唔俾其他人得到妳」所以少部分粉絲就如戲中山先生咁恐怖變態！片中真衣和菜菜子係兩種人，後者為做偶像可以犧牲真愛，前者堅信戀愛無罪，可惜全片演員除咗冇乜知名度，仲要衰到冇個識做戲！男主角慣咗戴面具👺變魔術做默劇，冇表情😶都可以原諒，女主角同啲姊妹除咗唱歌跳舞時有可愛樣之外，其他時候都木口木面，微表情唔係演技細膩，而係hea同表面呀！連哭泣都係滴眼藥水，大喊時仲衰到要埋頭衣服中齋出聲，以致故事（改編自真實個案）完全唔感人，比淡水仲要淡！故事唯一可取嘅係主題，女主角勇氣可嘉，男主角臨陣退縮，唏噓女主角所托非人，白白為咗個咁嘅廢柴犧牲夢想和大好前程，但仍然義無反顧，因為追求愛情根本係本能和生而平等嘅權利！