歡迎來龍餐館

A truly compelling and unexpected cinematic experience. Don't be misled by the poster, which makes it look like an ordinary drama; I was fooled at first, too. In reality, it is a film that blends the war genre with a deeply moving drama, all while delivering heart-pounding action.I rarely watch Chinese films because they often rely on predictable tropes, but this one is different. It avoids typical elements like excessive melodrama, clichés, silly comedy, heavy-handed dialogue, unbalanced tones, or a one-sided perspective. In fact, it doesn't simply favor the Chinese viewpoint; the director approaches the story objectively and comprehensively, conveying a clear anti-war message—showing that there are no true winners, only destruction and collateral damage. Highly recommended for a cinema viewing.

文牧野睇嘢格局大，關心社會大問題，我不是藥神已經成功，連政府機構都要作出應對，今次再玩大啲，講中國喺世界大局中嘅博奕，有視野，有人民關懷，唔係淨得喺綠幕前踢下波。秦朝徐福帶童男童女渡海尋長生不老藥，最後成為中國文化外傳始祖，之後鄭和及一代代中國人離鄉謀生，都成為中國對外橋梁。故事就係講現代徐福繼承哩個宿命任務，靠嘅係一個鑊鏟。電影制作認真，尤其夜晚炮彈突襲一場，節奏緊湊，特技出色，不過全戲大部份時間都係咁緊湊，反而唔夠透氣位。最精彩嘅一定係食物製作過程，比美 CCTV 煮食紀錄片。演員有出色表現，沈騰蔣奇明細膩，李治廷搶眼。要批評嘅係太多廠境，令到實感大打折扣，木過，其他嘢都超哂班，絕對會係中國電影一個 landmark 。

睇埋佢先前幾套作品就知佢真的精於計算 了解普羅大眾嘅口味知道點樣拍商業大片係難得一見嘅奇才沈騰都係國內非常出色演員喜劇節奏捉得好準而本片幾位配角亦好稱職

編、導、演、製作皆不俗，故事流暢完整，完成度高，亦算冇乜悶場。不過有啲角色塑造、劇情同對白太戲劇化、太唔真實/現實，令電影只係一套充滿商業計算嘅戲劇, 欠缺咗戰爭題材應有嘅一份真實質感。所以睇此作時我係冇睇其他戰爭片果種慘烈、沉重、悲壯感, 好似只係睇咗一個刻意编寫出嚟嘅商業歷險/煽情劇，冇嘢真係由衷打動到我。PS. (含劇透)• 電影冇註明係真人真事改編• 點解英/美軍同恐怖組織硬係要食中菜？硬係要搵男主角做主厨？基於安全考慮, 英/美軍同恐怖組織一定有自己內部嚴格飲食安排同監管，點會謬然揾個三九唔識七, 非自己友嘅人負責飲食咁兒戲呀～～。單係呢條大橋我已經存疑。• 保守又傳統嘅中東人愛中國菜以至婚宴都要食中國菜...我又存疑囉！🤔• 男主角最後成功車走十幾廿個細路過程有點兒戲同唔合理，咁恐怖嘅恐怖組織邊有咁輕易逃脫，重要冇GPS，落後地方又欠路牌，你揸住架車知點行咩？• 已被洗腦嘅恐怖兒童邊有咁容易比中東兒童男主角遊說跟隨出走？唔跟隨出走果啲肯肯定會立即篤灰啦！又或即時以真主之名處決該男童主角啦！

用任何藉口攻擊其他國家是不對的，但用孩子寶貴嘅生命作為攻擊武器的人也應該下地獄去！世界是殘酷的，只有國家富強，才不會有機會給別國有機可乘，人人才能好好吃飯。By the way, 李治廷雖然戲份只得10幾分鐘，但表現極之搶眼，遺憾他不能回家了⋯ 本片用中國人的角度來說故事，沒有對西方和中東有任何偏頗。國產電影來香港上映的通常都好睇，該電影我也覺得絕對值滿分。希望電影也能在美國和中東上映，期望他們國家的人能理解戰爭的殘酷，能潛移默化他們，好好保護孩子就好了。

剛剛睇完，心情都有啲起伏, 餘韻十足。電影劇情有真實故事做背境，講述一名中國㕑師喺2002年到中東經營中菜館的經過。電影調子，前段輕鬆幽默，後段緊張沉重。劇中人物無分成好壞，只係以一個中國廚師的角度看戰爭為平民帶來嘅禍害。導演文牧野實在犀利，佢之前套<我不是藥神>已十分好睇，好有意思！今次呢套電影都係想帶出不少訊息，佢講故事手法依舊十分好，劇情交待毫不含糊，非常流暢。成套戲演員十分出色,連跑龍套或小孩子角色都交到戲，實在厲害。戰爭畫面刻畫真實，兩個多小時無悶場。真係要大推！9.5/10