懺悔有時

上映日期: 2026年11月12日 片長: | 130 分鐘 級別:
IIA
3.3
評分
46 讚好 3 影評
「如果孩子沒出生,會更幸福吧?」中島哲也歷經十八年醞釀,改編打海文三同名推理小說,聯同西島秀俊、滿島光、黑木華、宮藤官九郎、柴咲幸、塚本晉也及役所廣司等頂級演員陣容,共演一部社會現實大作:私家偵探調查期間離奇遇害,引發偵探社全員追查,意外揭開一樁塵封九年的新生兒綁架案,更剖開重度身心障礙兒童與大人們欲斷難斷的生存羈絆,直指人性和生命本質。然而看似無法自主、急待拯救的微小生命,卻反在暗夜裡融化了大人們冰封且千瘡百孔的心。每個人皆在罪過中告白,在痛楚中懺悔,並在彼此的傷痛中學會:「每個人都能成為某個人的光。」
顯示更多 arrow-down
JustWatch Logo
loading
影評
詳情
場次
X
Lv. 10
star 4.0
一套雖然戲情矛盾,但情感處理技巧高的日片
個人覺得套戲是不俗。雖然套戲的確好多矛盾位,但個人覺得中島想藉套戲講絆同血緣之間好獨特的聯動講真,這類有關血緣的題材,是枝裕和已經拍得好多,但今次放在中島手上,依然有其感染力。套戲最好睇,是描寫人獨特的絆情感。導演對主角同重度身心障礙兒童之間好細緻的互動同處理,是整套戲的中心思想。而他也能寫出其痛心感,盡管他們無力去表達,但中島可以透過鏡頭來細緻捕捉。他今次是找真實的重度身心障礙兒童去拍,這點也是令其感覺更深,而最後這個收筆處理也是好獨到。而在演繹方面,無論是西島秀俊、滿島光或黑木華,他們的演繹也是好細膩。痴·影·夢·藝 X 的專頁 https://www.facebook.com/ckwunmovie/
顯示更多 arrow-down
1  負評
0  回應
責任影評
Lv. 10
star 3.0
日式獅子山下情感堆積人性倫理劇
典型日式風格電影,演員陣容強大,製作水準不用懷疑, 唯獨太多人間慘人慘事堆埋一齊令真實感/投入感減低,可能香港觀眾的我比較現實吧!點解唔簡單啲用心寫好一、兩條線呢?PS. (含劇透)• 主線拐走嬰兒亦都講唔通,發現自己喺醫院偷咗個殘疾嬰兒正路即刻放回原處走都走唔切啦!有乜可能重會擋係寶咁珍而重之咁照顧呀!• 唔係親生父母又冇出世紙你帶個殘障嬰兒去醫院睇醫生一定被發現一早比人拉咗啦!• 子弑父果條線有點畫蛇添足, 令電影失焦
顯示更多 arrow-down
0  負評
5  回應
劇透閒人
Lv. 10
star 3.0
搵古嚟講 搵戲嚟做
啲演員都唔係做戲,失驚無神就歇斯底里咁吼叫,自言自語、自我感動。兩個唔負責任嘅真爸爸俾一個假爸爸嘅真誠付出感動,居然唔交出綁匪,斯德哥爾摩症候群?綁匪最初去公立醫院只為偷嬰兒據為己有,彌補無法生育嘅遺憾,後來發覺係殘疾兒童又改為勒索1億,佢根本唔知個B係邊個嘅,點電聯家人,又點知人哋俾唔俾得起贖金?結果綁匪養咗個B九年,又改名又攞綜援,喂,冇出生證明都申請到補助,日本政府係白痴慈善機構咩?成班私家偵探極之唔專業,感情用事,最後變晒做社工!一個私家偵探被殺,成班私家偵探喺冇金主、冇警方聘用嘅情況之下,「無償」耗費大量人力物力資源時間,越過警方去做「義工」,合理嗎?臨尾個老差骨居然話九年前已知綁匪係邊個,但唔拉人係因為唔想拆散「假父子」,有冇攪X錯呀?日本警匪片幾十年冇進步,就係因為太鍾意拍埋晒類近《青年幹探》《猛龍特警隊》硬銷廉價溫情倫理嘅故事,所有壞人原本都係好人?所有犯人犯法都有苦衷?既離地又自我感動又肉麻!個真媽媽仲攪笑,九年前寧願個弱智仔冇出世,後嚟眼白白睇住個仔被偷走又唔阻止,事後好冷靜,但九年後又出錢請私家偵探查個仔下落,查到又唔抱又唔接收,結果牽扯出一起謀殺案,事後又被養母死前嘅育兒日記感動,又認返個仔,媽呀,好矛盾,我好亂呀!如果唔係有滿島光、役所廣司、黑木華、西島俊秀嘅「拼演」,我唔會俾電影🍿合格嘅分數🤬🤬🤬電影🍿想探討血緣緊要定係親情緊要,但主旨發揮唔明顯,粵語殘片一句「親娘不及養娘大」即刻KO!
顯示更多 arrow-down
0  負評
2  回應
私隱政策
使用條款
免責條款
7eb9dbf