夜校

8個字嚟形容...攪笑不足,胡鬧有餘。全片劇情堆砌得嚟唔算精彩, 笑料係硬唧觀衆笑, 但又唔係好笑果種。演員方面, 5個女主角都演出唔算突出。只有男角張天賦較出色, 本身外型同演譯都幾似一個小混混。但就浪費咗葛文輝同詹瑞文。睇果時令我唸起“死屍死時四十四”, 但呢套夜校劇本同制作都粗蔬好多。

講唔上超好。但真心多笑位。好耐無試過一套戲頭幾分鐘已經可以令我笑出來，加上演員有新鮮感。班女就真係一般。鐘意兩個男角cp 加上啊Bob, 好好笑。係胡鬧，但可以輕鬆個半鐘。也不錯丫。

本片「夜校」係新晉偶像歌手MC張天賦首部演出電影，這亦是我入場部分原因，當然兩位搞笑老戲骨阿葛（民輝）阿詹（瑞文）都相當吸引。大家睇廣告，未入場都約略知道劇情係點，在戲院內先至可以真正感受到嗰種喜劇味道。MC 演技稚嫩，但首次拍戲，算係中規中矩，假以時日，多加磨練，係未來天王未定。劇情當然荒誕不經，但電影戱劇係藝術，唔可以樣樣都以理性分析作判斷，能夠畀觀眾兩小時歡樂，忘記生活中煩惱，就已經係good job。阿葛扮富貴黑幫大佬鄭生Mr Tay條死屍，同吳肇軒演兩父子，而早前上映「說笑之人」軒仔做主角亦同袁富華演兩父子，兩套戱嘅父子情完全唔一樣，又係另一種體驗，另一種發揮。三幫人不約而同揀咗間廢校，在夜晚做一啲有利自己嘅嘢，不過都係為名為利，唔理會唔會衰收尾。茫茫人海，花花世界，彼此勾心鬥角，直到人生落幕，天地寥落。

呢套電影的選角相當唔錯，而情節雖然是有點恐怖，但是當中製造到不少的搞笑氣氛，是一套相當不錯的電影

呢套戲主打就係搞笑，從頭到尾笑料百出，毫無悶場，所謂嘅驚嚇位其實都好好笑。。。呢套戲並沒有明顯嘅背後信息，都係不停胡鬧嘅同時好人一方都係好努力咁做好一件事，後段仲有個小小嘅感動位，如果要比嘅話呢套似"陰目偵信"多啲而唔係"死屍死時四十四"，輕輕鬆鬆睇完兩個鐘嘅感覺都好正~4.6/5 (92分)

一開頭演城中首富的 葛文輝 就香咗，然後風水師傅 陳定幫 就話某個吉日不葬就會有禍及三代的後果。然後兩個廢人（MC 張天賦 及 凌⽂龍飾）就想到「綁架」條屍來勒索。得手後就將屍搬入故事主場間廢棄校舍中，而碰巧校舍有其他兩隊人⋯⋯張天賦 真人平時都壞壞的不似孝順仔，這次角色根本就是等同MC。見他基本都會聯想到他的招牌笑容，想串佢都有點難度，可能粉絲與偶像的年齡差距亦較接近更有共鳴。最可惜無為電影配上主題曲，哼兩哼追女仔之類可能會再吸引。葛文輝 與 吳肇軒 的陰陽相隔父子之情都幾有趣。不要講笑！兩位西裝着得好型。繼葛生外聽把聲就知道、屬性上 #郭奕芯 飾的化學女果然同 小龍發明家變成一對。演技兩個都不容置疑。三條主線，最後都算是能共聚五樓禮堂。一邊女主持們以為劇本而不以為然，直至與原本計劃有大分別先至開始驚，然後好鬼馬地與孖寶見步行步一齊對付本劇比較壞的壞人言仔的 吳肇軒。此段用CG的空氣炮是有點尷，還好最後用葛文輝電扯肉身傀儡來令言仔與死鬼老竇和解也算是愉快的結局。還有不得不提阿Bob的造型都好惹笑，直插的客串更好玩反而。女角色頗多，且介紹每個女主播的動畫都好吸引。部分笑位都要演員玩得先做到出來，如果不抗拒這些下流夠放的安排其實就幾適合年輕受眾。不過她們真的要很用力先擠到一兩個笑位，比較起來男演員貢獻的gag位就更多。演間PR公司的老闆Trivago男神 #黎學勤 自己硬食無預算的年度宣傳活動，這個拍掂檔的經驗應該引起不少人的共鳴。剛巧小龍鬆手條屍「跳樓」，被TRIVAGO實地考察時廢校以為見到污糟嘢，去到地面又不見人就驚到要死。與一群大老細觀看直播，他亦不知發生何事，但又要裝運籌帷幄一切都係戲嚟。故事還算有流暢，前因後果都皆能接洽，就是以喜劇來講比同類遜色。認真講令人咯咯大笑的橋沒有預期多，整體氣氛就和平，劇情多跣難企穩。MC再接新戲的話，或者可以再試其他非喜劇題材。如果不是MC有份演，想睇的欲望就趨向零。