玩命招魂夜

上映前還蠻期待的，但看到網上負評如潮，入場前已有心理準備，果然大伏！電影集結多個導演拍的恐怖短片，再以100個鬼故事吹熄100枝蠟燭的招魂遊戲串連（？）主線已經夠悶，到最後真相揭穿亦不覺有助恐怖氣氛。各個恐怖短片質素參差，縱使棺材求生在片長，張力，氣氛等都效果不俗，奈何其他短片睇到「吓，咁就完拉？」，大部分恐怖感欠奉，有些更是冗長兼言之無物，根本唔知做乜，真的令人昏睡。離場時已經數唔出看了幾多個故事，只慶幸電影沒有要把100個故事講完。.觀影平台: 星影匯 Cinema City.IG andymyf / #AndyMovieReview

#鬼故事合集今次一反傳統，並唔係個另鐘一條主線講一個故事，而係以一條主線貫穿多個鬼故事，分別係由4個人輪流講鬼故去呈現成套電影。呢個方式去拍恐怖片我覺得幾新穎，同埋可以令到觀眾focus多啲係每個鬼故嘅情節。－#略嫌驚慄性不足無論主線定支線故事，主要嘅驚慄位都係來自jump scare，而每次有jump scare之前都會用詭異嘅音樂鋪排，對我呢啲超細膽嘅觀眾就有個心理準備，但對於一套恐怖片離講，如果比觀眾一個心理準備先嚇你，又係唔係一件好事呢？－#鬼故主題多元除咗涉及「鬼」呢個元素之外，仲有好多唔同題材，至於係咩就留返你地自己入場睇，而當中有啲故事都幾有心思，少少懸疑又有帶點心理驚慄。最後都想大讚每一個故事，因為呢套電影係「串燒鬼故」，每個鬼故佔嘅時間都唔多，導演要以有限時間表達出成個鬼故係好難，體諒有啲來龍去脈係唔夠充分，但總結離講算拿捏得唔錯。

最後仲要爛尾，超低成本製作！我勸大家唔好囇錢！

🪞《玩命招魂夜》✖️’The 100 Candles Game’ 🕯💬 ”𝐎𝐧𝐞 𝐡𝐮𝐧𝐝𝐫𝐞𝐝 𝐜𝐚𝐧𝐝𝐥𝐞𝐬. 𝐎𝐧𝐞 𝐡𝐮𝐧𝐝𝐫𝐞𝐝 𝐠𝐡𝐨𝐬𝐭 𝐬𝐭𝐨𝐫𝐢𝐞𝐬. 𝐀𝐧𝐝 𝐚 𝐦𝐢𝐫𝐫𝐨𝐫 𝐢𝐧 𝐭𝐡𝐞 𝐝𝐚𝐫𝐤 𝐭𝐨 𝐬𝐮𝐦𝐦𝐨𝐧 𝐭𝐡𝐞 𝐬𝐩𝐢𝐫𝐢𝐭𝐬…”🌸🎟🌸🎟(劇透注意👁👁)🎟🌸🎟🌸呢套嘢有好特別嘅魔力，能夠令到戲院人數急遽下降，再爛嘅戲都未見過咁「特別」嘅狀況，《玩命招魂夜》竟然輕鬆做到！故事講四位年輕男女玩試膽遊戲，燃點100支蠟燭，每講完一個鬼故事就吹熄一支，最後可以召喚鏡中幽靈......電影以短篇形式呈現多個鬼故事，由9位導演聯合執導。每個短篇鬼故事質素固然有參差，但整體都能營造氣氛，唔會比人拍得好流嘅感覺，我亦有被成功嚇倒、擔心自己一個返屋企會驚嘅時刻。就可惜篇幅所限，好多個故事都冇頭冇尾，交代得唔完整，突然完結嗰刻真係打咗個突。而故事與故事之間又冇關連，淨係睇住幾個主角唔知點解會唔知點解自己參加咗呢個遊戲，腦殘又白痴咁樣，真係......唔知講咩好！山長水遠搭車出嚟睇戲，我當然會堅持睇埋個結尾，估唔到主線故事嘅謎底「就係咁」...... 佢係能夠自圓其說，但真係好 • 鬼 • 無 • 聊！再一次令人無語......（我依家比反應其實已經係做多咗）如果想見識盛況空前嘅中途離場畫面（我指觀眾），首選《玩命招魂夜》！- - - - - - - - - - - - - - - -最恐怖驚心大獎：「神父驅鬼」最詭異氣氛大獎：「浴缸女」最印象深刻大獎：「活生生入棺材」最唔知點講大獎：「小男孩與霧魔」最黐筋滴汗大獎：「女版閃靈」最乜咁㗎喳大獎：「女巫搖搖板」最唔知做乜大獎：「阿婆與氧氣罩」- - - - - - - - - - - - - - - -#影迷女生的電影札記 Ig : movieholicgirls

唔好入場，無劇情可言，低級驚嚇位，故事斷斷續續，仲要爛尾。。

我*你老味,呢套戲真係完全又嘥錢又嘥時間,完全都唔知邊忽可以嚇得下人,可能可以話小弟大膽喇,但我真係完全睇唔出有邊一part係真係嚇人😅🤬