電影多啦A夢：大雄之南極凍冰冰大冒險

劇情今次很豐富，d角色同d生物好可愛啊！首歌都好聽

Doraemon good, meaningful

和可愛的毛毛一起探索南極凍冰冰之謎

細細個已經睇叮噹，十幾年后睇返都吾老土。大人睇無限回憶，小朋友睇新奇刺激。前半部比較緊湊，之後劇情有點拖泥帶水，最後都係好簡單地解決事情。

多啦a夢呢套動畫,算係由細睇到大,電影版都差吾多集集睇晒,多啦a夢嘅電影版,香港每逢暑假就會上畫(日本上畫日期為每年3/4月就會上畫),而家暑假又有一套,緊係要睇啦。 睇完之後,果然冇失望,仲比預期中好睇,呢一集嘅電影版,感覺比前幾集好睇,呢套戲整體都好滿意。 畫面方面好好,畫面一如以往都係比動畫版靚,配音方面都算好,雖然冇左保全叔配音,但而家為多啦a夢配音嘅配音員,都算配得好,只要聽慣左,就會接受倒,至於配音其他角色嘅配音員,一如以往,都係配得好。 劇情方面都算好,今集嘅電影版,大雄同多啦a夢因為好熱,所以去左南極,呢方面,應該係好多人喺暑假面對嘅問題,就係天氣好熱,呢套戲睇嘅時候,應該各位都會有親切感,今集吾似之前嘅集數咁多場景咁多新人物,今集嘅背景喺十萬年前,遠古嘅城市都好靚,可能因為背景比較集中,人物都比較少,所以成件事順利左好多,劇情吾會有阻礙,成套戲都好好睇。 呢套戲嘅配音、角色、劇情都好好,整體都好滿意,推介各位去睇,最好一家大細去睇,最後提提大家,段尾有彩蛋架(類似預告片),睇埋先好走呀。