向陽·花

個人覺得套戲比預期有頗大落差，小剛老師整體執行同調度也不佳。我會形容套戲，小剛在好多位的執行上，好過於令觀眾感覺模糊，無論是角色舖排、情感著墨、塑造等，也有同樣問題。其實個人有點期待小剛老師，可以克服這樣，但最後卻無克服到，在這點上個人有點失望。痴·影·夢·藝 X 的專頁 https://www.facebook.com/ckwunmovie/

見馮小剛導演，入場睇下有冇驚喜，點知爛戲一場。電影失敗嘅係最重要嘅故事同劇情。片長成兩個小時，主要係講兩女主角犯法入獄同出獄後如何努力重新做人，當中遇到唔少困難。出獄前果部分正常可以，但出獄後劇情開始堆砌同不合情理，而角色個性同行為亦為咗迎合東拉西扯唔合理嘅劇情亦變得唔一致，好似人格分裂咁，一時温馴一時凶狠，一時正直一時奸詐，攪唔掂！最後果場殺科嚴重傷人戲我直頭爆笑咗出嚟...咁嘅劇情都得？全片最出色嘅只有演員，尤其扮唖嘅黑妹，外型獨特，成個model look，演技亦不俗。

全片以沉重悲哀為主調，從獄中壓抑的生活到出獄後生活艱難且受到歧視，最後還是要別人幫忙才找到出路，雖然結局還可以但也付出了沉重代價，看着難受。4.2/5 （84分）

我認為主角兩人同管教性格算描寫得幾好，由其趙麗穎同黑妹蘭西雅「賣慘」個part都算寫得入肉、釋囚會面臨嘅困境都寫得貼地，我作為觀眾睇完覺得係「自然地慘」，並無刻意感。兩人係監獄入面嘅劇情令我大開眼界，原來中國大陸坐監係咁坐，作為小睇國內電影嘅我黎講幾有新鮮感；中段係監獄出黎後「捱+賣慘」前面講左，整體都算流暢，不過起承轉合都幾套路，觀眾睇完高潮好易估到下一幕又黎苦難，以大導演級數黎講，算易捉到路，呢點比較失望（不過之後又加返個扭橋劇情我係無估到）可惜係成套電影係尾段大暴走，只能夠講大家都知國內咩環境，電影開場仲大大隻字寫住「中國國家電影部出品」，結尾拍成咁「政確」咁TVB咁BBQ結局無可厚非。而且深入嘅人設幾乎只壓縮於主角二人同管教三人上，呢3位角色係成套戲最突出點，其餘角色只係屬於路人；同埋閃回憶片段呢招真係用左好多次！手法同鏡頭都毫無美感，完全唔似係呢種級數嘅導演會拍出黎嘅野！

先來個結論 失望！ 中國大導演作品 但真係完全睇唔出 唔知有冇判咗比人拍😢😢 女子出獄故事 題材可以好好發揮 故事沒有很動人或奇情 出獄處處碰壁的經歴 不夠寫實亦冇surprise 加上那個獄警做埋社工 就真的不convincing, 她那送佛送到西的服務 真有點過份美化吧 最後大團完結局 同海報給人的凜烈的感覺反差大 好的題材給浪費 國內片和韓片的分別 就在於此 你就點到即止 和 人地有幾盡去幾盡 我 就比較prefer 後者咯！

Surprising