飯戲攻心2

上一集的飯氣攻心我都有睇，而呢一集我都有睇，今集很明顯是以整個家庭為中心，帶出一家人血濃於水的道理，當中都有不少溫馨感人及搞笑的劇情

睇完第一集之後，其實都唔係覺得好好睇第二集內容真係冇乜好強調家庭不過有啲大雜燴，好多支線分薄主線劇情睇咗第一集，冇理由唔睇第二集都算睇得開心嘅

笑吓滾動吓兩個鐘，賀歲片輕鬆鬆嘛眾老戲骨演技出色第一&第二集各帶出一首耳熟能詳嘅廣東歌，埋尾嚟個靚夜景

失望。感覺有啲浪費咗班好演員。如果分開啲場口，一段一段cut開睇，有啲gag係幾好笑，演員亦討好。但夾埋一齊就睇到莫名奇妙，上文唔接下理，亦多犯駁位。似乎編劇太趕，分段寫哂啲笑位、message位，之後收唔到科就匆匆求其連埋一齊。中後段劇情堆砌夾硬勁拖，睇得好辛苦，好似思覺失調咁，前兩分鐘同後兩分鐘冇乜連繫，甚至出現角色嘅思想、情緒、性格，一分鐘改變！如果唔係班演員，應該真係會𠝹櫈。上一套林明禎做得最好，今次都唔差，但角色設定同對白有啲奇怪，唔夠說服力。鄧麗欣有笑感亦最自然，可以多拍笑片。阿聰恰如其份，但段monica mv真係…唉。Ivana同陳湛文係演得之人但角色情緒太跳，謝君豪個造型好亦演得搶但個人物性格設定真係唔知做乜9，精神分裂咁。如果可以有重新剪輯，將多餘犯駁唔連情緒嘅嘢剪走，縮至九十分鐘，應該會好睇好多。

真係無D人講到咁差喎！每個演員都發揮得恰如其份連唔識做戲既Jeffrey都好自然睇到導演既功力！成套劇有笑有淚有感動位劇情最唔合理既地方都只係最重視親情既大佬竟然無返黎參加兩個細佬既婚禮啫！請唔到子華神出山都無辦法。

成套戲有幾個位都好感動今次雖然冇咗大哥呢個角色所以個集中力唔再只係放喺一個人身上而係五個角色都好似主角咁同埋好開心見到每位角色嘅成長今次套戲比上一次更完滿