給自己的情歌

個人覺得套戲是好睇，導演無論處理同執行也好，他懂用歌曲來讓一個看似俗套的絕症愛情故事來昇華，從而令觀眾有所共鳴。咁當然如果是同男女主角屬同一年代的韓國觀眾（當中有一幕同獵戰屬同一個背景），共鳴感會更大。無可否認柳承龍同廉晶雅的演繹的確幫到套戲，他們之間的化學作用很大。她的熱情同他的冷淡兩者加上好配。而這套中很多細緻位也是令堅守戲院文化中堅份子的我著迷，尤其是第一幕同最後一幕，這兩幕也是在舊式戲院發生，而導演也懂找人鬼情未了作其背景，這樣有畫龍點睛的效果。痴·影·夢·藝 X 的專頁 https://www.facebook.com/ckwunmovie/

都係女主角有絕症但同日本片《餘命十年》唔同嘅係南韓揀咗唱歌跳舞代替哭哭啼啼歌頌生命中曾經出現過嘅美好片段及人和事最後開個派對流著淚歡送好友 母親 太太 至愛唔好以為咁樣唔催淚呀正因為男主角陪住太太環遊南韓去搵初戀嘅途中勾起或重新發掘出過去好多美好而被忽略嘅片段喺會心微笑之中不自覺就擠出眼角嘅淚痕正因為回憶中蘊含大量快樂所以當越迫近離別時便和傷感形成巨大嘅反差匯成越開心就越傷心嘅結局但我鍾意哩套片七彩繽紛嘅畫面同正面嘅信息人生沒有悲哀 離去的人留下的回憶令他們沒有離開過人走茶涼但愛在心內暖柳承龍繼《炸雞特攻隊》之後再一次演活粗中有細 鐵漢柔情又小氣又大男人嘅小男人和功力深厚嘅廉晶雅演活一對歡喜冤家兩人係最佳拍檔 令觀眾情緒任由牽動 同喜同悲唯一美中不足嘅係既然電影都安排咗一個外貌酷似廉晶雅嘅年青女演員扮演女主角嘅少女時代點解唔搵個後生仔做返後生版嘅柳承龍呢套電影連場歌舞 睇住兩老加埋102歲要扮青春期嘅自己又唱又跳又懶Q 真係有啲老來嬌發花顛之慨或者你會話哩啲係喜劇效果 但我笑唔出反而睇到佢兩個吃力不討好又穿崩嘅尷尬情況不過整體而言 這齣不落俗套令人對南韓文化更具信心更充滿期待

睇故事大綱都幾爆，女主角得知身患絕症，願望竟然係叫老公幫手搵初戀情人！呢套戲悲傷得黎又係套喜劇，唔似一般煽情催淚韓片。.一路睇都有唔少笑位，同時感受到一路鋪陳緊催淚位，都係果啲日常習慣當老奉，有果陣又唔珍惜，失去先黎後悔果啲老土野，不過整體感覺唔算好娘，搞場大龍鳳Party又幾感動。電影當中加入唔少歌舞場面，雖然聽唔明，但感覺良好，特別頭尾兩幕，在觀感上為電影加了不少分數。.觀影平台: The One百老滙. IG : Andymyf / #AndyMovieReview

用心作品，編導很成功拍了一套使人後面不停哭的電影，感人催淚。

好鍾意歌舞片，可睇出製作團隊的用心。故事好感人，亦充滿正能量。絕對是韓片佳作👍🏼

餘下两個月生命，怎麼用火熱來送別，有歌有舞有情感，但毫不帶出面對死亡悲痛！看後，值得反思生死。