白晝如焚

入去睇，一路睇，斷斷續續，連貫性好弱，睇得好辛苦，唔知想點，愛與唔愛之間，假與唔假之中，殺與誤殺之間，邊個打邊個，追極追唔明，執行上真係好有問題，個腦袋點轉，都轉唔掂，睇到一頭霧水，又想浪漫，又想懸疑，又想驚慄，一人分兩角，整容整唔整容都似㗎啦，整嚟做乜鳩，37 36一個碼上落點會着唔到呀，你冇鄧麗欣頂一頂，套戲直呀⋯⋯咩直，自己諗啦，唉

劇情非常大路，甚至有陣tvb膠劇味，好快已經估到套戲結局係點，警察啲對白畫公仔畫到出晒腸🤦🏻‍♀️對白一時廣東話一時普通話，奇怪到理解唔到究竟佢想定位喺香港定台灣定大陸定咩… 只可以話Stephy同劉以豪演技搭夠救到成套戲，尤其是Stephy，係有眼前一亮嘅感覺，幾大突破👍🏻

個人覺得套戲很不好，導演無論是處理同執行也同樣，我會形容整套好雜亂無章，雖然有所謂的主軸，但因這樣質素的執行，好令整套戲好像進入了迷霧。比較之下，源生罪卻好睇得多。而這個所謂的地方背景也是令人百思不解。痴·影·夢·藝 X 的專頁 https://www.facebook.com/ckwunmovie/

懸疑推理故事素來唔容易寫同表達，即使有經驗導演/編劇亦未必能做得好。本片導演/編劇講故事技巧不足，以致劇情混亂，好多地方交代不清，加上鄧麗欣一人分色兩角，一時言貞，一時林音，一時廣東話，一時國語，整容前係鄧麗欣，整容後都係鄧麗欣，令觀眾難以follow劇情發展，睇到一舊雲、好亂。男主角角色索造亦模糊，可觀性不高。

前段是典型的屍體發現案件，而懸疑程度不高，戲中留下明顯的蛛絲馬跡讓觀眾猜測，真相亦在中段大致揭曉。後段則時讓人窒息的悲劇情節，傷感而動容。4.4/5 （88分）

故事個頭開得唔錯，但懸疑部份實在太快揭盅，其實本身已經有幾句突兀對白，警探與男主角同樣有疑問「你點肯定死者係佢？」，都講得幾白下。當真相揭穿，劇情追看就很靠觸發動機以及後續發展，這方面編排得實在不佳，男主角對林音的感情太薄弱，與警察角力也有點自視過高，到最後結局發展看似自圓其說，但又有反駁位。.演員演出沒有問題，只是角色設定以至劇情安排上發揮有限。鄧麗欣一人分飾兩角，外形上分別不大，性格或行為上沒有演出差別，以為二人有語言之別但好像又錯了，實際上原來要靠鞋的尺寸來分！（笑）其實林音的戲份實在少，缺乏刻劃，觀眾大概要靠自己去分辨。劉以豪之前比悲傷更悲傷的故事角色動人，這次角色與演出亦相當平傭。.看映後分享，導演解說最後一幕鐵窗邊緣的畫面是為審批，看他堅定的說他無犯過罪，在現今社會真係好難講，首先係已經死無對證，邊個信？第二知情不報，包疪罪犯又是否有罪？.觀影平台: 嘉禾V Walk.IG : AndyMyFilmography/ #AndyMovieReview