查無此人

此片係講述高端詐騙，係會發生在現實全世界每個角落每個人身邊，切勿錯過入埸觀看！！

導演開啟不少伏筆，可惜片時太短，只有80分鐘近，未能足以交代觀眾的懸疑，有點掃興。可喜的是，片中有不少新鮮面孔演員，題材貼地冷門，導演營造驚恐氣氛，但只是蜻蜓點水感覺，電影尚算完整。這類題材要求電影工作者更具創意和觀察力，類似電影如日本的那個男人~妻夫木聰主演。支持香港電影業，入院觀看。

本片題材新穎，節奏明快，懸疑度亦高，前段各種看似毫不相干的情節，到後面神奇地串連在一起，而中後段有大膽情節，亦有反轉，而演員大多係新人，表現唔錯，尤其是女主角。4.6/5 (91分)

導演有啲貪心，加咗幾多無謂嘅枝節，例如換衫網紅、拾荒阿婆同個女及神婆鬼上身，都同電影故事嘅發展冇直接而不可缺少嘅關係，哩啲可有可無嘅情節可能只為塞時間，但都係拖拉到81分鐘，兩粒鐘都唔夠！到結尾人去樓空，又冇交代拾荒婆婆同網紅去咗邊度，或者係唔係盜取身份集團嘅成員。令人喜出望外嘅係一眾新演員，個個都恰如其分，無過無不及，唔覺生硬，都冇乜唔自然，當然故事膚淺亦唔需要佢哋有高難度嘅演繹。演員中只認得張松枝、黃定謙。孫立基導演手法流暢，冇乜冷場，只是喺劇本經營上要加把勁，要有長度和深度。不過電影亦起到《警訊》嘅警世作用，提醒觀眾要保護個人資料、小心私隱和不要貪唔屬於自己嘅東西！但結尾講到謀財害命嘅包租公集團好似幫社會「燒除」垃圾同人渣咁，價值觀似乎有啲問題，黑錢洗過都係黑錢，黑吃黑之後都唔會負負得正！

雖然知道係低成本制作，但100%純港片，所以捧場一下。本片以盗取身份詐騙為題材，尚算新鮮吸引。可惜故事較薄弱欠緊湊，部份人物/劇情同故事主線毫無關係，例如租客女youtuber，擺地攤阿嬸同個女。另外三個神神化化妙齡少女觸摸地攤超人公仔後即時鬼上身般又反白眼抽搐又嘔檸檬茶，唔知做乜。女主角被五花大綁仍然能輕易KO色魔亦令我傻眼。不過本片幾個生面口演員演出喺冇其望下卻有不俗表現，比起一啲有知名度藝人絕對有過之而無不及，令本片有返一啲驚喜。

近乎零卡士的一套純港產片！就算我講得出名嘅鄒文正，Odi，黃定謙，張松枝，黎紀君都唔算係有叫座力的演員。實在要一讚電影公司願意投資製作這部小品，給予新演員演出機會。一眾新演員表現不俗，演技完全唔生硬，恰如其分，反而是張松枝的角色有點太用力，但整體電影合格之上。.劇本故事幾有意思，借劏房戶，證券戶口，外傭等講述有關假借身份的非法行為，雖然現實中就算居住大廈無閉路電視，四周圍都有天眼，加上社交網絡，好難去到人口失蹤，但亦藉此提高大家警覺性，要保護好個人資料。.劇情主線我覺得寫得唔錯，騙徒手法層出不窮，就算一開場都估到奸角，成個故事依然有追看性；而關於阿明條線就更為完整及直接。不過電影中有幾個人物唔知做乜，神婆出左兩幕但不了了之；萍姨個女既出現對劇情亦毫無幫助，而網紅就真係做左失蹤人口？（誤）.其實成套戲只得81分鐘，但當中竟然有幾條無謂支線，完全删去都不會影響劇情發展。何不交代清楚有些人物去向？而警方最後審問女主角，好似都無理過另一個死者，而個高爾夫球係咪關鍵性証物？我有諗過係咪阿明同一個。.雖然劇本有改進空間，但也值得支持一下這部小品，其實轉行做牧師開拍續集都唔錯。.觀影平台: 朗豪坊Cinema City.IG: AndyMyFilmography/ #AndyMovieReivew