小丑回魂

不错不错以细佬仔为主有点柯南不过有点拖延时间嫌疑两个钟多都一样野看安娜贝儿好看小小

電影改編自Steven King 在1986年出版的同名小說。1990年的電影舊作，極熊無睇過。2017年這套，以一套恐怖片來說，這套並不太恐怖（本人本身唔識驚）。但音響聲效、畫面效果都做得不錯。前段小丑Pennywise出場及說話時都有種詭異的恐怖感，但多看了幾幕後，再加上一班主角小孩牠都殺不死，實在有點弱。亮點反而係一眾有趣的小孩，其中一個嘴炮不斷，口賤到不行的四眼仔實在好笑。另一個肥仔表面軟弱，實為智者。但在這個故事加插愛情線實在把劇情拖長了，變得中段有點悶。故事想帶出無恐懼就無懼，團結就是力量，但變相令這個IT顯得太不濟了。整個小鎮對悲劇事件的冷漠，George父親放棄尋找兒子的激動，哮喘男母親對兒子的過份保護，校園內對女孩及肥仔的欺凌，等等都是有意思的內容，但對一套恐怖片而言，這些顯得太多餘。如片長縮短至100分鐘相信會更緊湊。下集明顯是預告講27年後一眾小孩再遇小丑的故事，希望到時會拍得更恐怖更精彩。更多影評在⬇️Facebook Page : Mr.PolarKuma

不用花太多心機去看，只是一套白低能鬼片，簡單一點，你可以不用浪費時間去看，因我浪費了⋯⋯

細路仔擔旗出演都carry到套戲，有哂一般青少年嘅東西，好多無謂嘅驚嚇情節，睇得多已經唔驚。

兩個幾鐘其實我覺得冇乜悶場 有點緊張 氣氛都一流 有一兩個位真係嚇親我 班細路真係做得幾好 女主角幾有氣質喔

“IT”係著名恐怖小説家“史提芬京”嘅作品,“IT”嘅小説同埋舊版電視劇(1990),我都未睇過,但故事背景大概我都知嘅,今次呢套應該係第一套正式以“IT”改編成嘅戲,呢套戲我已經期待咗好耐,而家終於上映,緊係要入場睇啦。 可能因為未睇之前抱住極大嘅期待感入場,所以睇完之後有少少失望嘅,未睇之前,以為呢套戲超恐怖,點知睇完之後先發現呢套戲真係完全吾恐怖,雖然呢套戲吾恐怖,但質素都非常之高。 呢套戲我係覺得好睇嘅,套戲主要都係睇嗰班細路嘅恐惧、友誼仲有好好愛情,嗰班細路完全吾會覺得吾討好,要揾吾討好嘅細路非常簡單,但要揾討好嘅細路,真係有D難,係呢方面真係要讚下個導演,個導演真係搵啱人(大部分演員)。 小丑食細路呢段劇情,同舊版電視劇情冇咩分别,如果有睇過舊版電視劇嘅朋友就應該知道,呢套戲嘅故事其實係未完嘅,因為“IT”嘅故事分别係由細路時期同埋大人時期兩段故事組合而成,今次呢套“IT”已經拍咗細路時期嘅故事,下一集就會拍埋大人時期嘅故事。 呢套戲裡面好多角色都鍾意嘅,尤其就係呢套戲最主要嘅角色,跳舞小丑“潘尼懷兹”,今次小丑嘅造型非常之吾同,今次嘅小丑吾再係色彩繽紛嘅小丑,今次嘅小丑外面比舊版感覺上黑暗咗,今次嘅小丑真係幾鍾意,造型真係設計得幾靚。 由班細路好驚內心嘅恐惧,去到最後完全克服倒內心嘅恐惧,呢段成長路都幾滿意。 總括嚟講,呢套戲我係幾鍾意嘅,呢套戲我都幾推介嘅,粉絲更加要睇啦,但千祈吾好抱住睇恐怖片嘅心態去睇呢套戲。