電競女孩

給『觸電』吃了頭啖湯，確實也沒有『觸電』紮實。劇情頭、中部零亂，推進慢，捉不到氣氛，一盤散沙。尾部還好，sisterhood出到，緊湊左。班女演員表現唔錯，係導演捉到鹿唔識脫角。

導演把電競主題拍得易懂亦貼近人心，角色立體鮮活，視覺效果ㄧ流，值得入場支持。

個人覺得套戲不俗。我會講，套戲雖然在故事劇本角色塑造描寫方面有沙石，但作為導演首套片來講，這些沙石是合理範圍內。比較之前同類型的觸電，這套所走的方向有點不同，而出來也不太差。明顯他今次設定明顯是LOL向，而套戲中也有簡略去講介，這點個人是喜歡，同時他用電競X港式茶餐廳這個概念，的確有新意，而導演去運用這個題材的處理也屬不俗。GC處理運用方面，個人覺得，這套整體是不俗，他們好懂利用中環的街景作設計大方向，這點是有新意，所以他同這套同觸電，各自其賣點，而他在造型色調場景塑造，也可以設計得自身其特色。咁當然角色演繹方面，無論五個女角或CY，他們的演繹均屬可以。痴·影·夢·藝 X 的專頁 https://www.facebook.com/ckwunmovie/

#電競女孩 #gamergirls今日同大家聊聊 2026 年另一部本地電競作品 —— 《電競女孩》(Gamer Girls)。呢套戲得到 電影發展基金 支持，由本地新晉導演執導，主演陣容有我個人好鍾意嘅 袁澧林 (Angela Yuen)（代表作：《窄路微塵》），仲有一班新女團成員。講起電競，難免會被大家攞嚟同早前套《觸電》(Spark) 比較，畢竟《觸電》飲咗頭啖湯，呢套《電競女孩》壓力唔細。同期套套好戲: Hamnet，Rental Family… 真係生不逢時... IMDb: 5.3 / 10 (目前投票人數未夠 20 人，參考價值有限)Rotten Tomatoes: N/A (本地作品暫未有評分)Wildy Score: 6 / 10 (支持本地製作加咗分)影評觀點：先讚後彈📍 全女班的細膩感情與張力首先一定要講，我真係好鍾意袁澧林(文青女神、浸大女神)。我若是”窄哥”，一定私有化佢兩母女。今次佢喺戲入面嗰種倔強得嚟又有層次嘅演出，撐起成套戲。電影好大膽咁採用全女班電競隊做主題，呢點我係buy嘅。因為全女班，可以寫到更多女孩對女孩之間嗰種微妙嘅妒忌、勾心鬥角。比起全男班粗線條熱血，或男女混合... 全不是那回事。呢套戲描寫女仔之間嘅「宮廷鬥爭」確實係有佢獨特嘅味道。VS但可惜「宮廷鬥爭」只屬TVB層面未入心，感人位也自然欠奉📍 角色張力的「180度消失」講到彈嘅地方，我覺得最奇怪係啲角色張力位。好多時鋪排咗好耐嘅衝突，竟然一句說話就 180 度迎刃而解？無論係母女之間嘅深仇大恨，定係同隊隊員之間嘅死結，好似只要講句對唔住或者一個擁抱就搞掂咗。咁樣寫法真係浪費咗之前辛苦營造出嚟嘅張力位，令到劇情有啲虎頭蛇尾。追夢嘅壓力同挑戰，呢啲(文本功套戲都做足晒。 VS 可惜要在這個題材有突破，單追夢不夠照。因為太多本土電影只玩情懷或追夢... 太膩了📍 瑣碎的爭拗與留白過度雖然我讚佢全女班寫得細膩，但有時啲女仔之間嘅「宮廷鬥爭」真係令到我幾心煩。啲爭拗太過瑣碎，去唔到《觸電》嗰種可以牽涉埋老夫老妻、歲月無情等更高層次嘅課題。仲有結尾個留白……會唔會太白咗啲？雖然留白可以畀空間觀眾想像，但呢套戲個結尾畀我感覺係未拍完多過藝術留白，令我睇完有啲「吓？完咗喇？」嘅感覺。最驚喜係加入咗一個大奸角角色，帶出咗現實無奈; 商業世界運作嘅難處，入面嗰個「大反轉」位係全片最大賣點，增加電影真實感。VS於我這是最吸引我之處，但不夠支撑高潮位。反制、復仇也不入肉，又削減了劇力。畫面後製同特效算係奪目，電競比賽嘅介面做得幾有未來感，視覺上唔會覺得廉價。VS📍 動作指導的缺憾對比《觸電》，呢套戲嘅「武打」或動作指導真係差太遠。明明係電競對戰，但動作編排顯得生硬單調，大大降低咗對戰時嗰種應該有嘅緊張感同逼力，好可惜。📍 支持本地電影的意義作為影評人，我絕對支持大家入場睇呢類本地作品。總結： 《電競女孩》是一部充滿誠意但技術上有明顯短板的作品。如果你是袁澧林的粉絲，或者是電競愛好者，這部戲還是值得入場支持一下本地製作。但如果你期待的是那種扣人心弦、動作流暢的競技大片，可能就要降低一下心理預期。對我來說，6 分算是給這份支持本地電影的一份鼓勵分。支持本地作品入場，本地電影發展基金 被《觸電》飲了頭啖湯，難免有比較 現在只在未夠20人投票，分數5.3; 我可6讚與彈：喜歡袁澧林；一班女孩對女孩之間的妒忌勾心鬥角，因著全女班會有更多的描寫吧；vs但反而有時女孩之間宮廷鬥爭的爭拗感覺令我有點心煩。亦去不到《觸電》再牽涉多一點老夫老妻歲月無情等其他課題一些角色張力會突 180度迎刃而解，這是我覺最為奇怪的。無論母女情仇一句說話就搞掂; 同隊爭拗亦如是，就浪費了一些角色張力位。基本追夢的壓力與挑戰也有。這是基本。加了一個大奸角角色，和現實商業世界運作的難處和大反轉位，這是最大賣點。vs但結尾的留白會否太白...?畫面後製算奪目 Vs但武打、對戰武術動作指導差太遠了... 以致大大降低對戰時的緊張感和逼力。可惜

有《觸電》(2025)珠玉在前(至少我覺得係珠玉)，呢套同樣低成本、講電競嘅電影就有啲失色。同《他年她日》(2025)一樣，袁澧林做乜似乜，但同樣係質素一般嘅劇本浪費咗袁嘅演出。劇情平實推進，由一班曾經落敗嘅電競女孩嘗試東山再起，講現實揾錢vs.夢想、上一代對電競嘅不理解、女性打機／做streamer嘅遭遇等等，都無令人驚喜嘅描述。相對劇情同樣平實(甚至有啲俗套)嘅《觸電》，無論係情節感動程度、角色塑造、結局嘅紮實程度，都係《觸電》明顯出色啲。張蔓莎不明所以地大半場口黑面令人有啲難受；CY演技一般，我唔係好投入到佢同袁澧林嘅感情線。值得一讚嘅，係電影喺有限預算下用CG將中環街景營造成遊戲場面，雖然嗰啲暗暗地粉紅燈光睇得多有啲厭，不過呢個嘗試比起《觸電》大部份用室內景，又係另一番風味。仲有中間佢哋喺茶餐廳搞嗰壇嘢嘅twist，都叫做係情理之內、意料之外嘅好嘗試。聽到導演話今次電影製作班底幾乎全部係首次參與長片製作，作為港產片觀眾，都好想支持下，希望有下次機會嘅話劇本唔會再咁多沙石。P.S. 無見到網上有人講，戲中帶住對roller入茶餐廳支持電競嘅女演員，係咪現實中香港第一花式滾軸溜冰運動員蔡穎怡？如果係的話，都算係一個彩蛋位🫡

3.2⭐睇得出製作成本/資源好有限，縱使有好多唸頭/創意都未必能夠實現。電影故事算完整，但劇情就非常公式、簡單同直線，角色描寫同劇情欠缺細腻描寫同深度。演員卡士只靠袁澧林一人支撐，其他演員睇得出係新手，演出較生硬，演員陣容整體的而且確係欠咗啲吸引力。不過有限資源下不能要求太高，團隊下次繼續努力，期望更出色作品。PS.• 若資源不足，還是拍一啲現實小品題材較適合，並且放多啲心機喺故事、劇情同人物嘅描寫