屍煞32

成套戲都係主角逃避染疫者(喪屍？）欠故事同起伏性。低成本制作冇乜特效或大場面。唯氣氣營造較佳,不致太沉悶。睇咗唔需要割櫈,冇睇亦唔係損失。

個頭開得幾好，用一鏡到底去交代背景同幾個角色關係，可惜之後劇情好多反駁位同吐糟位，就算辦公室及更衣室幾幕拍得好有氣氛，但電影還是近乎去到恥笑地步。.首先，開頭登場的人介紹一下之後就…沒有然後？仲慘過送死人頭。女主角是收拾背包物品原來與求生無關？夫妻關係到底是怎麼回事？是離婚，分居或是…？好似有故事想講，但又交代唔到，這情感亦對劇情或角色塑造沒太大幫助。.之後重點係喪屍設定又係咩玩法？有創意但唔夠完整，病毒起源無交代，暴力傾向之後Stone左又唔知咩事，32秒又有咩含意？走廊果32秒應該同男兒當入樽果2秒有得揮！最後又係一個令人反白眼既結局，應該係我見過比死神來了更利害的釘槍！.觀影平台: Premiere Elements. IG : andymyf / #AndyMovieReview

本身已有心理準備今晚喺戲院時間難熬，畢竟戲名、海報都滲透住濃濃嘅伏味，以為又係另一部令人痛不欲生嘅「傑作」。點知！套戲又幾有驚喜，仲令原本眼瞓嘅我愈睇愈精神，饒有興味地追看落去，娛樂無窮、喜出望外！（冇反諷）喪屍片就無謂考究前因後果，總之⼀切設定知悉就好：點解會有病毒蔓延？點解喪屍攻擊後要定格32秒？甚至點解一個廢棄俱樂部需要保安員當值？事情緣由通通唔最重要，更遑論需要對邏輯嚴密有甚麼要求，重要嘅係作為驚慄片，套戲對緊張刺激及恐懼壓迫感嘅營造。而對於我呢啲「膽囊萎縮症」患者，呢部戲嘅緊張刺激感足矣。其中特技化妝師功不可沒，喪屍造型駭人，肢體動作、面部表情維肖維妙，我真心好乸驚佢哋😂 甚至完場後步出戲院，亦有風聲鶴唳、草木皆兵之感，見到陌生途人都不禁疑神疑鬼😅另外，劇情豐富係我睇得過癮嘅最大主因：殘虐主子、喪屍溺斃、癲婦分娩、腦殘奉嬰、煙霧泳池、以鼠作餌…… 點子可謂五花八門、層出不窮，挺有看頭。伏筆之鋪墊更巧妙地融入、推動劇情，前後呼應，事後在腦袋中回憶並加以串連，妙趣橫生。套戲另一大亮點係對美術嘅高要求，從開局嘅長鏡頭已可見一斑。儲物室躲避戰、持槍絕望自盡及捨生救女數幕，更是拍得出彩，極富藝術效果，令人印象深刻。知道唔少人對套戲評價一般，也不乏大力數落的。可能我少睇喪屍片，份人又細膽，所以真心覺得還不錯。P.S. 一開頭以為女主角同個老公離咗婚，但再睇後續劇情似乎又唔係 = =P.P.S. 另一個我覺得有疙瘩嘅地方係，其實點解個男人咁強烈要求女主角幫手接生，睇唔出BB出世時有幾需要兩個人喎。- - - - - - - - - - - - - - - -#影迷女生的電影札記IG : movieholicgirls

成套都好悶場，講個老母搵女……又唔驚又唔緊張

低成本製作, 前半段交代比較悶, 後半段嘅32秒停頓, 生bb部份都幾緊張.