飢餓遊戲前傳：鳴鳥與靈蛇之歌

今次男女主角都係新嘅，男嘅係標準都城名校學生但好窮，女仔係去第12區旅遊被捉咗去參加嘅，又樂觀又善良，令人動容，相對男主不停係善與惡之間遊走。今次係有"飢餓遊戲"嘅，不過場地比較細，只係喺一個小小嘅圓形競技場裡面，如果唔係事前發生某事件嘅話可能十分鐘完game都未定。"遊戲"嘅過程戰鬥唔多但有好幾個高潮位，畢竟女主角戰鬥力接近0, 但用佢善良嘅性格同溫柔嘅歌聲感動觀眾，男主角用出人意表嘅方式幫助女主角，令呢次"遊戲"相當精彩。其實如果就咁完咗反而會更高分，最後一個鐘左右交代game之後男女主角嘅去向，劇情開始有點悶，最後男主角喺善與惡之間嘅抉擇選擇咗墮入黑暗，實屬可惜。(睇comment原來男主角係正傳果個衰人總統，唔怪得之啦) 4.6/5 (92分).

全片分為三個章節。頭兩章似睇緊一般Hunger Game過程, 冇乜特別。第三章戲路大轉變, 描寫男主角成魔過程, 可惜轉變過程太急太牽強, 好似趕住收工咁, 唔夠說服力。整體只係一般般。其實我認為用2/3篇幅嚟講冇新意又沉悶嘅Hunger game過程實在太長, 點解唔掉番轉縮短Hunger game過程, 用較長篇幅細膩描寫男主角成魔心路歷程同埋女主角感情呢？

哩系列嘅小說同電影一向銷費哩種觀念因為目標觀眾一早定死咗喺年輕人度 討好後生仔然後袋佢哋嘅錢其實Jennifer Lawrence嗰四集都唔算好睇所以我都好奇怪點解仲有前傳 於是好奇心驅使我入場今朝俾$40睇咗早場 覺得哩集比之前四集好睇 尤其頭兩幕第三幕只係交代President Snow（前四集由Donald Sutherland飾演）後生時嘅成魔之路 劇情老土 發展屬意料中事頭兩幕講喺Katniss Everdeen發動叛變推翻Capitol政府之前64年饑餓遊戲第一次引入mentor制度 派人輔助參賽者Snow做mentor 透過無人機 送水 老鼠藥 手巾四次救咗完全冇搏命能力嘅Songbird Lucy Gray脫險並勝出遊戲不過干預賽果等同作弊 結果Snow不但攞唔到獎 仲要充軍發配邊疆於是一個家道中落 志切要重振家聲嘅後生仔開始放棄善良 不擇手段走上成魔之道故事最刺激可能係第二幕 進入參賽者決生死嘅階段 Lucy Gray無意傷人 又無作戰能力 弱質纖纖只會唱歌 每次生死關頭乜都做唔到 只會等死 觀眾每每要為佢揑一把汗 但結果係意外地等到想殺佢嘅人死先過佢 所以好波不如好運Rachel Zegler飾演Songbird絕對不作他想 歌詞有意思 歌聲又悅耳電影中有兩個睇落冇乜重要嘅角色 但好有象徵意義阿嫲要孫仔學爸爸追求權力 家姐要細佬做善良嘅人意思係老人家教壞後生仔 年輕人其實本身好純潔又正義唯一諷刺年輕人光有理想但識講唔識做嘅角色係有錢仔Sejanus Plinth 結果落得俾朋友出賣被吊死至於Snow算唔算係代表年輕人呢 唔算 因為佢後尾追隨並效忠Capitol 跟住Dr. Gual殺死同情年輕人/基層老百姓/叛逆者嘅Dean Casca 最終爬上權力頂峰成為迫到Katniss作反嘅獨裁者President Snow意思好明顯 近朱者赤 近墨者黑黐埋後生仔度就善良 黐埋老嘢度就邪惡如果相信哩個世界可以用咁簡單嘅二分化去區別善惡 就太天真啦哩啲呃頭腦簡單細路嘅電影都係留返俾後生仔去欣賞同追捧喇 唔啱我哩啲被敵視被攻擊被指控嘅老鬼睇 逃避？係呀 所以閂埋個留言功能 費事聽埋啲鬼哭狼嚎喇

其實我只係睇過第一集飢餓遊戲，而且印象唔多，今次當全新接觸呢個世界觀，睇完係有興趣睇後續既故事（即係之前四部）。.電影分開三章，開首有第十屆飢餓遊戲，女主角幾乎零戰鬥力，純粹天時與人和令她能夠生存，同時歌聲的感染力亦不容忽視。.之後章節劇情內容主要交代男主角成魔之路，他一步一步作出選擇，耍心計，出賣，背叛，多疑，心路歷程都幾描繪得好好，但整體又覺得有點沉悶，大概是節奏不夠爽快所致。.女主角Rachel Zelger唔算好靚但唱歌好聽，男主角Tom Blyth 形象亦正亦邪，長短髮都好型，之後要睇翻第一集佢「將來」成為President的人物角色。.觀影平台: 時代廣場英皇戲院.IG : AndyMyFilmography/ #AndyMovieReview

揭開飢餓起源，電影《飢餓遊戲前傳：鳴鳥與靈蛇之歌/The Hunger Games: The Ballad of Songbirds & Snakes》，背景設定於本傳的64年前講述18歲的史諾，當時還未當上總統的科利奧蘭納斯史諾，曾經盛極輝煌的史諾家族，在戰後歷經家道中落，為了重振家族勢力，不得不接受學院的指派，成為第十屆飢餓遊戲的導師，但他被分配得到的是來自第12區的貢品，參賽者卻是一名瘦弱的女子露西葛雷，兩人的命運也因此緊緊牽絆著彼此，為了生存，必須成為最後的勝利者，兩人並肩作戰令感情昇華，但對最後兩人因理念不同，關係亦變質了。今集是交代史諾的身世，岀身於曾經輝煌一時的史諾家族，在戰後時期、混亂而動盪的世代，經歷家道中落，又適逢體制的變革，還要保護自己的摯愛和親人，周旋於善與惡之間，令他的人性開始扭曲殘害良知，施惠國的狂人成魔之路由此崛起，獨裁總統的煉成。作為前傳，故事總算是能完整的交代岀史諾的成魔之源，製作亦很落本，結尾帶點悲劇色彩，若果沒有看過《飢餓遊戲》的話，作為獨立電影觀看亦無妨，除了電影稍為冗長之外，都算係幾好睇嘅啦。

主角不一定是好人，今次主角集中是Snow總統後生時候，還是一個理想熱腔的高中學生。基於作者一本書，故事分成三章，先講男主角家世、首都戰後情況之類，然後就第十屆遊戲情況，再遊戲之後男女主角的「感情」變化。頭兩章就是飢餓遊戲雛形，然後終章才是Snow的黑化。比起首集(2012)講成熟的第74屆的情況，前傳補充了反叛戰三年後的首都的情況。而經典的配樂在前傳不同地方出現又另一番感覺。比起正傳，音樂用得比較節制。歌唱頗多，對應初期可能還允許唱歌自由。好聽還好聽，唯女主角Lucy每次唱歌有點出戲，變成歌唱片。比起正傳，觀眾間接參與在遊戲中。未睇過就獨立來看完全可以，睇曬嘅就可以專心揾彩蛋。她基本上就是史諾青年黑化的「元凶」。（年輕的）史諾總統最有魅力的系列反派。篇幅所限沒有提及男主角阿爸對他的影響，堂姐只有一句「［他］就像父親一樣」鳴鳥提醒他每個出賣的人。除去演技，他的尖子形象的確好貼切，總之他的藍眼好奇貶去12區時那個幫他調回2區的負責人未來之後會有甚麼「回報」？在困境面前，甚麼道德、教育一閃眼就拋諸腦後，但是人人都面對如此困境，不算話好睇得出他「成魔」的過程。比起跟被吊死的Sejanus兄弟情，男女主角的輕微感情線亦點一點水而已，不過最後一段Lucy問對方第三個殺的人是最黑暗。歌唱提及過好多次的「吊頸樹」，今集展現出來有幾冤枉。正傳有舉起代表十三區的手勢，今次最代表反抗的象徵，應該是其中參賽者扯下施惠國的國旗，鋪在犧牲者的屍體上，被逼送死何懼這些「規矩」。而今集亦見到這個虛構施惠區有幾損耗，貢品更是動物園籠中的兩腳奴隸。始於此屆，引入導師，再加觀眾打賞來直接支持競技場上的貢品。男主角用臨時起用的無人機送水，不覺意不小心地撞走敵人的確善用機制。果然男主角提出這個新建議才記得時刻使用，其他導師或者其貢品可能零贊助吧！院長跟博士背景都是近乎無，不過無所謂啦最後都賜死。故事算是完整收結。不過續集估計似乎不太有機，如果有最想看就是導師酒鬼黑密契(Haymitch Abernathy)的故事。還好沒有拆成上下集，一氣呵成的SHOW算是ENJOY！幼時史諾目睹人在飢荒時手執石頭為了食，在最後關頭其實他揀了首都，一句漏口根本無變過。以為一起逃避，變成兩人之間的飢餓遊戲。