追捕殺人狂

個人覺得套戲是精彩，他精彩的地方是在劇本的拿捏同其的故事闊度，他可以透過這個故事去批判美國整個官僚主義、功利主義同槍械管制的問題。他在處理同執行也沒太多可挑剔之餘，由第一幕開始到最後，每一個設計、轉折同衝突位也是好令人耐看，處處也可留下精彩伏筆，單純這樣已經睇到他的上乘功架。的確比較他之前 無定向喪心病狂，今套整個調子好沉重，整個環境設計好令套戲昇華，但他卻處理得綽綽有餘，不像覺得像他首套英語片。而角色處理上，他也是精彩，各角色的處理也是精準同立體，好像個個也好有故事。他這樣處理的功力的確令人驚訝。痴·影·夢·藝 X 的專頁 https://www.facebook.com/ckwunmovie/

犯罪者心理剖析，抽絲剝繭尋兇，引人入勝。加上美國警隊“卸鑊文化”，害死人，電影幾吸引。影片中偵輯人員沒有大學學位都被人揶揄水平低，沒能力，太歧視，可幸女角沒大學、濫藥、心理創傷都可幹大事，捉拿連環殺手，好正面。

如題，文戲佔大部分，調查過程大多數係各部門互相指責，追究責任，以致調查進度緩慢，有d悶。不過後面睇女主角表演果part幾精彩。4.0/5 (81分)

上半場查案過程沉悶冇進展, 下半場兇手突然輕易靠估揾到出嚟, 有點兒戲。兇手殺人動機亦唔鮮明。片長2小時感覺拖長嚟拍, 個半鐘可能會精彩啲。較值得讚嘅係氣氛營造不俗。

感覺上係另一齣《沉默的羔羊》故事套路同結局都差唔多只不過將兇手設定改咗啲啲由拐殺婦女變成美國近年流行嘅人群槍擊可惜冇咗Anthony Hopkins同Jodie Foster咁強嘅影帝影后級卡屎Ben Mendelsohn口水多但唔覺有腦Shailene Woodley演技冇進步導演平鋪直敘講故事冇懸疑冇緊張冇驚慄冇氣氛1991年嘅羔羊劇力萬鈞 扣人心弦哩套同中英文片名一樣 平平無奇起個名都咁hea 都唔知拍嚟做乜《無定向喪心病狂》就梗係驚喜啦同一位導演 哩套就係失望雖然都企圖批評美國警隊同制度嘅官僚+腐敗但著墨不多 到喉唔到肺導演同男主角最終都屈服喺資本主義下向荷里活商業電影跪低 結果兩頭唔到岸

警察的部分除了查案緝兇，還有內部權力鬥爭，部門互相指責拖慢調查進度佔不少篇幅，這部分好似更有劇力。.男主角講就天下無敵，但做就有心無力，成套戲講多過做，聽佢講野聽到有少少悶，不過劇情走向推進都算暢順。.殺人狂能力超強，做好人或壞人的確是一念之差。幾場屠殺過程意識上好震撼，其實多年來美國以至世界各地都不時有槍擊事件發生，可能為免引起觀眾不安，畫面上未至於三級。飾演殺人狂的演員，感覺上比兩位主角演得更入型入格。.其實我唔明最後點解會放過主角，但主角要生環才能帶出電影想表達的政治黑暗，嘲諷政府以掩口費及恐嚇威迫的手段去掩蓋真相。.觀影平台: MOViE MOViE Pacific Place .IG : AndyMyFilmography/ #AndyMovieReview