喪屍．豆丁．雪糕車

3.7⭐血腥恐怖 Cult 片一齣。你亦可以擋佢係一齣喪屍 Cult 片。論血腥核突程度呢套嘢係屬上級嘅，又係畫公仔畫出腸，又絞盡腦汁，殺人方式亦多元化。但最特別嘅係電影題材骨幹挑戰人類道德底線，標榜孩童弒父母/大人, 重要比埋個過程你睇，好少電影咁赤裸觸及呢個敏感元素。電影最後嚟個反轉亦令結局變得不似預期...唔錯。整體我係覺得ok...收貨嘅。PS • 我冇睇到字幕尾，唔知有冇彩蛋• 似乎有機會有下一集

如果你就是為咗爆血虐殺入場那麼你肯定可以睇到飽，不過冇“喪屍”的戲份，因為片入面啲細路其實根本唔係港譯片名裡面寫的喪屍，因為佢地唔食人只殺人😂不如直接改叫片中的雪糕妖人不過唔似1995年原版，雖然同名，但呢套新版其實雪糕佬戲份冇幾多，虐殺戲份都係細路貢獻，ice cream man感覺並唔係重點，塑造單薄且戲份少，有點偏題睇咗下imdb同letterboxd，目前一個3開頭一個1開頭，好多人打最低分，主要都是罵導演在條片入面直接用ai generate，並且的確屬實，片中一條洗腦視頻，開頭細路殺人之後的幻想，同埋後段的回憶場景都有用ai，至於點看就睇個人，我反正覺得前面都算了，回憶人物背景故事你都用就真係過分偷懶至於故事，確實太短且冇乜意思，不過應該冇人睇b級slasher片係來睇劇情，是但啦

個人覺得套戲是可以。我會講，套戲的設計有創意，美術充滿美式味道，而場面夠血夠誇張夠過癮，而故事方面，個人覺得，有點偏宗教向，但導演的執行有點過於草率，不夠時間去雕琢同優化，如果多一點時間去描寫，效果會更好。PS：片尾有一個片段痴·影·夢·藝 X 的專頁 https://www.facebook.com/ckwunmovie/

故事完整、流暢，係近排我覺得最好嘅恐怖片之一。絕對唔止三粒星咁少。場次唔多，要睇就快啲入場。唔好錯過。

#喪屍豆丁雪櫃車 #IceCreamMan大家好，我是 Wild Wildy！今日同大家睇嚇呢套 1995 年嘅 B 級 Slasher 恐怖片同名/reboot——《喪屍豆丁雪櫃車》(Ice Cream Man)！呢套電影由 Eli Roth. 編導。佢自己都粉飾律師一角。過去我覺最好Hostel 1，2; Inglorious Bastards; 其他Thanksgiving , Borderlands 都超級普通。主角陣容包括飾演恐怖雪糕佬嘅 Ari Millen 一無故事底韻就出事⋯ Google Fact-Check 影評基本數據：IMDb 評分：3.8 / 10Rotten Tomatoes 爛番茄：26% (Critics) / 46% (Audience)讚：血腥視覺衝擊：作為一部 Slasher 砍殺電影，畫面完全達三級片（R-Rated）標準，Slasher 元素血腥暴力指數我會畀到 8-9 分！開頭嗰啲暴力畫面同血腥質感確實幾吸引，視覺畫面上夠晒核突。隱喻解畫：電影最後有嘗試解畫同說明背後嘅隱喻，對於鍾意解構 B級片(?)訊息嘅觀眾嚟講，可能會欣賞佢試圖加入一啲社會暗喻:大人講大話⋯ 彈：故事空洞兼悶爆：血腥度雖然有 8-9 分，但故事我只會畀 3 分，我自己整體評價得 3-4 分！開頭雖然靠血腥吸引到人，但在完全冇甚麼故事支撐下，個半鐘嘅片長，睇到一半官能刺激已起不了作用⋯ 我已經覺得悶。設定邏輯混亂：片入面嗰啲人根本唔係喪屍（Zombie），只係著咗魔或者發狂。變相Weapon另一變奏版⋯ 但點解偏偏要用「雪糕」？點解一定要係雪糕車？電影不太解釋到。就是雪糕佬是雪糕佬⋯ 有點難以投入主題與角色動機脫節：電影想帶出「大人愛說謊」，但呢啲到底同現在的小孩有何關係？更重要的是殺人狂嘅動機混亂！殺人狂 Jason（《十三號星期五》）大開殺戒我哋睇得爽，鬼王 Freddy亦都係咁；但今次呢個雪糕佬向老師們大開殺戒到底為了甚麼？如果你話佢係向一群戀童神父大開殺戒，咁仲解釋得到，否則電影好大段畫面純粹係「文甲」式⋯ 最後爛尾兼硬來：雖然有人欣賞背後嘅隱喻，而且電影最後有解畫，但喺我角度睇，呢啲隱喻完全係硬來嘅，最後仲要爛尾收不了科⋯⋯童星與三級畫面的違和感：畫面明明係三級片，但卻是由一班小朋友做主角。我真心有疑問：當年佢哋父母點會容許自己仔女喺鏡頭前用鎚仔打死人頭？仲要將老師分餅咁切？呢點真係越諗越匪夷所思。就似晚孃男主角拍完不能入場看般白痴如果同樣係 Slasher 電影，想要有故事、有暴力，仲要加埋一流動作嘅，近有 They Will Kill You；早期少少嘅就有 2015 年嘅《爆頭血童軍》（Scouts Guide to the Zombie Apocalypse），呢啲比起《喪屍豆丁雪櫃車》好睇太多！大家對呢套 90 年代嘅雪糕佬 Slasher 點睇？你覺得佢係 B 級經典定係爛尾之作？歡迎喺下面留言話我知！記得 Like、Share 同 Subscribe 我個 Channel，我是 Wild Wildy，我哋下部電影見，Bye Bye！

好多爆血暴力鏡頭，不過特技好假，啲victim 毫無反抗，俾人殺，其實好無聊