幻險森林奇航

一套正路合家歡歷險電影，有動物，有搞笑，有風景，有冒險。劇情似經典奪寶奇兵，又有啲魔盜王影子，再加少少雜技式功夫。睇得幾過癮，節奏好爽，兩個鐘冇冷場。搞笑戲份多，場景特技做得靚，角色性格鮮明。Lily 博士聰明善良， 出水芙蓉嗰幕好靚。The Rock 船長鬼馬抵死，成日扮豬食老虎。壞人都好有特色: 蜂魔、樹妖同蛇人，個個恐怖又核突。如果戲院張椅識郁就好，我可能會日日去玩。期待續集。

很久沒有看這類型的電影，今次由大隻佬强森夥拍女博士亞馬遜尋夢之旅，過程驚險、輕鬆及富娛樂性，電影CG效果不俗，故事情節輕輕鬆鬆，男女角開開心心，唔經唔覺二個鐘。合一家大小，甜蜜愛侶及孤男獨女的老少合宜暑期電影。再加上狄士尼電影質量有保證。

迪士尼公式冒險大制作，未睇已知係啲乜，冇乜驚喜亦冇乜好評。唯一驚喜係女主角，原來可以咁靚｡

首先利申，迪士尼樂園入面的森林河流之旅遊樂設施對我來說是頗為沉悶的，以此作為電影題材實在有點驚訝，但看到卡士有Dwayne Johnson 及Emily Blunt 兩位主角是吸引的。.觀影後覺得電影比預期中好，情節有點驚喜，娛樂性不錯，過程有少少驚險但感覺都是刻意營造的；打鬥場面有少少刺激，蜂妖，樹妖及蛇妖設置不錯。不過劇情中段略嫌拖得有點慢，其實整個故事頗為簡單，就一套輕鬆爆谷片，不過不失。.觀影平台: 荷里活百老滙.IG andymyf / #AndyMovieReview

迪士尼嘅歷險娛樂鉅製《幻險森林奇航/Jungle Cruise》，睇咗MX4D 嘅版本嘅效果，一嚐與銀幕同步歷險嘅滋味！但電影卻未如想像中的輕鬆惹笑，娛樂性只屬一般，甚至還有些無聊，看得讓人尷尬！艾美莉賓特今趟不再寂靜無聲，回復返迪士尼中《魔法保姆》的靚樣，但與狄維莊遜不停的互相鬥氣，兩人的對白搞爛gag 又唔好笑，甚至有些令人煩厭，開場搞搞氣氛尚可以接受，至結尾兩人的愛情戲更有些牽強。而場面方面似曾相識，故事熟口熟面，東拼西湊炒埋一碟，尾段岀現《加勒比海盜》般的情節相若，亦冇乜嘢大驚喜，不過場景仍然很壯觀，森林、河流、村落嘅CG 特效，配合MX4D 嘅效果都算係打造得唔錯，但總括而言就是舊瓶新酒，沒有突破，小朋友或許會睇得開心滿意，對於成人就…或會感到稍為乏味了。#電影狂熱▶️香港01 開講：https://opentalk.hk01.com/@tigermoviesfever/all▶️IG：https://www.instagram.com/tigermoviesnews/▶️FB：https://www.facebook.com/tigermoviesfever/#幻險森林奇航 #電影情息群 #電影情息 #電影狂熱 #電影推薦 #電影介紹 #電影重溫 #當年今日 #觀後感 #影話 #電影 #tigermoviesnews #movie #film

近排陪家人睇無線黃金時段劇集「刑偵日記」，好燒腦，幾鬱悶。放暑假，輕鬆吓，睇迪士尼，唔使諗其他，咁咪揀呢套戲齊齊笑哈哈。呢套戲由學術演講到亞馬遜熱帶雨林歷險，充滿奇幻、趣味。由16世紀中到400年後，男女主角法蘭斯高同莉莉侯頓（由狄威荘臣同艾美莉賓特分飾）在森林尋寶探險中相遇，可能情根早種，成就一段跨世代情緣，故事浪漫激情，電影CGI 又十分精彩，娛樂性豐富，老少咸宜，啱暑期一家入場。我都好鍾意呢兩位男女演員，演來好合拍，討人歡喜，喺本片內發放唔少笑彈joy bombs，散場後成個人都變得醒神啲咁。