超異能特攻

情節搞笑，動作誇張，輕鬆。導演向荷里活超能人電影致敬。

前段匯集異能者過程比較多談話，時有笑位，女主角同埋反派嘅能力都好誇張，所以打鬥過程都幾搞笑。4.5/5 (90分)

我鍾意睇Disney+嗰套叫Moving嘅韓劇，所以一早估到哩齣會好誇張，一早決定唔用腦去睇，仍然有喜出望外嘅感覺，兩個鐘入面笑咗個幾鐘，都唔得閒叫前後啲廢老出少句聲！五人磨合過程幾得意，尤其最後智星同基東擊掌✋擺明向打低山王嘅流川同櫻木致敬，另外合五人之力打大佬嗰幕，好有粵語武俠片「過內功」嘅味道，另外邪教教主可以吸走別人陽壽甚至異能，算唔算向任我行、逍遙派吸星大法致敬🫡呢？總之好有親切感。加上播咗好多隻歐美七八十年代舊歌，好啱鍾意懷舊嘅觀眾！另外，羅美蘭、吳正世兩位老戲骨喜感十足，為電影畫龍點睛！打鬥場面係真人版《龍珠》，設計出色，尤其阿女幫老豆一個打十幾個，假手於人、隔山打牛好好睇！一個超人死咗，捐出六個器官造就五個超能人+一個超級壞蛋，佢唔死咪好厲害，但咁厲害點解又會死呢？好彩大部分器官去咗好人度，如果去晒壞人度咪世界末日？最後，好鍾意電影對韓國🇰🇷流行邪教極盡挖苦諷刺嘅能事，娛樂觀眾賺錢之餘，不忘國民教育，唔like對唔住祖先呀🤣🤣🤣

整套電影角色的智力都好似有啲問題（女主角父親的設定令人煩厭）！後段超能力設定亂晒籠，堆砌戰鬥畫面令人感到疲累！

個人覺得套戲精彩，導演各環節處理同執行也好精彩。我會形容，套戲如日本特攝戰隊片的格局，而比較類似的，DC陣營的沙贊耐看得多。導演可將這樣多元素更為昇華同玩得更盡，尤其是角色同故事設計。好寫得細膩而好有團結便是成感覺。而同時導演好懂加入器官移植獨特元素，好令套戲更有其新意，在故事設定上同時也注入韓式邪教元素，這樣也同故事有所匹配同更合韓國市場。而節奏氛圍營造方面，導演也處理得好準繩，可以令觀眾睇得投入。好多位好笑得之餘也不流於俗套。痴·影·夢·藝 X 的專頁 https://www.facebook.com/ckwunmovie/

原本見咁高分，諗住一定好笑好睇點知⋯⋯⋯好一般嘅劇，唔太值特登去睇。笑位？有一兩個位頂多叫有趣，好笑遠遠講唔上。故事鬆散，好多野都無交待，有啲仲要勁唔合理，無厘頭。唯一爽嘅位係女主角啲打鬥畫面，僅此而已。講真，太多新Account打手俾五分，太過份。本來我都諗住俾3.5。果0.5扣俾啲打手