工作細胞

體材生動有趣，把普遍認為的孤躁細胞工作，活靈活現，印象深刻，活現人體細胞如何工作。再加上用温情橋段去教育人如何保護身體，遇到疾病，樂觀對待。女角那種傻痴痴的情荳初開情懷，應吸引少男少女。對於特技動漫方面的質量，遠遜內地新春電影，不在同一層次，但在信息發放手段，幾有趣，特別是女角爸爸。幾有趣的電影，開啟動青少年對生物科學產生興趣。

工作細胞每個成員都模擬得相當生動，把人體機能用很有趣的方式描繪出來，而劇情亦精彩刺激，前後井井有條的天堂跟後期寸草不生的廢墟形成強烈對比。4.6/5 （91分）

除咗父女互相鼓勵保護健康和對抗頑疾之外，便沒有甚麼感人的情節。至於電影最大的笑料就係完全冇笑位，佐藤健停留喺《浪客劍心》嘅姿勢，但大部分時間得一把匕首，到臨完場至有一把武士刀，我想問下大家得一把刀仔嘅拔刀齋，打起上嚟有乜好睇呢？永野芽郁本來好可愛，但喺染紅髮又卡通化嘅服裝下，連平時清新可愛嘅樣子都誇張化妝到睇得唔清唔楚。話係俾小朋友睇嘅健康教育電影都悶親佢哋，更何況大人？啲打鬥停留喺鹹蛋超人打奴隸獸嘅水準，各種細胞並肩作戰下生死相隨嘅兄弟情，都表面到呃唔到或感動唔到細路！但電影發揚咗日本人嘅民族精神，大家（所有人都係大我入面嘅一個細胞）喺同一個體系裡分工合作，須團結一致無分彼此，為大我犧牲小我，非常之符合日本嘅民族性，亦係日本傳統國民教育透過大眾文化溫柔敦厚地再加強！我知電影由日本漫畫改編，鍾意動漫係一回事，但改編嘅電影拍得唔好睇又係另一回事，咪捧住鍾意嘅漫畫書當成係自己嘅聖經至得㗎，做人要長大要向前要有獨立思考，咪因為鍾意漫畫就盲目維護，一句半句負評就過分反應，走出嚟變身滿口惡言嘅haters咁幼稚啦！

感覺係一套比較落本，有關兒童健康教育嘅特攝片。本片將人體結構、器官、細胞、....等等用擬人法去表達係有啲創意，有啲畫面/場面嘅表達亦有趣同惹笑。但當有真人著衫扮演毒細胞怪人出現，手舞足蹈，再由扮演白血球"超人"(佐藤健)出嚟三兩下手勢斬殺消滅(縱使動作指道由誤判嘅大內貴仁負責)，即時令我覺得好似睇緊以前啲特攝片咁。😄 其實整套電影動作場面唔太多，亦唔算激烈。雖然呢個"擬人法開頭睇係有啲創意，但睇咗1/3就開始覺得沉悶同千篇一律。而故事本身亦非什麼峯迴路轉故事，只係一對父女身體不適，用擬人手法去表達父女體內發生乜嘢變化，故事劇情相對簡單淺薄，而現實父女描繪亦唔深刻，只係大配角。紅血球女主角永野芽郁幾靚女，佐藤健化妝化到唔見樣，其實個角色搵邊個做都得。🤣🤣🤣

人體真美，中間的大街小巷媲美老鼠樂園，如果香港有IMAX就正啦。當初「真人化」人體細胞已經非常創意，今次真人化這個真人化更加好玩！故事跟動漫一樣先正經，開頭解說動畫或者比較重覆。還好人體裏一波又再一波出現警號，算是可以節奏上。生活不檢點的爸爸原來背後都有原因，而女主角媽媽早年離去亦埋下了伏筆。開頭以為戀愛，結尾突轉親情頗佳可以給個敬手禮！比起動漫版更華麗，再用一樣的旁白配音好有感覺。跟之前《魔法壞女巫》一樣都有落足本且精緻的實景，各種道具再加上人海高質呈現。五臟六腑就集中心肝肺，以及肛門，猶如日本長壽電視節目《超級變變變》般角色化每個細胞！動漫有提及的胃反而無提及，乳酸菌期待的說，所以就用了水族館一場代替吧？不得不提，化療的輻射射線照遍大地超震撼，無差別的治療藥彈炸到昔日靚景面目全非，還有注射針頭抽血一場都是好驚奇！紅血球青年與前輩在肛門既搞笑又慘痛，想不到會「屎」在那裏。如果逃過一劫，他們兩個下一站去的私人部位應該都有睇頭，不過可能要等到BLACK版！雖然還是好可愛，不過血小板妹妹就比漫畫遜色，只用了泡泡池簡單真人呈現凝血。如果劇情之中加點笑位可能就更有趣。惡菌造型主靠CG但都幾駭人，而金黃葡萄球菌的閃黃衣着也好深刻。男主角佐藤健真的好適合做白細胞，功架更有說服力。中後有喪屍化的細胞也好忠於原作，惟那個變異細胞的恐怖氣氛似乎略跌一度。身體崩壞如同世界末日，唯一還在的女主角如何堅守到最後送氧到需要的細胞手上。最後的信簡短而又精神永存，重新恢復之後還有人繼承下去～

電影透過繽紛多彩以及精緻的服裝去呈現體內的細胞世界，就算觀眾本身沒有生物學知識，能夠深入淺出地去了解身體各個細胞以及疾病的背景知識，根本就是一套高成本製作卻非常有意義的教育電影，無論成年人或者小孩都適合觀看。不少看過《工作細胞》的朋友，都跟我說這其實是一部身體版的浪客劍心。除了是因為主角佐藤健之外，其實電影內的動作場面一點也不馬虎，所以每場打鬥也成功為電影帶來一點緊張感。同一時間，電影也有不少輕鬆有趣的畫面，例如是可愛的血小板透過小學生去呈現、透過真人去呈現人體內肚瀉時候出現的變化、還有身體如何對抗各種病菌，令到電影可以平衡於知識與幽默之間，不會過分學術性，同時也不會只有無聊的胡鬧。《工作細胞》沒有因為真人化而變成災難，反而因為適當加入故事劇情，成功令到電影兼顧輕鬆與意義，亦令我非常享受整個觀影過程。如果從觀影感受以及故事完整度，我甚至覺得《工作細胞》算是這個新春當期當中令我最喜歡的一部電影，甚至適合一家大小入場去透過輕鬆方式認識自己的身體。其他詳細影評，歡迎來到爆米花族的世界參觀： Ig：popcornmoviehk