工作細胞

電影是由日本華納兄弟製作的， 這是我近年看過多套日本電影比較深刻印象的一套。 電影後半部講的是一向健康活潑的女學生日胡，突然患上了血癌， 反而是生活與飲食不大健康她的爸爸捐骨髓救了她。由此可見生活健康的人，也隨時會不幸患上癌症。 電影中的爸爸在貨車上食了條粟米要上廁所，在戲中肛門括約肌的場景，可以見到有粟米粒的出現，這些細微的部分也反映了電影的製作認真。 整套電影都動用了不少臨時演員，服裝、場景都非常認真。 順帶一題，在控制室裏的輔助性T細胞，個樣有啲似香港演員林家棟。 電影是以 Happy Ending 作為結局，日胡在爸爸和男朋友的陪伴下一齊往大學醫學院的畢業禮。 在散場的時候， 有觀眾說這套電影比較悶， 但在我來說就非常好看。

劍心cos白血球。爽。

啲特技唔錯，笑位亦好夠，如果打戲可以再精準啲刺激啲就好，配樂都可以再多啲

超投入，因為係關於自己身體！佩服欣賞拍成如此高質電影，引人入勝，表達直接貼地抵死易明，不乏感動位，長知識，更啓發要好好愛守及要建立有靚環境的內藏身體。個人覺得依套係今年第一季中最好睇最有意思又深刻又具啓發性的戲。

體材生動有趣，把普遍認為的孤躁細胞工作，活靈活現，印象深刻，活現人體細胞如何工作。再加上用温情橋段去教育人如何保護身體，遇到疾病，樂觀對待。女角那種傻痴痴的情荳初開情懷，應吸引少男少女。對於特技動漫方面的質量，遠遜內地新春電影，不在同一層次，但在信息發放手段，幾有趣，特別是女角爸爸。幾有趣的電影，開啟動青少年對生物科學產生興趣。

感覺係一套比較落本，有關兒童健康教育嘅特攝片。本片將人體結構、器官、細胞、....等等用擬人法去表達係有啲創意，有啲畫面/場面嘅表達亦有趣同惹笑。但當有真人著衫扮演毒細胞怪人出現，手舞足蹈，再由扮演白血球"超人"(佐藤健)出嚟三兩下手勢斬殺消滅(縱使動作指道由誤判嘅大內貴仁負責)，即時令我覺得好似睇緊以前啲特攝片咁。😄 其實整套電影動作場面唔太多，亦唔算激烈。雖然呢個"擬人法開頭睇係有啲創意，但睇咗1/3就開始覺得沉悶同千篇一律。而故事本身亦非什麼峯迴路轉故事，只係一對父女身體不適，用擬人手法去表達父女體內發生乜嘢變化，故事劇情相對簡單淺薄，而現實父女描繪亦唔深刻，只係大配角。紅血球女主角永野芽郁幾靚女，佐藤健化妝化到唔見樣，其實個角色搵邊個做都得。🤣🤣🤣