《夜王》（導演版）

Director's Cut 多咗嘅係其中幾個小姐嘅描寫同一啲較大胆嘅情慾鏡頭，對故事發展走向冇乜影響。反而追加角色"太子峰個妹"戲份唔多，但令結局有少少唔同。子華同鄭秀文嘅戲都多咗少少。值唔值得入場再刷就自行決定。整體觀感同原版差唔多，維持原版嘅 4⭐評價。PS• 唔好遅入場，電影一開波就係新劇情• 原版爆紅嘅葵芳戲份維持不變• 個人覺得睇多次都無妨既～• 太子峰個妹嘅出現，咁神秘，又咁堅，大可以成為伏筆開續集.....話說東日事變之後，隱藏boss 太子峰妹繼續追擊二人，要令其永久消失於夜場界，而太子峰又唔憤縐從中攪鬼，誓要取回失去嘅尊嚴同地位，子華同鄭秀文被逼嚟個反擊，但與此同時又出現第三者/前度/初恋情人...whatever lah，令兩人感情再起波瀾，再受考驗，而第三者角色卡士要係可以同黃、鄭有得fight嘅級數鬥戲，搵外地明星都得，可以賣埋海外市場。而土地於續集戀上葵芳並展開追求，攪出笑料，最終變成騎呢又攪笑嘅一對情人，.....導演/子華/江老闆，可以唸唸呢條橋！😅

第一次睇都覺得太子峰被跣一鑊，有錢佬冇理由唔報仇，所以加長版讓細妹出場，合理地解釋咗歡歌V姐為乜離開尖東，不過記仇嘅有錢人唔會就咁算，如果繼續追殺就會有下一集、甚至一個系列，若變成《古惑仔》系列又太婆婆媽媽，要睇劇組將來點收科啦。今次每個主要小姐都多咗啲前塵往事、多咗戲份⋯⋯叫做比當初有血有肉，亦讓一直喊苦喊忽嘅楊偲泳犧牲嘅色相可以暴露於觀眾眼前，覺得人肥胸狠冇乜特別，至少我冇因此對佢有更好更深刻嘅印象！葵芳出鏡亦多咗，仍然靠實力「艷壓群芳」！睇住子華演飯戲、毒舌大狀、破地獄、夜王⋯⋯雖然內心戲仍然唔夠細膩，但唔明點解連提名香港電影金像獎嘅機會都冇？攞獎就話爭啲啫，提名都唔得？連再見UFO嘅黃又南咁屎戲都提名男配，子華咁神點解唔得？就因為佢以前多場棟篤笑嬉笑怒罵過政府？？？貧不與富爭，V姐只不過一個龜婆，點敢串太子峰吖，如果交際手腕咁屎，當初都做唔成媽媽生啦，所以兩人有仇哩個前設好難成立。另外，太子峰喺未吞併東日之前，根本唔會入東日，咁又點會送羊入虎口、自投羅網呢？所以歡哥喺東日設局請君入甕哩條橋係完全唔work，姚菲臘有錢佬唔行夜街，點會陪東日班蛋散一齊顛？歡場無真愛，成班女梗有人出賣歡哥，點會齊心齊齊冒險得罪有錢佬吖。最後，fish仍然係演出最動人🥰最浪漫💕最情深嘅一位，剩係哩齣戲都值得攞最佳女主角金像獎，全片胸狠靚女雖然多，我都似謝君豪全程只望住瘦骨嶙峋嘅fish面上微表情，只係間中偷眼望下Francesca🤣🤣🤣

太子峰阿妹影響不大，不過一大串英文對白殺氣十足，敢來尖東玩真的會無手無腳！硬接夜總會這個夕陽行業可能只是贏在一時。黑白開場型格外，發行公司的片頭都霓虹燈動畫效果也不錯。要是套套有把握的新戲都像外國片商定制片頭就有趣得多。中段就補了三人運動，何啟華戲中送錶，講錢的BoBo又有另一番哭相！另外再添V姐與水晶浴中詳談，新的內容令到整個故事都變得好不一樣，人人背景加完都稍稍改觀。比起運氣，放下要贏的執念才是治本。最後再去多次澳門又和解，兩位老闆一齊行樓梯好甜，旺百天台究竟如何？

相對於賀歲版，這個導演版故事更完整，人物更多元化，角色描繪更立體，楊偲泳、譚旻萱、李芯駖和盧慧敏的演出終於可重現在觀眾眼前，多刻劃夜場女子的工作實況和內心想法，這新增元素令觀眾有新感覺，又不浪費這班演藝工作者的努力付出。尾端新增以Sammi為首的東日女子組合的MTV，幾吸引。值得入院觀看。

如題，幾位配角都有故事啦，結局亦改咗少少，太子峰呀妹超有型！至於情慾鏡頭係有嘅，但唔好期望太大（畢竟不是三級）4.7/5 （93分）

電影票房破億推出導演版，加插30分鐘片段，由賀歲喜劇變成劇情片，填補多位舞小姐的故事，令電影由商戰主線增添不少夜總會的風塵感，而這樣的安排有好有壞。好的是將多位舞小姐的角色刻劃得更立體，更多面向道出夜場工作的女性心態。對於Renci，Mandy及Sumling所飾演的煲煲，ChiLing及水晶，分別講緊錢，背景及年齡的影響力。這才是電影以此作主題該有的獨特性。另一方面，加插的劇情亦提升了歡哥及V姐對這班女的情與義。幾場激烈床戰相當吸睛，「還我Renci」絕對是全片最具話題性！拍咗唔出真係好徙！特別之前版本幾乎將煲煲角色剪成如客串般的存在。之前删減版本已經是2小時片長，被剪走的內容其實對主線沒有影響，短版的確較適合賀歲檔期觀賞。第二次看夜王，在已知主線的情況下，今次觀影看到一半開始覺得有點悶場。新登場的太子妹戲份實在不多，對劇情發展有很微妙的變化但又不影響結局走向，有趣。觀影平台: Gala CinemaIG: AndyMyFilmography/ #AndyMovieReview