功夫女足

3.3⭐首先，成套戲嘅概念、趣味都係冷飯我相信冇人會唔認同, 只係將男球員變成女球員。唔好當我Lulu同我講咁都叫做致敬, 從來致敬都只會係電影中其中幾個shots 或者場景, 而且致敬對象係人哋嘅電影，咁樣大幅度"致敬”自己以前嘅作品就係叫做炒... 冷 ... 飯。炒冷飯如果炒得好味, 顧客都會收貨, 可惜呢碟炒飯用料唔吸引之外，最大鑊係未炒好就攞出嚟賣，完成度低，好多地方仍有好大雕琢空間，如故事劇本、角色塑造、剪接、音效等等。最致命嘅係CG動作特效, 根本可以講係未完成, 分鏡又唔連接, 流暢度低，球員動作重窒下窒下。我又致敬番星爺"食神”唐牛嘅一句金句，呢碗嘢賣九十九個九，過唔過份呀？又咁講，一碗嗱喳麵如果整得好食，大家都會繼續幫襯。但係呢套演員演出真係好麻麻, 兩大女主角迪麗熱巴同張小斐角色平板，揾啲外形冇喜感嘅演員去硬攪笑, 表情顯得誇張又生硬。唔少所謂星式笑位今時今日睇真係睇得好老尷，重要換上一啲唔好笑嘅演員, 真係給達哥、黄一飛、田雞...比下去。劉嘉玲及其麻雀腳戲份係多咗舊魚, 唔攪笑之外對故事又冇乜影響。動作場面除製作粗糙之外, 構思亦過份誇張, 比少林足球更浮誇, 踢出去嘅波唔只向前，重會上下左右飛嚟飛去、球員身體可以好似 Fantastic 4 嘅橡膠人咁伸長縮短，over 哂啦...重邊係功夫呀～～！ 真係你講哂！重侮辱咗功夫添呀！整體本片係有太多吐糟位, 寫唔哂。我比3.3⭐係客觀地以少睇戲、冇睇過少林足球、又或者笑點低嘅觀眾角度去比。但如果以我個人嘅要求(睇過少林足球同周星馳其他電影)，我只會比2.0⭐。大家入唔入場自行決定。PS.• 其實...正所謂冇睇過冇資格批評，如果唔係想寫下影評，睇咗 trailer 我係唔會入場• 感覺冇咗黃金時代嘅製作班底協助, 唯有炒冷飯• 呢套戲我睇唔到有創作誠意, 拍新嘢驚票房仆直, 所以只係保守地計算過風險同票房, 打穏陣波, 純賣周星馳同少林足球個招牌剩餘價值• 明明係一套有綠幕飛龍認證嘅純大陸電影, 喺大陸拍攝、製作，絕大部份演員都係大陸演員，但又無厘頭硬插入一啲香港閒角, 廣東話、廣東歌同CG香港場館/背景, 連香港味嘅剩餘價值都用埋• 好難唔拎呢套戲同少林足球比，真係各方面都差太多了• Avantgardy 嘅出場幾秒鐘顯得突兀同好無聊• 今次終於贏到日、韓隊啦！🤣🤣🤣

只能說是一套100%大陸電影，風格和口味，都是針對內地市場，零本土味道。內地人欣賞水平一向較香港人低，大陸觀眾會睇到哈哈大笑，香港觀眾全場零笑聲。橋段，gag，拍攝手法，配樂都是番炒廿幾年前的『少林足球』，了無新意，新不如舊。咁仲有冇亮點？寬容D講：- 靚女好多，迪麗熱巴好靚女😘- 用80年代葉倩文的『迷惑』做主題曲，一貫星爺風格，亦是僅餘的港味- 好多誇張AI特效，但不見得比『少林足球』精彩- 主角雙雙，鈺瓏名字來自當年張柏芝，莫文蔚的『玉面雙飛龍』- 星爺時代已終結，以後的創作是大陸市場導向

CG做好啲啦，觀眾真金白銀買飛入場。笑位係有，不過冇以前咁好

見到好多人話套戲好差，因為冇壞人，冇複雜劇情故事，冇太多情情愛愛，但其實足球最美麗最吸引的地方，就係嗰種簡單、熱血、團結啊，球場上從來唔需要壞人，亦冇分好人定壞人，而星爺是把足球完完整整的拍出來了。好多人用呢套戲同經典的少林足球做比較，但其實每套電影都是獨立的，呢套又唔係續集，強行做比較，仲要強行要求更複雜的東西係不必要的。「踢球就是踢球啊」電影沒有複雜的劇情，但卻拍出了足球的簡單真摯和開心咁當然有中國第一嗰啲嘢啦，但都唔算令人太反感，亦有很多廣東話的部份，在合拍片的背景下，算是很尊重香港文化了Be water!!!

#功夫女足 #KungFuSoccer大家好，我係 Wild Wildy！今次同大家聊聊周星馳（星爺）備受矚目嘅新作《功夫女足》（Kung Fu Women's Soccer）。🎬 電影基本資料 (Movie Info)電影名稱： 《功夫女足》(Kung Fu Soccer)導演： 周星馳 (Stephen Chow)導演代表作： 《少林足球》(Shaolin Soccer)、《功夫》(Kung Fu)主要演員： 講述「娥眉隊」隊長雙少（張小斐飾）、前鋒鈺珑（迪麗熱巴飾）與武術教練徐風（張藝興飾）國際與國內評分 (Ratings)：IMDb： 5.5 / 10Rotten Tomatoes： -國內豆瓣 (Douban)： 約 6.5 - 6.6 分（呈現 C 型分佈，三星與四星居多）國內貓眼 (Maoyan)： 9.4 分（國內票房表現強勁，突破 20 億人民幣）AI 國內市場口碑總結：國內市場呈現相當兩極化嘅評價。支持者認為電影保留咗熟悉的無厘頭「星爺味」，笑點密集且充滿熱血情懷，所以喺貓眼等購票平台拿到高分；但批評者則認為劇情過於老套，特效與部分文戲表現只屬一般。🍿 讚日本隊終極一戰拍得最好睇：整套戲最吸引、最精采嘅部分絕對係最後同日本隊嘅決戰！致敬《足球小將》： 場面設計同招式展現充滿濃厚的《足球小將》(Captain Tsubasa) 誇張漫改風格，熱血感拉滿，將功夫結合足球嘅視覺衝擊發揮得最為到位。（但前提是你要認識足球小將，才懂得欣賞；盡量地要看過少林足球，才看到當中致敬位。對於一個全新的觀眾來說，這段影着實是一套普通的真人版卡通片）📉 彈整體太過兒童向卡通化，笑點令人尷尬：許多笑點太過三十年前港式無厘頭反而笑唔出。例如「說了四隻字定兩隻字」仲要重複講咗三次，呢類梗效果非常一般；夾雜嘅英文 梗也是笑不出亦略顯乾硬。不打不打還需打那累也是極之普通。角色嘅轉變與成長快得離譜，一下子就突如其來地覺悟，缺乏起承轉合。睇戲時我身旁坐住個小五小六嘅男孩笑得哈哈大笑，但我自己真係覺得太偏向兒童卡通。老土無新意，硬抄《少林足球》舊梗：雖然故事框架同 2001 年嘅《少林足球》唔完全相同（片初峨眉派一早就已經組好隊，唔同《少林足球》初段嘅重新集結組隊），但整體感覺就好似將 2001 年《少林足球》嘅廣東話無厘頭笑點硬抄一次，令人覺得毫無新意、太過老土。電影初段女主角同班師妹「踎喺度」同師叔公講嘢嘅設計……我個人真係唔識欣賞。近遑論當中女主角和師叔公的含蓄愛情⋯ 沒樣沒身材沒過去，觀眾又怎能投入呢？角色塑造前後不一致與鋪陳不足：女一「雙雙」人設脫節： 戲中強調佢「字典裏面沒有輸」，但從小到大嘅成長鋪陳不認輸，這點完全懸空/嚴重不足，導致成年後的她那種「絕不認輸」顯得非常突兀。得個聲大夾惡，和童年的她盤若兩人⋯ 究竟發生什麼事？溫柔着地，現在卻長滿尖角和尖刺？！情感交代過於蒼白： 師姐妹之間嘅情義完全靠對話硬性交代，後面才用插入倒敍「補救」解說，感染力大打折扣。各個角色描寫描寫不夠深入： 甚至沒內反派，反派就是渣男？！ 太沒趣味了⋯ 缺乏威嚴與深度，最後突然了解到「踢波唔係單純為咗贏，拿得起放得低更重要」呢啲人生課題，轉折來得太過突然，教人摸不著頭腦。外國肌肉隊隕石般撞擊精彩，但根本是龍珠屈機吧，也有影評說印度隊（？）全mr fantasic 化 / 印度佬化⋯ 超功夫，乃superhumans超人了💭 Wildy 總結感言如果之前睇某啲求生驚慄科幻片（如《末日杏樹街》）我覺得悶可以低至 4 分，呢套明明有動作又有搞笑，但我依然睇到非常感悶，個人評分同樣只能給到 4-5 （尤其文戲不行）/ 10 分……又或者，純粹係我自己不懂得欣賞這國內向的電影吧。

橋段簡單爭冠，特投效果普通，球場比賽效果亦同少林足球差唔多，笑位未夠密集，太多普通話亦好難投入。拍完男足，女足，都好難繼續拍下去。