祥賭必贏

故事主旨鮮明，整體較完整流暢。笑料主要靠演員 - 張繼聰同朱康。尤其朱康，角色塑造突出，演出亦攪笑。故事圍繞賭亦較有新年氣氛。整體一看無妨。今年三套港產賀歲片總評：其實三套都麻麻地，想睇好嘅賀歲片三套都可以唔駛睇，海軍鬥水兵。如果真係要搵戲睇，希望以下可以幫到大家。入場前期望排名：1. 臨時決鬥2. 祥賭必贏3. 麻雀女王追男仔入場後排名：(以整體應節度、熱鬧度同攪笑度排名)1. 祥賭必贏 - 電影完整性較高，張繼聰、朱康好笑2. 麻雀女王追男仔 ：較通俗熱鬧，阿正、阿霞較搶眼3. 臨時決鬥 - 支持古仔，想睇卡士可以入場，但唔好抱任何期望以上排名只供參考，大家可按自己喜好決定入場與否。在此順便祝大家新年快樂！身體健康！心想事成！日日睇好戲！

今年看的第二套賀歲片，同樣以賭為題，女主爛賭，男主憎人賭，但這部的劇情故事完整得多。雖則主線圍繞的只是幻覺同戒賭，愛情線亦欠火花，其他副線亦無乜內容可言，但朱栢康這個角色玩味極濃，打破一般奸角的硬性設定，更打破第四道牆與觀眾交流，戲份甚至搶過男主角！他與張繼聰的關係亦建立得比男女主角條線立體。.電影有嘗試帶出訊息，不過唔算突出，反而戲中有不少致敬位，賭聖，寒戰，無間道，白日之下，周處除三害等等，港産片迷觀影時應該會心微笑！.電影笑位都多，同場戲院觀眾反應幾好，我都笑得出，睇得開心。加上大量藝人客串，星光熠熠，有對比下，電影中的串星只是出鏡一兩幕，只有一兩句對白，恰如其分，不覺夾硬。電影最後有賀年氣氛，有賀歲片的感覺。.觀賞平台: MCL Festival Grand.IG: AndyMyFilmography/ #AndyMovieReview

賀歲片一般都冇乜期望，只要笑吓開心吓就得，咁呢套都做到要求，另外加分位絕對係朱康

呢啲快餐戲都冇諗過會有咩好劇情，都係插科打諢，哈哈笑吓就算，笑料一般，全片朱康最好戲

《祥賭必贏》故事係有嘢講，但一路睇一路覺得空洞。空洞感嘅來源嚟自演員嘅爆肚，一班頂級嘅演員可能發現故事內容唔夠力，或者出事就係編劇+導演羅耀輝自寫自導！一個人寫喜劇劇本，好明顯切入位唔夠闊，導演想像執行力又未夠，演出上一眾高手唯有喺當中搭橋救戲，盡玩到有笑點，彌補啲劇本場面上嘅不足！咁就係睇各人有幾多就盡放幾多入戲內，形成而家嘅狀况！尤其賭場明燈一幕就睇到《盲探》中，同《祥》嘅高低手分別有幾大！

因為之前阿聰單留言，今日特登走去睇......雖然我好鍾意張繼聰、朱康同阿卵，亦好支持港產片，但今套真係攪唔掂。樣樣都好似爭少少，攪笑又爭啲，感動又唔係，抄又抄唔足，好多情節交待唔清楚，連最後啲賭局都求求其其。我真係睇足全套，感覺係不如睇多次「家有囍事 + 嚦咕嚦咕」吖笨。