掃毒3：人在天涯

掃毒掃到第三次，諗住仲可以有乜新意，會唔會叫埋姜濤一齊嚟掃呢?點知今次真係勁，學到好多新知識:-泰國人全部識講普通話-手榴彈拉針4秒之後先會爆-清萊啲女仔原來好靚、肯捱又唔貪錢-泰國空軍出動係只會係有早唔會遲開頭有啲悶，都係講下啲人物關係。下半場就係全力打打打打打，最後連空軍同火箭炮都出埋，基本上係套戰爭片，鍾意Marvel嘅都應該會鍾意。個個演員都做得好，個個都係影帝級，可以話係係群星拱照郭富城。劉青雲做呢個奸角色，佔咗3粒半星。綠葉都好出色，羅嘉良做總司令，真係做到入型入格，完全做到嗰種講就無敵，做就軟弱無力嘅感覺。陳國邦都做得唔錯，全程都黑面，只聽老闆話，我公司都有好多。女主角就更加靚到不得了。劇情誇張就預咗，最深刻係臨尾兩個警察叫個毒販記住自己個名，走得甩就嚟報仇......大佬呀，不如俾埋個手機號碼佢啦🤣

多謝各位阿叔拯救我隻眼呀🤣🤣

故事情節敗北，浪費三位影帝，羅嘉良演出敗北，成件老廢物，不如找林雪做毒販將軍更吸引。導演只懂堆砌元素，沒能力發揮執行力和產生協同效力，可惜。尾場火爆場面，可能考慮內地觀眾口味，但掩飾不了弱導演。0.5分是支持港產片，至於香港航空公司作劇照，相信是商業操作。娛樂一下，可以一看。

故事劇情好典型港片風格/格局, 而演員亦都係典型港產警匪片果幾個, 冇乜新意, 但導演仍能拍得流暢緊湊。CG特效水準一般, 但飛車動作槍戰場面卻不俗。三位主角演出不用多談, 乃全片靈魂及賣點, 但表現未見突破以往演出, 其中以劉青雲較搶鏡。尾段殺科戲較多不合理on膠位。總司令看似猛料, 但實屬廢柴, 選角羅家良亦有點失敗。特別要取笑嘅係香港勇警泰國做完單大case大龍鳳炸到九彩竟然係要坐Hong Kong Airline重要係經濟位同其他外遊港人一同返港, 連Cathay都比唔起, 真係睇到O哂嘴😲點可以咁克薄我哋嘅"勇警"㗎！🤣🤣🤣

首先三位重量級巨星，casting肯定係無得輸。動作戲方面算係大製作，大規模槍戰爆炸場景，交足功課過足癮。而文戲方面最吸引到我嘅都係果位金三角姑娘，清純，動人，性格又好絕對係值得被守護嘅女仔。(雖然又係例牌呢種結局，可唔可以唔好咁？) 4.5/5(89分)

當年陳木勝導演嘅掃毒令我老淚縱橫係真正男人嘅浪漫 兄弟情 手足義 感動是一生一世的到今日耳邊還響著三兄弟嘅歌「誓要去 入刀山 浩氣壯 過千山⋯⋯」掃毒2和3換了邱禮濤完全變晒味走晒樣掃毒2喺電視睇 失望掃毒3睇$25老人早場 僅僅值回票價 絕望😞入場是因為4個影帝1個視帝青雲最好但發揮機會唔多古仔戲份少似客串阿旺拍住青雲 完全被比下去最嘥係謝君豪 似係小丑茄哩啡羅嘉良全程木口木面 扮總司令只得個扮字 完全冇懾人嘅氣勢故事牽強 發展粗疏最後大決戰令我諗返差唔多30年前劉華嗰套《大冒險家》即是水準依舊 冇進過步 CG假到死 場面唔逼真整體來講幾悶幾老土幾公式下 完全唔感人 可以唔睇