死亡無限LOOP

幾特別的小本電影，場景，配樂及大主角投放欠奉。本片賣的是奇特的故事內容，多番死亡經歷而尋找重新生命，正是古人老智慧"不知死，焉知生"。想看看不一般故事橋段的，可以一看。

没完没了小投资戏无限循环

情節好特別嘅一部電影，謝茜嘉羅瑟飾演女主角泰莉（Tree)，佢係索女大學生，鍾意夜蒲飲酒，生日前一晩爛醉，在男生宿舍過夜，隔日係生日，一覺醒來就在男生床上，之後返回宿舍，返學，晚上去舞會時竟遭面具人殺害，之後就醒來有如當日早上在男生宿舍床上醒來一樣。生日亦即忌辰(Death day)，如此死生輪迴幾次，每次過程畧有不同，但人事變遷較大，主要係女主角泰莉的性情及人生觀逐漸改變，與人為善，最後編導一轉筆，來個出人意表，泰莉自此離開不斷的輪迴，重穫新生，醒悟今天就是餘生的第一天，要好好把握。這戲令我想起歌林多前書內有提到，人類因阿當而死，亦因耶穌而得永生。我地因犯罪而死亡，卻在醒悟、悔改中重生，這或許是編導在這有趣故事中帶給我們的訊息。

對於呢類不停無限loop既戲，好考觀眾耐性；故仔既橋還可以，但執行上我就覺得一般，有點拖泥帶水…值3分！

潮流興Reboot，做得吾好米再做過囉！使死呀！這句說話是第一次參加Peter婚禮，Peter對我說的，Peter事件應驗左《一次比一次好的》。人生如是、拍電影如是，一個系列不繼重覆再重覆，我們依然係照單全收，此類電影好熟口熟面，廿年前TVB既劇本，同一天不斷不斷重覆同一天，換了地方換了人物，過程則好考導演功力，此片我覺得相當成功，輕鬆攪笑刺激緊張，要靚女有靚女，要動作又有動作，集多功能於一身，睇完好開心，又有小小野拿走。而每天既不同新穎死法來結束這天，出乎意料咁抵死，女主角樣貌太Sharp，絕對稱得上女神級別，多次無限復活做到心態多變，由臭四轉變痴線婆再進化人見人愛，實在好睇，似為佢度身訂造，睇完你會好似我一樣，自此鐘意左女主角。我在台灣看，片頭環球標誌也在reboot好應景呀！不知道香港上映時有沒有？

幾特別幾好玩的題材雖然有啲位講唔通但跟住個flow估兇手本身每日發生既事又有娛樂性女主角又吸引，所以幾好睇丫😎