反斗奇兵5

3.7⭐整體保持一貫水準, 正路係比 4⭐, 但睇到第5集，仍然都係保持一貫水準，就自然係覺得平平無奇，入場就好似行禮如儀咁，好似睇叮噹、柯南咁, 冇乜驚喜/新意。Fan屎喜歡嘅可以繼續入場支持。PS.• 其實傳統玩具仍有市場嘅，差在果件嘢有冇吸引力啫。你睇而家啲動漫 figures、模型、超合金、爆旋陀螺幾 hit！貴貴都有人買/玩。片中果啲玩具梗係冇人吼啦！

正式比大人對童年說再見，但值得入場回味一下！最正係搵返第一代既粵語配音，試意肯定加分

第5集算係令人驚艷，與其話俾小朋友睇，我會話係俾家長睇，提醒下而家父母應點樣面對現實。電影嘅成功之處係佢攞到之前toy story嘅精髓 - 將溫情幽默融入社會信息。電影冇怪責科技，而係直指問題本質：不負責任嘅父母過度依賴電子產品去做保姆，剝奪咗小朋友本身應該擁有嘅純真同充滿想像力嘅童年。電影無論係技術層面定敘事層面都係十分好，有啲位真係整得超靚，係好大嘅進步。

首先粵語配音要讚！回憶真係返哂嚟！仍然保留到果種味道…好正！彷彿佢哋把聲就已經食咗入去個角色度，從來都無離開過！故仔又寫得唔錯，有驚喜！一路睇都覺得電子產品就好似當今世代咁，取代咗唔少事物；估唔到佢結尾又收得幾好…扭得番個正面感覺出嚟，點番個題，toy story最重要緊係個toy！🤙🏻

當Pixar 被Disney 買起，Pixar 嘅創意便慢慢消失，成為一個營銷部門，Top story 亦成為一個不斷自我重複既品牌。哩套係最失望嘅一集，除咗少少回應時代嘅部份，其他全係過去嘅公式，制作同畫質提高都改變唔倒劇本同創意嘅不足。重睇舊幾集可能更化算！

都係Pixar個味野，賣返人設、童年回憶，劇情普普通通但細節感滿滿，必要時黎個神來之筆嘅彩蛋、笑話幽你一默。老實講系列都出到5集，感覺第4集都完得好好，但第5集睇完又會比佢自圓其說到；睇完係有得著但又係咪咁有反思呢又唔係好多。其實無論玩具定科技，點玩法主要都係睇「人」嘅互動，正如我鍾意行山就會識到一班鍾意行山嘅朋友、鍾意打機、鍾意躺平亦如是，無需過度妖魔化科技玩具。始終Pixar主打一家大小一齊睇，拍得淺白易明就緊，劇情不太好睇都收貨吧！只係我唔太鍾意濫用Toy story呢個Ip號召人入場。但又無辦法，全球電影業都面對緊「玩具」嘅問題，隨時被淘汰。拍兩三套大Ip引人入場再用資金創新Ip都無可厚非…….