火星任務

麥迪文個人Solo表現出色！

試想像全個星球只有你一個人，仲要搵方法生存係幾咁恐怖，當然要係兩個小時內要表達哂所有細節好難，但導演的功力已經好好，可以精要的把故事拍出來。

全明星陣容全程緊張 讓人看的興奮過人一個人的心態

列尼史葛執導或監製嘅電影，幾乎係賣座保證。佢早年作品冇全部睇過，皆因當時名氣未盛，但「異形」及「末路狂花」，我都去戲院欣賞，之後睇碟也有兩次，畢彼特在「末」片中只剛出道演個小角色而已。二千年以來列老嘅每部戲我都捧場，我鍾意佢嗰種粗中有細、豪邁、磅礴，十分吸引。今次呢套「火星任務」，令我諗起湯漢斯嘅「雷霆救兵」(Saving Private Ryan)，「雷」片講派一8人小隊冒死去前綫拯救一個小兵，皆因佢三個兄弟都從軍並已戰死，為這不幸家庭減輕傷痛，軍方遂作此行動。而「火」片亦係拯救不慎因風暴而留在火星嘅太空人馬克（麥迪文飾），NASA不惜一切，要另外本已安全回航嘅幾個太空人，冒險回頭救馬克。兩部戲都同樣基於對人命的珍惜與尊重，排除萬難去搶救身在險境嘅戰友同事。成套戲由頭到尾扣人心弦，真摯感人。太空及火星上的景色，拍得迫真且吸引，大開眼界。但戲中加插中國航天科技的協助拯救，略嫌突兀，為咗強國大市場，都要跪地餵豬乸啦。

流落火星要有點幽默加大量幸運。