蜂神惡殺

個人覺得套戲不俗，導演執行同處理也好，套戲雖然故事有點公式，但出來是不俗，故設有點像叛諜裁判，也是有過去的高手因身邊人被不公而令他路見不平既然引發一連串事端。但這套比叛諜裁判明快同爽，個人覺得導演在兩者之間的平衡尚可，雖然他有嘗試去細緻描寫這個電騙集團背後這個政治黑幕，但因片種取向問題，所在描寫上的確有點保留同淺薄。其實我頗我喜歡養蜂人這個設計。導演的確有細緻去描寫他們作為國家神秘守護者的角色，但在操作上，導演卻有點手高眼低。這樣的確有點扣分。咁當然在演繹上，積遜史達頓依然正，他繼續保持一貫的高質素身手，好多幕他也是一氣呵成同質感很重，比較轟天猛將，他今次更有深層演繹空間去演繹。咁當然比較叛諜裁判中丹素華盛頓，他在演繹方面也是被比下去。痴·影·夢·藝 X 的專頁 https://www.facebook.com/ckwunmovie/

以蜜蜂比作如何平衡法律、公義和社會機制，真正的打大老虎，美國佬真腐爛，法律施法掌握在爛人手上，幸好有蜜蜂人計劃，把那些X廢物痛打，這才真正以民為本，好興奮！男角打法乾淨俐落，一招搞掂，正！

公式電影，冇乜嘢好評，純爽片！但動作設計不俗，一看無妨。

以養蜂人題材，其實同蜜蜂無直接關係，更多嘅係用嚟比喻。不過男主角作為前“養蜂人”嘅身份同性格都好有型，打鬥爽度有如英雄片，故事同人物特質就有d似 john wick。係一套睇完相當舒暢同過癮嘅動作爽片。4.6/5 （92分）

都係同電騙網騙集團有關電影超級誇張 於是根本不必考究故事嘅合理性或邏輯性因為一個人大部分時間赤手空拳 根本冇可能單人匹馬打低幾十個荷槍實彈嘅職業軍人 為因電騙自殺鄰居報仇 不但焚毀甚至炸毀國際大財團嘅總部和分部大廈一隻工蜂居然直搗蜂巢 差點把生育畸形幼蜂嘅蜂后都弒殺埋而且這個beekeeper單憑個人分析 甚至不受FBI或CIA節制 可以自行判斷統治者是否合乎國民利益 若否 竟可以弒君 有夠誇張吧其實這種諗法 本身和極權政府恆常擁立獨裁者 同樣恐怖因為都是鼓吹獨斷獨行 專制獨裁電影嘅武打動作快狠準 拳拳到肉相當刺激 Jason Statham始終係動作片嘅質素保證我經常批評西片嘅中文譯名不知所謂但今次中文片名比英文片名Beekeeper更傳神更貼題更有殺氣不過選角方面 我覺得飾演女警嘅Emmy Raver-Lampan絕對係錯誤佢近乎完全冇演技 又肥又唔打得又唔靚阿媽自殺 若無其事 一啲悲傷都冇對住Beekeeper 既交唔到識英雄重英雄嘅戲 當然更加演繹唔到徘徊於血債血償及維護法紀之間嘅矛盾開口埋口嘈住要將濫用私刑嘅Beekeeper繩之以法 但最後又網開一面 臨尾拎住枝槍叫住殺手但又放人走 簡直阻住晒 多此一舉Beekeeper哩種電影只有自由國度至拍得出 最近《北京雜種》喺香港重映 因為驚國家唔高興連片名都唔用得為咗公義為咗公眾 可以弒父殺君 哩種咁「大逆不道」嘅理念 絕對危害國家安全 哩啲西方毒草唔知仲可唔可以茂盛生長喺「自由港」呢？

劇情展開其實有點像《叛諜裁判3：終極一戰》(2023)，退休殺手的朋友出事，然後為其作主，反派一路爽住被虐。開頭阿婆婆電話被騙的確做到扎心的效果！劇情鋪陳雖然老套，但是大快人心，比警訊還刻骨銘心。男主角其實又不算好有特色，無特別擅長或與眾不同之處。最勁可能是神出鬼沒。直接從門口「潛入」。見到的一刻已經瞓喺地上。套戲甚少説教成份，光頭蜂神直接打到對方明明白白。單方面施暴之中，又有幾下令人嘴角上揚的位。如果續集可以補述他如何或為何會做養蜂人。現任的女蜂刑者也太弱（可能組織借機除去不受控的瘋女），最後間屋臨入房前鏡面通道打鬥場面又像《殺神4》(2023)般拖戲。先前演《飢餓遊戲》的Peter今次演詐騙集團的大粒一下子就死了，反倒是其他手下還可以受苦多一陣子。跟《孤注一擲》不同，騙子似乎是選擇去騙人，個個身光頸靚好有熱情。總之，詐騙細路跟老人的人，就是最劣之人。