佛系貓物語

電影中的小女孩性格天真可愛並獨立，知道媽媽巳死，但都希望重見媽媽；知道爸爸生活拮據，但自己能獨自生活，角色非常可愛。那隻貓遊走鬼怪和人類已37歲，都能保持童真，對人鬼都充滿善意。小女孩在和鬼怪和人類相處，都係選擇鬼怪的親善。全片充滿童真，觀看後如沐春風，被薰陶了。

前半是小鎮日常生活，有唔少特別嘅生物同設定，但節奏非常慢，小女孩雖然樣子可愛但係內心比較灰暗，而對隻貓嘅描寫則不多。至於後半部嘅"地獄之旅", 則是解開小女孩心結的旅程，有少量動作情節，但整體過程仍是相當平淡，需要耐心感受。3.8/5 (78分)

日本漫畫《妖怪貓小杏》嘅名字比電影片名貼切，小花梨、小杏、鄉村小男孩和一眾妖怪，都積極樂善勇敢，完全唔佛系躺平，故事結合寫實與夢幻、虛虛實實、簡單明快、輕鬆又溫馨⋯⋯充滿日本小鎮和小品嘅人情味和風情。唯一美中不足係畫功唔算好靚，畫面冇乜豐富又幻變無窮嘅想像力，宮崎駿近年欠缺一個好故事，而這個故事欠缺宮崎駿主筆，殘念！我唔知故事有冇參考中國木蓮救母嘅意念，但故事結局好合理，與其跟住一個唔盡責又朝不保夕嘅老爸，不如跳車留喺鄉間好過，起碼有爺爺👴和一眾可愛妖怪👹愛護，只係奇怪嗰個帶住小花梨破地獄嘅貧窮神死咗去邊？明明話由地獄還陽之後，要跟住小花梨，成世陀衰人㗎喎！

一套奇幻、溫馨又治愈嘅動畫。講述少女為見母親不惜落地獄，並且破除萬難，最後得償所願見到已去世母親，重新挺起胸膛走前面嘅路。全片故事流暢易明，畫風簡樸但寫實，角色表情、動作非常細膩，係有戲交到嘅。片中亦有唔少令人會心微笑嘅設計/心思。電影表達方式都幾日系暖心小品格局。整體屬上佳水平，可以一看。95分鐘恰到好處，不拖拉。PS. 睇呢套戲時令我唸起近期嘅日本電影"搬家"，小女孩角色設定非常相似。睇完順便聽埋首ending song, 唔錯聽...但冇彩蛋。

成套戲節奏好慢，但係整體嚟講睇得舒服嘅，畫風都好特別，最有趣梗係嗰隻貓，非常可愛。以小朋友角度睇生死話題，但劇情都好小朋友，故事間有啲鬆散同奇怪，科幻中帶點不合理嘅劇情，尤其進入地獄世界後感覺有啲過咗火。