極北

個人覺得套戲不俗，導演在處理上是到位而不添加過多的章節，老實這類片單純描寫生存意志已經足夠，這套上可以寫出到和做到，比較於荷里活商業的 冰峰逃生 The Mountain Between Us ，這套真實很多，而沒冰這個災難式的轉拆。其實導演很聰明地沒添加角色太多對白，以捕捉情感來著墨。的確這點有助套戲昇華和令觀眾入戲。而麥斯米基辛的演繹上，個人覺得是準，可以演繹出生存的意志，而她的出現令他更有決心來出走的。老實我喜歡他今套的臉部表達，很入心和令觀眾有所共鳴。痴·影·夢·藝 X 的專頁 https://www.facebook.com/ckwunmovie/

有張力，吸引到人繼續睇，但就真係有啲悶，無乜對白；如果加內心戲會好啲，3星！

悶到一個點，但睇睇下又不經不覺睇睇下又一個鐘，當忍吾住想玩手機時，亦都有追看性情節，男主角的非凡演技，淨係眼神都有排表演，完全演譯到咩叫絕望的笑容，情節都係另類求生片，亦解釋吾到仲乜咁多人間有情，基本上都係男主角既showtime，最神奇地方是非常簡單情節，簡單到係一開始就係求生無特效，跟住預上女主角救佢吾到兼墮機傷埋郁吾到，男主角眼見等了1/3套戲，都仲未有人救，就拖住女角一直走走走，旅途之中都係食同訓，全程女角是無表情無對白無郁，死魚咁既款，十分好演。對白又小，每個鏡頭都係白雪雪，剛開頭看的確是美輪美奐，睇睇會發覺吾多對超，劇情又吾多合理，無血腥無緊張刺激無愛情無喜劇無宗教無政治元素，竟然可以睇完個半鐘，套戲就勝在好睇在乜都無，只有男主角，男主表演簡直是混身是勁，超級有戲，真係可以體驗到什麼是收銀又係佢，煮飯又係佢，洗碗掃地又係佢，全身上下就算一條頭髮都係戲，總結就係未必個個人識欣賞，因為都真係幾悶，平淡似水既味道又不一樣，睇前有小小心理準備，悶亦是一種回憶吧！也許悶亦是一種樂趣吧！

導演真係演繹出男主角那種每天重複又重複嘅日子，但是觀眾已被悶到瞓着了，若果剪得緊湊一點，可能會好一些！

對白稀少但感染力強，男主角完全表現到困於極地時嘅孤寂、堅強、無助同絕望戲劇張力強烈，充分體現冰天雪地下求生嘅波折重重，可算係求生片片種中嘅上乘佳作

這套電影背景就只係一幅冰天雪地配合－位男主角， 對白都好少，全套戲靠主角眼神，表情，肢體語言交代一切！ 有時候與其睇—些荷里活大製作倒不如支持－下人性刻劃的真情流露。主角今次正正把生存意志注入電影中為 電影賦予生命力...