黑豹2：瓦干達萬歲

個人覺得套片是不俗，雖然今套無論在場面動作、故事人物描寫塑造等各方面也是高質同有其深度。但不知如何，個人覺得今套在觀感上方面好像總是欠了一點，從而令我對這套整體評價不及以往MCU片（但這套比奇異博士2好睇），這樣在整個第四部曲也有。我不知MCU可否有力在第五部曲中可扭轉這樣情況呢？但如果獨立去睇，這套沒太大問題，導演去處理描寫同角色的技巧很出，各角色的處理好立體，可以繼續貫徹地寫出黑豹系列中最中心思想：如何去繼承同如何當好一個皇。而因那個情感原因，令今套在這方面更有力同令可以觀眾去容易去投入到。技藝上，個人覺得這套是好睇，場面震撼而細緻度高，水底世界的設計好像有如 阿凡達 ，而質素也很高，很多細緻位很細緻。而配樂依然富其非洲特色同可做到應有的澎湃感。還有，個人很覺得這套片好政治不正確，估不到他會咁明顯地描寫美國同西方勢力是會掠奪別國資源。痴·影·夢·藝 X 的專頁 https://www.facebook.com/ckwunmovie/

一個字....悶。1. 故事劇情老土, 口水多過茶2. 動作場面少, 亦唔精彩3. 女黑豹廢到無倫以上三點加埋令到全片毫無睇頭,重要攪到161分鐘,完全係觀眾耐性嘅考驗。睇咗咁多套後Avengers嘅Marvel電影,真係冇一套精彩,所以Marvel Universe係時侯見好收手。

1. 當初我最喜歡黑豹，主要係wakanda呢個嘅古老又高科技嘅城市。今次一樣有神秘嘅海底城市！2. 估唔到今次公主咁多戲份！同阿哥性格完全唔同嘅公主做埋主角，感覺亦完全唔同。喪親之痛，大廈將傾，沉重的氣氛籠罩全片。當復仇種子已經深種，你又會如何選擇？3. 又係評價兩極。點解Marvel=純打鬥？引人入勝嘅故事，扣人心弦嘅感情，加上適量嘅精彩打鬥，呢套戲恰到好處。4. R.I.P. Chadwick Boseman (上集黑豹)5. Wakanda forever!!!!4.8/5 (97分)

初初睇中英文片名 以為改得有啲hea但睇埋彩蛋之後 原來名副其實（順帶一提 得一粒彩蛋 唔好磨爛蓆嘥時間）黑豹死咗 但佢嘅精神由阿媽阿妹阿女將們同阿女朋友前仆後繼咁秉承係漫威（似乎）最抬舉女性嘅一部超級英雌片但如果觀眾唔buy女人做黑豹 個彩蛋都留咗後著雖然Chadwick Boseman人唔喺度但一眾女演員都不停咁向佢致敬 反而變咗配角附屬於音容宛在嘅T'Challa 好似國王就算死咗都仲係主角咁特技出色 打鬥精彩（但冇《黑阿當》咁密集）口水都多 所以中間嘅文場戲都唔少 拖到電影差啲三粒鐘（瞓足精神去睇會好啲）至於故事比《黑豹1》更有殖民色彩今次仲拉埋南美洲馬雅文明落水Wakanda喺非洲 如果唔係外星殞石跌正嗰度瓦干達唔會有汎合金 根本唔可能脫貧走向高科技冇可能同歐美對抗南美馬雅人因西班牙十六世紀殖民 走投無路由巫師用山草藥將佢哋轉化成魚人/變種人全部跳晒入海生活 仲喺海底搵到另一個有汎合金嘅殞石礦（好似想解釋點解馬雅人及其文明會突然消失咁）於是好似Wakanda有黑豹咁 都有自己嘅保護神：羽蛇神講明有色人種如果唔係有外星助力 根本冇翻身機會（都幾睇唔起第三世界喎）電影好簡單咁引向兩個保護神對人類有唔同嘅睇法最後自然大打一場 證明自己嘅價值觀較為「正確」所以黑豹哩個漫威人物冇其他超英咁受歡迎咁經典因為一來非洲、南美太落後 唔符合產生超英嘅條件漫畫似係同情 討好 撫慰第三世界有色人種咁畀個機會佢哋自high一下 只係有時同情比無視更傷害原本已經好脆弱嘅自尊心呢

沒有Chadwick Boseman的黑豹2，劇本上需要大幅度改動，這個作品感覺上是政治正確的黑人與女權，但同時也是部不錯的交接電影，女黑豹與鋼鐵心初登場，前者的成長與轉變寫得幾立體，在祖靈平原所遇見的似乎也有玄機。.同樣新登場的水國塔洛坎有點似阿凡達，而納摩成為電影中「反派」其實可圈可點，觀感上我覺得瓦干達人更為「奸詐」，這灰色地帶設定比黑白分明來得更人性化，更加有血有肉。不得不提，全片中我覺得最型的是豹媽在開場時霸氣進入議會，回應質詢。至於外國勢力，在今集電影中明顯氣勢薄弱，所以都無謂硬撼。.電影160分鐘其實有點太長，節奏略嫌唔夠緊湊，但觀感上我覺得上一集其實更多悶場，呢集無論感情上，或是劇情推進上也有不俗表現。.觀影平台: 影藝戲院(青衣城)

未睇過黑豹第一集，完全唔知上集戱文係乜，又見本集長160分鐘，少有，咪入場睇吓漫威今次有乜搞作。本集可以完全獨立觀賞，都幾有趣味，片雖然長，但毫不沉悶，情節交代清楚，主線幾個人物嘅個性刻劃都頗為細膩，而各演員演技亦極為到位，我尤其欣賞Letitia Wright演新黑豹Shuri ，稍誇咁話，佢應該係本片靈魂。講返製作，畫面風景好靚，CG做得好不在話下，尤其最後半小時，非洲小國瓦干達（藉其獨有之泛合金而科技先進）同海底王國塔老金一場大戰，祖靈神秘力量加上現世代先進科技，由水底打到海上、陸地、天空，真的燦爛繽紛，目不暇給，極視聽之娛。戱一開場，就係瓦干達國王鐵查拉葬禮（上集鐵查拉由已病逝之Chadwick Boseman 飾演），到完場前Shuri 到海地探望隱居當地嘅大嫂同姪仔杜桑，在海邊悼念佢大哥之死，都係電影公司間接對摯友Chadwick Boseman 之逝嘅深切懐念，再聽Lift me up這歌，更令人傷感。喜歡科幻片，尤其漫威忠粉，更加唔睇唔得。