怒火

係我2021年度最喜歡的電影（沒有之一），無論各方面都做到近乎滿分，絕無誇張，人格擔保。劇情張力萬分，黑與白之間的兄弟情，還記得我第一套入戲院睇導演的作品便是2013年的掃毒，難忘那兄弟情，而怒火中兩兄弟一黑一白，無誰絕對錯；也無人必然對，造成一場遺憾，設定令人很深刻難忘。兩位主演的演出也非常出色，敢講係謝霆鋒的顛峰狀態的代表作，那條眉毛都識做戲，型到核爆，真係要我接住佢個手榴彈都願，友人更是睇到踱腿😂，比起愛情片他給我們的多巴胺更多。而宇宙最強繼續打到衝上太空，不論係埋身肉搏還是槍戰車戰都打得淋漓盡致。導演處理大場面真的無敵，可悲的是我們不能再看這好導演的作品，自掃毒後，我一套導演的作品也沒有缺席，很可惜這套極致的怒火卻成了導演最後的作品，如果他還在我相信導演一定會一次又一次超越自己，滿足觀眾😔講返條橫丫腸，電影劇情流暢，設定令人難忘，角色性格立體，場面震撼，打鬥睇到自己都覺得痛，演員表現出色，畫面都好吸睛（尤其謝霆鋒掟手榴彈嗰幕），還要讚下個CG，做得迫真，製作也看出很用心。惟一要彈下的是對白有啲甩咀，其他都好好。總之陳木勝導演的最後一套電影，沒令人失望，絕出要入場支持，戲院才能感受電影的劇力。🥰

本來已經決定唔再睇警察戲，因為知道投入唔到。但因為陳木勝導演, 決定再一次入場。戲裏緊張場面應有盡有: 打鬥、槍戰、追車、血腥、爆炸，全部交足貨, 屬於港產片動作特技頂級水平。預咗兩位主角演技誇張，點知劇情仲誇。人地講真話唔肯包庇，咁就要殺人全家報仇，仲要講到自己有理有節。呢啲唔係叫怒火， 係叫痴鬼左。甄子丹都係嗰啲，打就無敵，演技乏力。霆鋒動作戲有進步，不過臨尾見佢玩刀個下，令我諗起『十二道鋒味』。驚喜係見到林國斌同盧惠光兩位真材實料打星客串。呂良偉夠霸氣; 譚耀文亦做得夠窩囊。著燈前千祈唔好走，導演嘅拍攝花絮先係最精彩，向陳導演致敬。

動作打鬥場面非常震撼，很有香港動作片味道。個人最欣賞是CG，做得出色。謝霆鋒演出亮眼。雖劇本是有點大路，但箇中的兄弟情的設定還是令人深刻。

其實唔明反派嬲咩，殺咗人當然要負責任😓劇情好一般，兩三句可以講哂。畫面同打鬥好睇，商業片質素，一定冇失望。但整體一般，冇嘢做可以入場當解悶。

場面火爆，武打拼命，陽剛氣重，情節逼人，絕無冷場，港警匪片元素豐富及編導演技巧熟練，可以說是經典港警匪片。最令觀眾耀眼是霆鋒怒火般演出，把一個視捉賊為使命的警察成魔的經歷及終果爆炸表演，魔性令人不寒而慄。霆鋒拼命三郎風格，和“子彈”對決，拳拳到肉。值得看的電影。懷念陳木勝導演，支持香港電影。

除男主角同動作場面外，其實係一部寫實片，成功反影現實，陳大導好波！我4.5分