劇場版 CHIIKAWA 人魚島的秘密

久仰 Chiikawa 大名，睇新聞見啲人排隊、瞓街、打尖、嘈交都要買其公仔, 所以入場見識一吓, 睇吓到底咩一回事。大致上兒童動畫，前2/3兒童趣味, 後1/3又突然轉向變得成人暗黑 (令我唸起秋生哥😅)....奇奇怪怪, 有點不一致。整體本作劇情表達手法同美術設計不錯，有其風格特色，但故事同趣味性就只屬一般般, 主要都係sell角色同賣萌 (類似 Sanrio 果啲)。如果你唔係兒童又唔係特別鍾意啲公仔的話可以考慮skip。PS.• 其實感覺此作兩頭唔到岸, 兒童又兒童唔哂, 暗黑又暗黑唔哂，大人睇覺得佢幼稚無聊，細路睇又嫌佢潛藏成人暗黑• 唔覺得呢套嘢係去到驚為天人級值得為佢瞓街嘅水平，排隊、瞓街都係狂迷或炒賣

無咩好講，因為我Chiikawa超級Fans講咩都唔中肯。我自己作為Fans對劇場版無投訴，每個主要角色都有出場，每個角色或多或少都有重要鏡頭，你地係Fans的話一定唔會失望！由其兔兔Fans應該超開心，鏡頭多到癲，仲要係動畫版先會體驗到，原著漫畫一定無咁嘅感受。至於普通觀眾，就算對Chiikawa完全無愛，入場睇應該都唔會伏（不過最低限度都要知主角三人眾叫咩名同大約係講咩？）網上有唔小討論講人魚島係黑暗成人向劇情，我個人覺得設定係有深度，但更黑暗嘅劇情都見唔小，所以還好？而且Chiikawa都包裝得算表面，小朋友當普通可愛卡通知心靈照樣純潔……反正我Chiikawa系列超級Fans，攞唔到5分都係因為太短了，長啲就好！

電影入面幾位主角有日收到特別邀請函嚟到人魚島，收到請求保護島上嘅村民面對賽蓮接二連三嘅襲擊，喺賽蓮襲擊島上居民之際逐點揭開當中不為人知嘅黑暗秘密事件......估唔到電影入面嘅飛鼠由頭到尾都咁暗黑邪惡，喺島上開餐廳嘅廚師島二郎好有喜感，仲有估唔到套戲故事劇情角色表面看似輕鬆開心，實際原來個tone背後故事咁暗黑。電影歌曲同背景配樂聽得好舒服呼應套戲，而且有好幾個情節都睇得感觸。記得留意電影最後仲有彩蛋睇!!!

沒看過動畫，零知識進場，無阻理解故事。進場前看過很多日本Twitter的反應，不敢當天真爛漫的兒童電影進場。走出戲院時其實大人可能得到更多訊息離場。旁白對白說明故事的情況其實很少甚至沒有，但故事說了很多事情，包括各人的背景和動機，卻沒有直接批判或日系說教，單是平實地向觀眾展示出來，讓觀眾自己思考。幸好有其他角色在中間中和一下氣氛。作為一個聲控，內田雄馬真是MVP

歌曲係好聽，有公仔送係CHIIKAWA fans 最愛

千呼萬喚始出來，Chiikawa忠粉(包括我)一直期望要製作電影嘅大長篇人魚島終於喺今個夏天實現。搬上大銀幕後有地方稍變遜色，例如節奏同打鬥情節略嫌唔夠勁，但本質係幼向情有可原，但最重要有地方變超強後勁，包括usagi rap，簡直係年度大銀幕最歡樂之一，當然唔少得重頭戲就係事件真相，搬上電影更加詭異、令人心酸——明明係一套咁可愛嘅卡通，點解會係咁殘酷嘅命運？點解最後20分鐘會密集式充滿各種道德判斷？如果你係一二葉，你會唔會咁做？如果你係chii仔，你會唔會講出嚟？如果你係Siren，你會唔會憐憫一下比你弱嘅人？Chiikawa就係有呢種魅力，以最可愛嘅表皮，講最細膩、最殘酷嘅現實，但亦係Chiikawa教導我哋世界再殘酷，我哋都應該要保持赤子之心正面面對，當世界對你唔好，或者起碼可以睇下兔兔rap，個人會開心返