機動戰士高達 庫克羅斯·德安之島

咁多齣高達, 還是元祖最高！！欣賞今作劇場版真係百感交雜。故有嘅故事、角色、安彥人設、配樂、機體....通通返哂嚟, 好有親切感同當年情懷。另一方面以上舊物隨時代同技術又換上了新裝璜新造型, 高達已由大河原高達變了Katoki 高達, 安彥人設風格亦跟當年不同, 配樂舊調新編, 就是將元祖高達作品注入時代氣息, 出嚟嘅效果幾好！👍故事方面無需評論, 因為係當年0079其中一集嘅detail版, 冇得輸。不過稍嫌上半場描寫島上角色同生活過長, 濃縮一點會更好。戰鬥場面方面, 我認為係出色嘅。高機動型渣古設計出色, 動作流暢, 同主角渣古對打有型有格, 反而高達今作冇渣古咁搶鏡。整體嚟講, 高達迷一定要入場欣賞, 保證滿足而回。

《庫克羅斯·德安之島》（2022）：相隔43年，安彥良和（1947年12月9日－）再次執導《高達》電影。阿寶前往「無人島」執行任務，卻被一部渣古機擊敗了……劇場版的3DCG技術讓觀眾看到一部超好看的RX782；在特效方面，爆炸場景做得出色，起碼炸了10多部機體；在美術上，繪畫出非常精細的死火山場景，給人目不暇給的感覺。最想不到的是，竟然有不少文戲，是今年唯一一部讓我淚崩的動畫電影。

一套唔扮高深、無太複雜政治元素嘅高達電影。反而好欣賞, 另人懷念元祖時代的感覺。

一眨眼已接近半世纪，當日的小孩，現在已是中年阿叔。老fans情懷電影，新fans末必能接受ps gundam fix 會出高達，渣吉同吉姆

喂首先，掟石頭嘅德安渣古去左邊？？成套嘢變左宮崎駿動畫咁，唔係話宮崎駿動畫差，我自己都鍾意宮崎駿動畫，但高達呢個IP走溫情路線成件事就變到不倫不類。高達應該有「射穿殖民衛星外牆/開推進器唔小心害死人」嘅獵奇畫面，咁先帶到反戰意識。無左呢啲元素，德安就只係淪為一個前紀律部隊嘅中立L廢老。唯一值得一讚嘅係戰鬥畫面做得幾好，分鏡清晰。一粒星比作畫，另一粒比情懷。