望月

我會講套戲好不好睇，導演各環節的處理同執行也不佳，無論是故事執行、人物設計同動機也是，好令人好不舒服。其實套戲中很多位也是摸不着人腦，有些角色好像沒他的存在必要，這樣左加右加，好令整件事好古怪，而故事時空背景同樣這樣亂。痴·影·夢·藝 X 的專頁 https://www.facebook.com/ckwunmovie/

故事主要圍繞呀哥同呀妹，而佢地嘅情況喺現今社會好普通嘅事，但演繹得幾有趣，氣氛輕鬆沒有壓抑感。4.5/5 (89分)

一個家庭嘅故事。全片三條線...媽子李麗珍、大仔陳湛文同細女李靖筠，三條線都寫得好淺簿。李麗珍戲份少，對白都係啲家常閒話，角色同兩個男人關係並無深入描繪，亦冇乜內心戲安排，角色雖然重要，但戲份似配角多啲。而李麗珍演出亦生硬。陳湛文條線係佢同老婆嘅關係，著默同對手戲又係好少。反而戲份focus喺佢自己有幾唔開心，同埋佢同配角楊偉綸嘅無厘頭唔知對個戲有乜作用嘅攪笑戲果度。我完全唔知佢同老婆發生咩事？邊個啱邊個唔啱？點同情佢呢？女主角李靖筠角色性格模糊似廢青，角色不討好。做人冇目標，無厘頭又走去玩交友網失埋豬。呢段唔少篇幅嘅劇情完全多餘，純粹為安排李靖筠認識串燒師傅而最後好兒戲咁比串燒師傅講幾句說話就點醒咗，毫無說服力。李靖筠片中好落力，但吃力不討好，仍需努力。太多無厘頭無謂劇情，自然令真正應該要講多啲嘅主線劇情變少咗，令主線變得模糊，突顯唔到主線，大大減低感染力。導演同編劇日後要多加留意。

幾條線其實有點混亂，不太明主旨所表要達。單從預告不太吸引，大致就是兩位主角各自有些問題：離婚與無業，然後就勉強地跑好關係。戲中陳湛文條線比較有趣，跟阿妹差天共地。有血緣的人可能反而難處理。日本電影《LOVE LIFE》(2022)或《祈憐之歌》(2023)之類的小品如果喜歡這類的觀眾應該會鐘意。最驚喜可能是有戴玉麒，戲中跟女主角有一下「初次床戲」之後就無了蹤影，好似女主角阿爸一樣。塞了頗多沒有意義的細節，好似樓梯食飯、到陳家樂鋪頭換水、卵爺的聾啞老婆都是可有可無。可惜只有配角的麗英與朱Mic有點意思。遇到生父一段也是好不明所以，總之幾十年不見的親生阿爸就是天使般打氣之用。不論男友定生父，女主角揾男人揾到好莫名其妙。Peter與要分居的老婆的關係也無多大特別，這個特別引入的Collar成員李芯駖對劇情無多大幫助。而戲中卵爺則有顯着調升氣氛之用：同病相憐在工廈之中，在這個避難所中借物逃避出面的麻煩。然後親眼見到細妹工作被欺負的情況，再加感情上都被拋棄後就多了交集而和好，惟這個轉變有些後期。

比預期好睇，找回爸爸一段感人，可惜主旨稍模糊。

雖然支持香港電影，但不得不講的係呢套係近期最差嘅香港電影，人物塑造流於表面，好多都講啲唔講啲，完全唔知想表達啲乜。而且劇本同故事非常空泛，故事支線繁多，但全部不明所以，有啲根本多餘，整體毫無感染力同張力，完全俾唔到人共鳴，串連故事同執行起上嚟更加係差勁。楊偉倫、陳家樂、麗英呢幾條故事線都根本可以cut走！有時唔係追求故事嘅結果，但根本佢完全冇諗住交代亦都唔知想表達啲乜！最慘係完全唔知關中秋咩事？得閒望住個月亮、一開波食個月餅就叫望月？