王立宇宙軍:歐尼亞米斯之翼

今時今日CG泛濫年代睇番80s日本動畫golden age嘅手繪動畫頂級製作真係別有一番韻味，但並冇好似睇粵語殘片out嘅感覺。此作品由新世紀EVA製作公司GAINAX製作，幕後參與製作名人包括庵野秀明、貞本義行、板野一郎、結城信輝...等等，配樂更有已故嘅世界知名板本龍一參與，可謂陣容頂盛。出嚟嘅動画質素絕對係當時嘅第一班。空想嘅世界觀、作畫質素、動畫流暢度、美術設計、攝影、分鏡等等都係一流水平。可惜喺商業計算上同當時主流市場口味有差距，嘅冇俊男美女，又冇型格機械設計 (可以出玩具)，以致票房失利，未能引起市場好大迴響。本片期實係一套比較靜態嘅劇情片，並非爽片，有一般日本電影嘆慢板嘅特質，藉宇宙軍火箭升空計劃，帶出主角成長故事。當中涉及愛情、政治、戰爭等比較成人向議題。喜歡劇情片嘅動畫迷大可入場一看。論製作，呢套戲我會比5⭐，論娛樂性我會比3⭐，所以整體4⭐。個人特別欣賞其空想世界觀嘅構思同作畫質素。入場睇製作都值。推薦動畫迷入場欣賞。年青一代以觀摩角度入場亦值得，感受一下冇CG嘅動畫魅力/韻味。PS. 入場有postcard送。

1987年畫，但畫面比得上今時今日任一動畫大作，全套兩小時畫面近乎零馬虎。故事絕非神作，依然係當年反戰類但著墨唔多

作畫無得彈，劇情完全不知所謂，人物塑造亦極差。一想到八十年代有人願意花幾億做這麼精良的rubbish出來，好笑到幾乎令人respect⋯⋯當年box office flop完全合情合理。