美帝崩裂

差點因為這駒電影的中文譯名不入場。完場步行出影院才發現中文戲名為何是「美帝崩裂」。活在當下，忠誠勇毅，世界通行。始終都係哥林多前書 13章4-7 節。

個人覺得套戲是不錯，對於一個熟識美國政治的人來講，睇這套會很多位會很有共鳴。我會講，這套所描繪的故事是影射同批判當下最熱烘烘反移民極右的思維（其中亂葬崗一段最突顯這點）其實他在執行處理上沒問題，只是因演員演繹出了問題。令套戲失色不少。如果在將來，會有前傳去描寫同交代政府有什麼事令人民有這樣的憤怒，而引起有這樣的動亂、群雄如何割據同分裂的情況，這樣會更好，始終今套在這方面的著墨不太夠。無可否認，套戲中有很多設計同章節同當下美國有所匹配，因為這樣，令套戲更有投入感，而我欣賞導演用戰地記者這點作為套戲的核心，因為這樣才可以令套戲更有深度。同時因有這樣的設定，才可以有其空間去描寫出在這場內戰中，不同心態的人在不同位置中的取態，其中我最欣賞導演好懂利用場景的反差來作為加強戲劇效果之效。而技術層面方面，今次A24也沒令人失望，場面調度、音效同剪接處理一點也不失禮，場面震撼同張力夠，尾段這場攻城出來的質感同一般商業大片沒大大差距。只可惜演員演繹卻令套戲失色不少，除了初出茅爐那個演繹比較好之外，其餘那三個也不太好，雖然他們之間有位可擦出火花同能突顯他們之間矛盾，但因演繹的不足，好令整件事有了頭但尾卻不夠力。痴·影·夢·藝 X 的專頁 https://www.facebook.com/ckwunmovie/

連國家一哥都可以當眾槍殺，並公開推翻政府，美國人真係個人自由泛濫，沒法沒天，civil war只會做成血流成河，民不聊生。至於電影藝技和演員表現則平淡，加插些記者活動也難推起電影高潮。除了電影題材大膽，其他的不要有太大期望。

美國內戰題材吸引，不過動作場面不多，全程圍繞老帶新戰地記者歷險過程，前中段相對安全，主要以談話及反思為主，到後段有驚險場面及大規模戰鬥。4.2/5 （83分）

《美帝崩裂》A24出品，哩間獨立製片公司自從《奇異女俠玩救宇宙》橫掃奧斯卡多項大獎後，便繼續走標奇立異嘅製作路線，題材新穎，想像力喺常人意料之外，雖然「語不驚人死不休」，但起碼不落俗套，間中也有令人驚喜嘅怪雞作品，例如《大叔夢中人》，哩套冇《奇異女俠》咁怪咁難明，亦冇《大叔》咁幽默，不過今年係美國選舉年，內容就幾應景又兼具前瞻性。最尾一幕，叛軍攻入白宮，當著記者鏡頭槍斃總統時，我喺度諗究竟係映射拜登呢，還是川普呢？電影雖然推進快，但回想一下，主角曾提及政府向示威群眾開火引發內戰，故事一開始總統直播時吹噓已奪得「歷史性勝利」，其實講大話掩飾政府軍節節敗退，加上部份政府軍屠殺有色人種，否定他們係美國人⋯⋯都令人諗起America First嘅川普，亦愛講大話，而且上屆敗選時煽動支持者佔據國會跡近政變，咁狂莽嘅行為和電影中嘅總統並無二致，絕對唔係優柔寡斷糊裏糊塗嘅拜登做得出嘅行為，所以「美帝」幾衰都好，文化創作就係有自由，劇本/電影/小說唔使送檢，事後又唔會秋後算賬，劉曉波唔會死喺獄中，高行健唔使走佬法國，艾未未唔會被屈瞞稅，老舍唔使跳湖自殺⋯⋯至少電影名字只係中性嘅Civil War，唔似得嚟到今日香港被譯為《美帝崩裂》咁有立場、咁有意識形態、咁有有色眼鏡下嘅定性！至於電影只是小本製作，冇大型戰爭場面，只有巷戰或小規模戰爭，最似樣係首都華盛頓及白宮嘅攻防戰，其實如果真係映射川普，一個咁近似法西斯狂人諸如希特拉、史太林、老毛嘅顛佬，點會唔㩒掣發射導彈嚟自保吖？電影主題似乎係講戰地記者同衝鋒陷陣嘅前線士兵冇乜分別，為求勝利不擇手段，甚至有不留活口嘅冷酷無情，除咗會不理危險緊跟前鋒之外（士兵胡亂開槍，記者胡亂拍照），亦似士兵毫不猶豫丟下受傷同袍衝向敵人，記者則拋下死傷同行衝向可以登頭版的畫面！久違了嘅Kirsten Dunst（第一代Mary Jane，蜘蛛俠女友），年老色衰，演技亦冇乜進步，至少同年齡唔成正比，演得好表面，冇深層次嘅內心戲，連最後尾勇救師妹，都係木無表情咁慢動作瞓低，其實冇演技就唔好慢鏡啦，盞自暴其短！基本上，導演手法麻麻，同Kirsten Dunst嘅演技一樣，想表達嘅嘢都係到喉唔到肺！

老實講，上半場有啲悶，但下半場由 "where are you from?" 開始觀眾妨如跟戰地記者們一同身歷險境、槍林彈雨中採訪感覺。第一身視點手法同震撼槍砲聲處理不俗。睇完此電影完全感受到戰地記者嘅偉大，同時亦羨慕荷里活可以拍到國家咁唔安全嘅題材電影，連總統都可以隊冧埋拍張 Yeah!✌️勝利合照，亦解釋咗點解荷里活電影可以雄霸世界市場。