陰目偵信

題材幾搞笑Error四子演得幾好笑CG都做得唔錯劇情都係嗰啲，但輕鬆笑下熱血下 幾好～

個人覺得套戲是可以，導演整體處理同執行也可以，雖然在講故事技巧上，導演處理的確有頗多沙石，但因他在裏面所帶出這種本土趣味，從而令我喜歡同可挽回一定的分數。他今次拿了很多本土電影中內的精髓同金句來加入套戲來點綴，加上富有意味的隱喻同四錯子的演繹，從而好令整套戲變得過癮，個人覺得這樣的確可以掩蓋到故事上的空洞。咁當然導演在故事中有很多應需交代的位過於少，這樣的確令角色塑造方面沒更深度的描寫，個人覺得這樣有點可惜。咁當然導演今次在角色設計上也是令人過癮同獨到，他這樣設計好切合到四錯子獨特的個性，從而令套戲添加了質感。其中個人最喜歡193，他今次這個低能的演繹的確有所眼前一亮，咁當然其餘三個也是演繹得不俗。痴·影·夢·藝 X 的專頁 https://www.facebook.com/ckwunmovie/

主題係鬧鬼，但係唔恐怖，仲好搞笑，好有勇士打大魔王果種感覺。後來睇介紹原來男主角係error四子，對白都好有香港特色，兩位女角都好靚女~想放鬆一下心情嘅睇呢套就無錯啦。4.5/5 (91分)

我俾$25睇老人早場如果俾分唔合格代表連$25都唔值利申：我對Mirror n Error 都冇偏見唔係fans但唔反感不過除咗華Dee識做戲之外其他三位有好大好大嘅進步空間肥仔同妹豬之間零感人193扮白痴但真白痴 連珍寶珠都啜得唔好睇保錡扮cool係因為唔識演戲 但連cool都只係箍住口面懵口懵面紙紥四人組勁多errors 當然英皇出品一貫低水準 只sale偶像 銷費年輕人編劇差導演差化妝差服裝差美指差特技最差話係鬼片搵隻鬼睇吓都冇 一堆紅色泡泡就敷衍了事話係笑片 除咗互相催尿以逃出結界之外 冇嘢好笑電影想有啲寓意 但眼高手低例如平安大廈=今日香港勸籲留低嘅港人唔好內鬥 齊心捉內鬼最後揶揄上一代係廢老歌頌年輕人係美好未來嘅開創者但以英皇娛樂嘅風格 這只是建基於票房收益嘅考量對青少年拍馬屁擦擦鞋都是口不對心嘅卑鄙營商手法又想賺大錢又唔認真我俾$25都覺得唔抵如果你俾更多睇哩套片 我更替你覺得不值啦

故事劇情同制作一般, 屬新導演及低成本制作, 不能要求太高, 幸有Error不停攪笑救返套戲, 可以咁講...成套戲就係睇Error。整體嚟講都夠熱鬧攪笑, 當爆谷片娛樂一下都OK嘅, 但沈振軒收皮之後劇情有點拖戲。導演及制作團隊仍需努力。陰目偵信戲種已成, 如果今作收得, 相信日後會加碼添食, 或會成為系列作品, 每集都接新case。

電影由Error四子擔正，無諗過叫座力竟然咁低，據網上資料顯示開畫首兩日票房加埋都唔夠70萬，以大型發行每日上映超過200場可謂仆直，難怪英皇上星期六要戴住頭盔公佈謝票場去吸納觀眾入場。.其實電影觀感唔差，全場觀眾笑得幾開心，Error四子落力演出，係有默契既演繹。單獨去睇，小太郎與刀郎的對手戲其實即係Dee Gor獨腳戲，演技是有水準的，而喜感亦到位，不過刀郎由來背景未有加以發揮，火花唔夠。.同樣情況發生係石仔與妹豬的關係，睇完感受唔到兩者關係深厚，徙左個感動位，甚至石仔陰陽眼於戲中作用亦不大，其實肥仔做得幾好。.保錡今次演出比較內斂，阿良這角色同保錡之前口花花鍾意媾女形象有個反差萌，洗底幾成功。193飾演外星人混血兒，似吹水多過靈異，亦唔覺有咩功能，純粹覺得講對白好生硬，實在有別一般綜藝或之前拍劇牙尖嘴利的表現。.兩位女角譚旻萱、郭思實屬花瓶角色，純粹襯托一下Error，功能性近乎零。只是英皇電影開戲要捧下旗下藝人吧。其他參演演員之中，阿正繼續爆笑亮眼，沈震軒騷肌令Error無反抗之力；以周家怡的地位，當個閒角實在大材少用，Big Boss地位毫無懸念，令電影追看性略減。.我本身未睇過原著，故事講緊一個守護家園，對抗惡勢力的題材，好淺白直率地比喻緊近年本港情況。不過覺得戲中有好多人物角色，關係與故事的發揮空間未有善用。另一方面，未知是否資金有限，戲中「惡鬼」有點流，而且亦有違石仔陰陽眼的有用性。.最後有個地方想讚，一個咁地道既故事，搵左貼地偶像男圑助陣，電影對白亦相當貼地，未知有多少是四子爆肚創作，但當中有不少向港産片致敬的，新到連明日戰記都有！.觀影平台: MCL Cinema Plus+ 荷里活戲院.IG : AndyMyFilmography/ #AndyMovieReview