媽閣是座城

《媽閣是座城/A City Called Macau》還原人性，人為甚麼好賭？為甚麼會停不低賭？賭會令人淪落至甚麼境地？影片通過刻畫三個身份、性格、面貌完全不同的男性角色，揭露了一樁樁駭人的賭徒悲劇。這些人入賭場就搏殺，離開賭場就賴賬，描繪女疊碼仔人生…過的就是放債和討債的生活。

用一個女人(疊馬仔)和三位賭徒的感情經歷，來看澳門回歸後的興衰，和賭足已令人泥足深陷，甚至家散人亡，其實都很有警世作用。全片可以說是女主角白百何的個人表演，完全演活一個有情有義的疊馬仔，而有不失女性的魅力的女人，而黃覺(段總)及吳剛(史奇瀾)兩位賭徒和戲內的綠葉亦表現稱職，只是故事節奏有點慢，拖拉得有點婆媽。

賭場內的真正贏家，是贏夠後便立即離場和輸了後不再回頭的兩種人。白百何將感情帶進賭博事業內，是她人生失敗的主因。所謂賭性難移，她一而再，再而三地選擇相信賭徒的謊言，被騙金錢的同時，亦輸掉了感情，更因錯信別人而受傷。

1.改編自嚴歌苓同名小說並由佢親自操刀劇本、久違電影圈十幾年嘅「第五代導演」李少紅執導、加上白百何主演，呢個女性編導演組合可以堪稱係鑽石陣容。.故事確實幾吸引導演/演員參與製作，橫跨十幾年嘅情節中講述女主角同三位男士嘅瓜葛，同時亦帶出澳門回歸後嘅歷史步伐。不過由於牽涉時間幅度以及劇情太冗長而又片面描寫角色，搞到好似濃縮幾十集嘅長篇電視劇精華片段。-2.禁賭國家偏偏拍攝一套以賭博為題材嘅電影，而套戲仲要唔似『賭城風雲』咁詐諦用慈善賭博名義過骨，真真正正喺賭場賭博，確實係幾吸引電影迷睇吓佢會點處理呢個題材。.電影成功捉緊賭仔心態 - 貪勝不知輸：贏開有條路就乘勢追擊，唔識得賺夠走人；一輸咗諗住追返條數，賭到傾家蕩產都唔識收手，跌落賭博嘅深淵。.正當女主角怪責三個男人沉迷賭博嘅陋習，偏偏自己亦落入相同陷阱 - 一而再再而三咁睇錯男人，執迷不悟咁繼續選擇相信佢哋肯改過，其實又何嘗唔係賭博？佢哋賭嘅係錢，而女主角所賭嘅係感情。.透過多個角色賭到家破人亡，從而拍出史上最大型製作嘅禁賭電影。-3.但有趣嘅係呢位從事疊碼仔多年嘅女主角每次都係衰感情用事而令自己泥足深陷，而做得呢行就要理性兼敏銳作出判斷，佢能夠撈咁多年真係好彩。.當然成套戲佢唔係咁感情用事就開展唔到故事啦，但睇到後段佢再三借錢畀人時睇到唔少觀眾笑咗出嚟，真係太太太太太蠢啦。.角色最大矛盾地方係佢做呢一行但又憎人賭錢，呢種「要做雞又要攞貞節牌坊」嘅思緒確實難以令人理解。最可笑嘅地方係佢仲要諗住救贖返「深愛」嘅人，將自己搖身一變上升聖母咁崇高嘅等級。-4.幾位男演員結局下場幾典型中國電影特色 - 比公安拉或者比仇家殺死。最慘必然係兩位香港演員，白百何同黃覺喺屋企鬧交嗰幕，客廳電視機正播出曾志偉俾警察拘捕嘅新聞片，觀察力唔強嘅朋友絕對會錯過呢個位。.而另一段新聞報道提及嘅亞裔屍體，相信就係飾演華仔嘅彭敬慈。電影始終都要符合中國主旋律思想，掂親賭都冇好下場。-5.周旋喺白百何身邊嘅男人之中，錢小豪係最慘嘅一個 - 多年來忠心耿耿幫佢做事，睇得出對佢有愛慕之心但又唔敢講，而且啲戲份仲要畀人大剪咗添。-6.雖然劇本方面難以信服，但演員演出實在一流。例如白百何飲醉酒爆出自己鬱結嗰幕嘅演出令人讚嘆，吳剛賭到出晒汗兼發爛渣又係名場面。.就算只係客串演出嘅曾志偉同樣咁精彩，可惜佢鬧仔嗰幕當佢情緒推到最高嘅時候就剪走咗，有啲可惜。-7.預告片所見嘅浴缸燒銀紙一幕屬於電影焦點場面之一，透過前面咁多情節堆砌女主角咁討厭沉迷賭博嘅人，從而令到呢一幕更加有張力。只可惜近鏡會見到部分銀紙寫上「戲用道具」，又係大銀幕下無法遮掩嘅穿崩地方。-8.上年聖誕節時喺Festival Grand同嘉禾荃新天地上幾場偷步優先場搏金像提名，可惜無論技術定演技獎項提名都全部落空。個人認為當中演員部份都值得有提名㗎。.香港上映首日非常低調，僅得四間戲院合共八場放映。有興趣睇演員嘅朋友趁早入場啦。

對不熟悉賭場規舉的我來講，情節緩慢確實係有很多悶場，唯有專注睇演員精彩嘅演岀，白百何演久歷滄桑嘅風麈女子，疊碼仔生涯原是夢，令人信服。

白百何今次演技真係進步好多，演出入神入格