不是色情電影

一開始有d唔知點寫呢個影評,諗咗好耐,終於有d頭緒...其實會入場睇呢套戲嘅話,本身都應該唔會expect套戲係易入口嘅,即係唔會好存在話:“我睇tralier/簡介幾啱大眾喎,點知入唻竟然係咁嘅？” 咁即係預咗未必睇得明...所以到最後,我老實講,除咗佢好大力咁講嘅“女性自由”之外,其實我唔係好明...但佢無呃我入場嘅,明賣明買,所以我又唔會話佢唔好睇...總之,啱feel嘅就啱feel,唔啱feel嘅亦無中招...算係我對其他人另類角度嘅一種體驗啦～短短地,ok嘅！

日本拍紀錄片水準是無可厚非，可以一看睇吓日本仔另一面點癲拍無厘頭；另外看看眼睛吃肥淋淋的日本豬肉

由於園子溫的場景設計很有自己一套，畫面凌厲鮮艷，加上各種裸露，演員又照舊個個都發癲，視覺上呢套戲係好先聲奪人，單睇個trailer真係會覺得好想入場。但呢套戲有好多虛幻現實和過去將來不斷交替，對白又不斷重覆得黎又唔太知佢想up乜，主題又抽象，所以唔理套戲有咩想表達都好，都唔能夠否認佢悶場頗多。雖然觀眾可以自行補白組織返套戲想表達嘅主題出黎，但我覺得要補白嘅部分如果多到呢個地步，就代表導演本身表達得差，唔可以怪觀眾唔like套戲。所以，即使套戲有佢吸引之處，但我嘅整體觀感仍然傾向負評。

堆砌，非園子溫出色之作，演員自由發揮，冇交流

真係好好笑，上面都有人講套片係點架喎，你自己走去睇，仲要特登去電影中心睇，話人顛婆?真係唔知邊個顛。有時睇戲好主觀，但有人睇開王晶，唔通你叫佢去睇馬田史高西斯咩，唔同level就係唔同層次啦，可能腦裡世界只記得TVB就唔去睇園子溫導演既戲。

園子溫呢兩年掛住拍商業電影賺錢開studio，所以就算係園子溫風格題材都唔園子溫。但呢套明顯地表明我回來了，意識流，女性平權，自由，宣洩通通都有，係fans 就唔好錯過了