今個聖誕無銀用

以下是我對這套戲的評語：我覺得套戲是出色和爆笑，導演玩得瘋狂，講真這套的故事設定比一般美式低俗喜劇特別，以派對來救公司這個設定是有新意，導演在處理這個瘋狂派對的能力高，不是一味玩鹹濕（當然這套的鹹味是頗重），在當中也有推進劇情。不是一味玩的。而老實這些片一定是玩很多美國文化和大熱電影劇集。今次有玩有狂野時速、權力遊戲、玩耶穌基督、玩芝加哥公牛的占美畢拿等，而老實今次的笑位處理得頗特別，例如有可卡因粉當雪粉來玩，雪橇的一段和扮泰山的一段也是爆笑的場口，還有今次這些對白也是粗口橫飛。PS:我睇那場在我前面有一個五六歲的細路來睇。

全场爆笑全明星阵容最搞笑的圣诞派对敬请笑吧

期望越大，失望越大，預告片太精彩了，最好笑已在預告片呈現。不過不失，聖誕應應節吧！演員發揮普通，中文字幕配得麻麻地。演員和演員之間無乜大火花，始終笑片係互動。好好地珍尼花+積遜比曼米好睇有火花囉，演變成Xmen 女+ 積遜比曼就無乜好睇，始終男女主角嘛。講講Kate McKinnon 即係上一套係捉鬼敢死隊做四眼癲婆，反而無上一套咁好咁放咁癲好似勒住勒住，有點失望，還有題外話～可能臨近聖誕有幾個常常見的演員都發福吾小。

輕鬆笑片一套咸野索野場面少不了

係聖誕節前睇呢套戲幾有氣氛睇到聖誕party應該係點電影開頭至中段係幾好笑不過去到後尾就有少少爛尾既感覺有少少虎頭蛇尾劇情係癲左少少不過都幾好笑可以入場放鬆下同時帶出左其實係生命中衝動、勇於嘗試、活在當下同埋理性同樣重要缺一不可

睇完'鋼鋸'呢d A級大片，想搵套笑片'輕鬆'吓的話，此片都勉強可以。說明'輕鬆'非笑片，全因為笑位真的不多（包括同場其他觀眾都好靜）。但作為一套應節B級片，輕輕鬆鬆個幾鐘點都好過捱cctvb 的兩套爛劇！分別是你要付出一舊水而cctvb免費，所以此片不看亦不是損失。