日本最長的一天

瘋狂的侵略戰爭最後帶出瘋狂的叛亂行動，犧牲的卻是平民百姓，任你用多漂亮的藉口去美化和支持你的行為 （像片中東條說的愛國也有廣義和狹義)，始終掩飾不了背後自私的動機，值得反思。影片時間長而且人物眾多，最好夠精神才去看。

役所廣司已在「山本五十六」及「蜩ノ記」演出同類型的角色，所以演出木入三分。但這也可能令觀眾感覺電影老生常談的原因之一。

从另一个角度看日本全程紧张

好彩在落畫前欣賞到呢部好片。我都有睇過不久前上映嘅兩部日本反戰電影「永遠是0」同「山本五十六」，那種戰爭嘅慘酷、無奈與沈鬱，那種「可憐無定河邊骨，猶是深閨夢裡人」之傷痛，令人心神震蘯，而有天地不仁之感。但本片完全沒有戰爭場面，兩個多小時內盡顯人性醜惡一面：驕傲自大，計較自私。結果內閣高官商議戰或降問題，遲疑不决，再三拖延，搞到廣島長崎捱咗兩粒原子彈，死得人多，可惜可嘆！面對艱難局面，戲內幾個主線人物都在自身價值觀嘅框架内，自我內心戰鬥，亦同時同身邊各同僚角力，所以成套戲，雖然整天開會爭論，亦凝聚張力，引人入勝，戲味十足。本木雅宏曾演過由琴師轉做禮儀師，今次則演昭和天皇，都演得恰到好處。昭和天皇係生物學家，或因此而珍惜國民生命，不想見本國頓成一片焦土，親自降旨投降，留得青山在，開萬世太平。至於役所廣司，上次演二戰海軍艦隊司令山本五十六，不喜戰爭，但今次則演好戰嘅陸軍大臣阿南惟幾，都一様維肖維妙。最後天皇宣布終戰，各軍官將領紛紛呑槍或切腹自盡，切腹那幾個鏡頭畫面好震撼，不忍卒睹。總括而言，此片拍得十分細緻、平實，帶大家回到上世紀45年8月前一段日子的東京，親身體會當時海軍省、陸軍省、內閣、皇宮各路人馬的勾心鬥角，實在係一種難得的經歷。真係一齣好戲！

let's think about

繼「永遠的0」、「山本五十六」後，又一套關於二次世界大戰嘅日本電影，由日本一線導演原田真人執導，同預期嘅一樣，呢套戲拍得非常仔細，雖然套戲接近140分鐘，但係d文戲一d都唔悶。日本天皇係咪應該為戰敗而負上最大責任至今都仲係爭拗不斷，鑒於呢個問題仍然係個謎，所以導演由頭到未都冇提及過，但從套戲可以睇倒日本天皇係人民心目中嘅地位，即使就快投降d人都要保住天皇嘅權力。非常欣賞役所廣司呢位演員，又做山本五十六，又做阿南惟幾，兩套戲都做得好好，其他幾個配角都唔錯，特別係山崎努飾演嘅鈴木首相，每次佢講野嘅時候都好震倒場。