奇鸚嘉年華

故事內容幾得意，非常適合一家大細,帶細路去睇

人人都可以笑番餐，故仔冇特別，但3D ok

畫面好靚，配音都幾好，輕輕鬆鬆睇下戲好吾錯：）

突然發現，復活節原來已不是合家歡的節日，想找一套大人細路入場笑下的戲是有點難度，《豪情》、《性上癮》太重口味；《魔警》、《紅Van》太沉重；《冰封俠》、《魔女宅急便》又太實驗，結果就為揀而揀選了《Rio 2》。自《荒失失奇兵》開始，3D卡通界出現了一種"Bollywood"式的片種，全片角色會成村人出動表演大合唱，視覺來講很色彩斑斕，而卡通片給你的3D又是「堅揪」3D，莫論劇情，要入場看3D，卡通算抵睇。《Rio 2》亦一如Bollywood式的戲路，不時出現大合唱，尤其片末的終極大合唱，過百鸚鵡模仿萬花筒升空跳舞，十分賞心悅目，不難令人想起《獅子王》的草原大合唱畫面。可能I級和target小朋友的關係，故事是相對簡單，都是鸚鵡尋根、再加插老豆為取悅孩子而飛甩老土的情節，當中亦帶有一點環保教育意味。反而值得讚賞的是，它斗膽挑戰怪獸父母，電影除叫你不要殺鸚鵡外，更鼓勵家長給小孩子回歸基本，不要過份保護或給予太多物質享受，鸚鵡也會有宅女顧著聽iPod，成何體統。姜文曾帶著兩個孩子流放邊疆，住爛屋、喝羊奶，閒時要跑沙漠，一年後喊死阿媽，但兩個孩子硬淨多了。電影除教育小朋友，亦教育家長是時候叫孩子放下iPad。對大人來講娛樂性可能不夠，但畢竟卡通片的初衷，不就是給小朋友開心一下吧，現在不少卡通包袱太多了。

幾好笑 d音樂吾錯

被angry bird 吸引入去睇，意想不到的爆笑！