Look Back 驀然回首

拍攝手法、選角、場景大至上都比到動畫版果種氛圍，尤其4個主角，選角、造型同演出都高度還原動畫版角色氣質, 兒童期同青年期個樣都連貫到。4個主角要再選的話我會選兒童版果兩個, 還原度更高，演出亦自然。攝影同樣出色, 名場面都有重現, 有啲風景亦幾靚。整體係唔錯嘅真人版，可以一看。PS.• 還是較喜歡動畫版，58分鐘節奏更明快, 同埋有啲場面/意景表達只有動畫先做到

漫畫版同動畫版我都睇過，今次唔講劇情，講返真人版係咩感受。第一個想法係兩位主角角色設定更立體，第三次睇呢個故事先發現藤野根本係領袖型人格，做算唔畫漫畫撈其他野都會好掂；而京本無乜刷新新認知，但我睇完真人被終於解答到藤野畫漫畫嘅原因（話自己解答到係自我感覺良好）就係因為京本，無論時間線點重來，宇宙嘅羈絆都會令佢地畫返漫畫。真人版除左令藤野個角色設成更出外，仲拍得秋田縣好靚好靚…..動畫版都未咁覺，身處咁靚嘅地方難怪京本隨手都畫得出靚景。加埋出口夏希好靚好可愛，本怪叔叔睇得好開心。是枝裕和亦係出左名拍攝小朋友好勁，不過真人版look back個兩個小朋友就正正常常發揮啦，無《怪物》嘅小朋友演出咁精彩。真人版有兩幕我就覺得比唔上動畫版，第一幕係藤野知道京本原來好崇拜佢後，黎左段幾分鐘嘅自high，動畫版呢幕嘅氣氛營造得更好；第二幕係動畫版係結局出片尾人物謝幕時，藤野由日出畫到深夜個下勁神、而現實真人版可能拍攝同時間所限，無左呢下我覺得未夠盡興。反正我覺得真人版算成功，重要劇情、場景都無乜魔改，睇多次又有得著，就算對故事好熟都值得再睇，如果你無睇過呢個故事，更應該襯真人版入場感受藤本樹呢條友幾咁有魅力。

風景如畫，拍攝唯美，故事雖平實仍有追看性，尾段帶有奇幻色彩。導演輕巧地將漫畫手法嘅演變融入故事，好睇。由早期一人簡單四格，至單行本二人合作無間，運用不同嘅繪畫手法、潑墨做出效果，再到連載版由一組人分工，再到由電腦輔助，畫出效果。而漫畫嘅周邊商品化，反而令作者迷惘。唔知nagano會唔會有同感。導演無寫用AI生成漫畫，留一線。又可能係原著無講AI。最後女主角睇返故友嘅一人完成風景水彩畫回憶作，呼應初期嘅一人自畫四格漫畫。完滿。

秋田縣的風景拍得靚，空鏡頭拍得好好，入戲院先感受到！女主角都好靚女，感情交流好好

有啲人，當頻率啱，好容易被觸動，是枝啱哂我嘅頻率。好多人話佢近作不如前，我就套套都比佢感動倒。知道佢翻拍 Look back, 估佢死定，重拍十套十死，跟唔跟原版都死，仲記得當年Gus Van Sant 重拍Psycho, 慘不忍睹，仲要今次動畫版只係兩年前，所以完全不抱希望入場。是枝係愛 Look back 嘅，佢都有野心。要咁樣重拍，佢要做嘅多過原創。Look back 動畫構圖畫面都好靚，今次真人實物超越動畫，表現出秋田美，去到岩井俊二當年唯美純愛電影地步，當然，是枝更勝一籌。有趣嘅係引用龍貓男鹿和雄插畫，將漫畫背景畫秋田景色完美配合。真人版補完動畫版，尤其係故事完整性，令到故事同場口轉接更自然。人設方面，藤野性格比之前討好，更易代入。最重要係藤本漫畫對漫畫社火災嘅悼念，同對慘劇作出平行時空嘅處理，仍然係全片嘅中心，表達出對同路人嘅珍惜同愛，哩樣就係是枝嘅作者論命題！