黑魔塔

好闷套戏主角细佬仔先失望

個大佬講到好神通廣大，點知居然係血肉之驅，劇情冇咩張力，套戲太短好多野冇解釋到，浪費左個卡士。

“黑魔塔”呢套戲係改編自著名恐怖小説大師“史提芬京”嘅作品“The Dark Tower”(吾好誤會,呢套絕對吾係恐怖片),“The Dark Tower”嘅小説我就未睇過,睇完個預告片之後,覺得好有興趣,所以就咗場睇。 睇完之後,我係覺得係好睇嘅,估吾倒仲會比預期中好睇,“平行時空/平行宇宙”呢樣野就成日聽,但“平行宇宙”真係正式喺電影出現,就未見過,呢套戲就正式咁講“平行宇宙”喺套戲裡面嘅世界真正咁存在,睇呢套戲嘅時候真係好興奮。 呢套戲嘅劇情就好簡單,套戲裡面座塔非常重要,座塔如果有咩事,所以“平行宇宙”都會有影響,套戲講到座塔好重要,但實際座塔只係出現咗幾幕,呢方面有少少失望,但都吾會影響倒套戲嘅。 呢套戲不論角色同埋背景都相當吸引,故事裡面正邪兩立都吸引,“槍客”為正義一方,而“巫師”就邪惡一方,呢個組合我係覺得好睇嘅,但人物造型都吾算特别,角色同背景方面都好滿意嘅,造型方面我覺得就麻麻地,但整體都好滿意嘅。 係套戲裡面透露左有好多個“平行宇宙”,套戲裡面個“巫師”已經消滅咗,如果有續集嘅話,希望可以去其他“平行宇宙”冒險啦,例如下個禮拜個套“小丑回魂”(IT),“小丑回魂”(IT)就係“黑魔塔”裡面嘅其中一個“平行宇宙”,咁當然(IT)嘅宇宙吾會出現喺“黑魔塔”嘅續集啦,但都好期望會出現其他“平行宇宙”嘅續集。 呢套戲各方面都好吸引,呢套戲非常推介,睇完之後,包你感覺去咗另一個世界。

平行時空本來係一個好有趣嘅題材，但係套劇表達得好單調

電影是改編Stephen King 小説。劇本只是一般，亦沒有大卡士，只有馬修麥康納較為人認識。整體比較普通。作為暑假檔期比較弱。